Felber, Christian
Zakładne daty
datum naroźenja 9. decembra 1972
městno naroźenja Salzburg

Christian Felber (* 9. decembra 1972 w Salzburgu) jo awstriski uniwersitowy lektor, rejowaŕ, knigłowy awtor, lichotny publicist a referent wó pšašanjach góspodaŕstwa a towarišnosći.[1] Wón jo załožeński cłonk globalizowanskokritiskego gibanja Attac w Awstriskej, iniciator „Demokratiskeje banki“ (nimski „Demokratischen Bank“) a wunamakaŕ „ekonomije powšyknego derjeměśa“ (nimski „Gemeinwohl-Ökonomie“).[2]

Žywjenje

Felber jo studěrował w Wienje a Madriźe romanisku filologiju a Špańšćinu ako głownej facha ale teke politisku wědomnosć, psychologiju a sociologiju ako pódlańske fachy. Wón jo dokóńcył swój studium w lěśe 1996 z magisterom w romaniskej filologiji. Wót togo wón źěła ako lichotny awtor. Felber jo aktiwny z lěta 2000 pśi attac w Awstriskej, až do lěta 2003 jo był w pśedsedaŕstwje a až do lěta 2004 casnikarski powědaŕ; aktualnje jo powědaŕ. W nazymje lěta 2008 jo bywał Christian Felber lektor na Uniwersiśe za góspodaŕstwo Wien.[3]

Felber jo był dnja 31. oktobra 2008 (źeń reformacije) mimo Frank Crüsemann, Ulrich Duchrow, Heino Falcke, Kuno Füssel, Detlef Hensche, Siegfried Katterle, Arne Manzeschke, Silke Niemeyer, Franz Segbers, Ton Veerkamp a Karl Georg Zinn prědny pódpisaŕ napominanja Měr z kapitalom? Napominanje pśeśiwo pśiměrjenjeju ewangeliskeje cerkwje na móc góspodaŕstwa (nimski Frieden mit dem Kapital? Ein Aufruf wider die Anpassung der evangelischen Kirche an die Macht der Wirtschaft.)[4]

Christian Felber: Reja na spódku

W lěśe 2009 jo wón pógibowańsku załožbu Awstriska (nimski Bewegungsstiftung Österreich) sobu załožował,[5] W lěśe 2010 jo iniciěrował projekt „demokratiskeje banki“ (nimski „Demokratische Bank“).[6] Gromadu z rundu wšakich pśedewześarjow a pśedewześarkow jo wuwiwał Felber model „ekonomije powšyknego derjeměśa“ (nimski „Gemeinwohl-Ökonomie“, ako teoretisku alternatiwu k kapitalistiskemu wikowemu góspodaŕstwu a k centralnemu planowemu góspodaŕstwu.

W lěśe 2010 bu na iniciatiwje casopisa LEBENSART k Nachhaltigen Gestalter 2010 z wobłuka ciwilneje towarišnosći wólony ale teke wót Public Relations Verband Austria k Kommunikator des Jahres 2010 nominěrowany (jaden z tśich nominěrowanjow).

Mimopówołański Christian Felber jo z lěta 2004 teke nacasny rejowaŕ, mjaz drugim pśi rejowańskem lěśu (nimski Tanzsommer)[7] w Graz a Z Cie. Willi Dorner.[8]

Źěła (wuběrk)

  • Die Gemeinwohl-Ökonomie – Das Wirtschaftsmodell der Zukunft, 2010, ISBN 978-3-552-06137-8
  • L'Economie citoyenne – ou quand l’intérêt général s’invite dans le bilan des entreprises, Actes Sud, 2011, ISBN 978-2-7427-9698-4
  • Kooperation statt Konkurrenz – 10 Schritte aus der Krise, 2009, ISBN 978-3-552-06111-8
  • Als Herausgeber: Wir bauen Europa neu – Wer baut mit? Alternativen für eine demokratische, soziale, ökologische und friedliche EU, 2009, ISBN 978-3-701-73129-9
  • Neue Werte für die Wirtschaft – Eine Alternative zu Kommunismus und Kapitalismus, 2008, ISBN 978-3-552-06072-2
  • 50 Vorschläge für eine gerechtere Welt – Gegen Konzernmacht und Kapitalismus, 2006, ISBN 3-552-06032-4
  • Das kritische EU-Buch – Warum wir ein anderes Europa brauchen, 2006, ISBN 3-552-06032-4
  • Schwarzbuch Privatisierung – Wasser, Schulen, Krankenhäuser – was opfern wir dem freien Markt? (zusammen mit Michel Reimon), 2003, ISBN 38-000-399-66
  • Von Fischen und Pfeilen – Poesie zum Anfassen, 1999, ISBN 3-85273-072-4

Nožki

  1. ↑ Pśednoski Christian Felber
  2. ↑ Gemeinwohl-Ökonomie: Zespominanje ideje a interview wo tym.
  3. ↑ Pśednosk wó temje: Gesellschaftlicher Kontext wirtschaftlichen Handelns – Lisćina pśednoskow
  4. ↑ Frieden mit dem Kapital? Ein Aufruf wider die Anpassung der evangelischen Kirche an die Macht der Wirtschaft. (pdf-Datei)
  5. ↑ Bewegungsstiftung Österreich
  6. ↑ "Demokratischen Bank"
  7. ↑ 2005 Kindertanzstück „Piri und Bär“, hlej tež Christian Felber CV
  8. ↑ „Reja za Attac“ (Video)

Wótkaze


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.