 | |
| Alpska słodka źiśelina (Hedysarum hedysaroides) | |
| systematika | |
|---|---|
| Domena | Eukaryoty |
| Swět | Rostlinstwo |
| Eurosidy I | |
| pórěd: | (Fabales) |
| swójźba: | Łušćinowcy (Fabaceae) |
| pódswójźba: | Mjatelowe kwitarje (Faboideae) |
| rod: | Słodka źiśelina[1] (Hedysarum) |
| družyna: | Alpska słodka źiśelina |
| wědomnostne mě | |
| Hedysarum hedysaroides | |
| (L.) Schinz & Thell. | |
Alpska słodka źiśelina (Hedysarum hedysaroides) jo rostlina ze swójźby łušćinowych rostlinow (Fabaceae).
Wopis
Alpska słodka źiśelina jo wěcejlětna rostlina, kótaraž dośěgnjo wusokosć mjazy 5 a 25 cm, rědko až do 60 cm.
Cop cesto dośěgnjo dłujkosć wót metra.
Kijašk jo rožkaty, njejo roznogaśowany, jo zrownany, šćodriwje lisćaty.
Łopjena
Łopjena su njeporowje pjerinate a maju až do 10 porow (9-21) owalnych abo lancetojtych, cełokšomatych, nagich, górjejce śamnozelenych, dołojce swětłozelenych łopjeńkami. Łopjeńka dośěgnu dłujkosć mjazy 10 a 30 mm. Pódlańske łopjena su kóžkojte, brune a až nad srjejźišćom zarostowane.
Kwiśonki
Wón kwiśo wót julije až do awgusta. Kwiśonki su jaskrawje purpurcerwjene, dośěgnu dłujkosć wót 2 cm, su nejcesćej wisece a sejźe pó 10-50 w na kóncu stojecem granje. Krona dośěgnjo dłujkosć mjazy 15 a 20 mm a jo cerwjenofijołkojta. Cołnik jo dlejšy ako kśiłko a chórgojcka. Keluch jo zwónojty.
Płody
Płodowe łušćiny dośěgnu dłujkosć mjazy 2 a 4 cm a su rozrědowane.
Stojnišćo
Wón rosćo na górskich łukach, na kalkatych, kamjenjatych zemjach.
Rozšyrjenje
Alpska słodka źiśelina jo wót Pyrenejow až do Małeje Azije rozšyrjony.
Howacne
Kórjenjowe kule wopśimjeju dušyk zwězujuce bakterije. Jo jadna nejwěcej gódnotnych Alpskich futrowańskich rostlinow z wusokim wutkom na bělkowinje a tuku. Lěcrownož jo lažko górki, wón bu rad wót skóta žrany. Ale wón špatnje wuźaržujo mócne pasenje; lěpjej wón se góźi k dobyśu wót sena (secenje).
Nožki
Žrědła
- GU Maxi-Kompaß Blumen, ISBN 3-7742-3852-9,, bok 114 (nim.)