Sibel Can

Sibel Can (b. 1970, Estanbol), yew muzisyena Tırka ke serra 1970 de suka Estanboli de biya.[1] Name cıyê biyayışi Sibel Cangüreyo emma name xo vurno u cı rê yew namey sexne gırota u name xo kerda kılm Sibel Can. Sibel Can ewro deyr vana u zaf namdara. Çı wext a dest pe kerda kariyerê xo, dansozi kerda emma hıma nêkena. Sibel Can Ağustos 1, 1970 de suka Estanboli de ameya dınya. Piyê cı Engin Cangüre goçmeno u Yugoslavya ra ameyo Bursa. Marda cı Emine Gül Bursayıc biya. Sibel Can keye xo de qıca yewın biya u semtê Fatih,Karagümrük de çımanê xo akerdo dınya. Piyê cı yew kemanist biyo u be tayê senatkaran ra xaptiyo. Key Sibel Can biya des u çehar (14) serran, be waştışi ra veciya sexne u oryantal kerda. A be piyê xo ra veciya turneyan u inca de hem ortantali kerda u hem zi deyr vata, solisti kerda. A kulubê Galata Kulesi, Astorya de veciya. Nükhet Duru Fahrettin Arslan rê tewsiye kerda ki Sibel Can ğazinoy xo de bıveciya. Be tewsiyey Nükhet Duru ra Sibel Can Ğazinoya Maksimi de veciya u serra cıyê 17ıne de biya assolist. Çı wext Sibel Can veciya sexne, a zaf qıtek biya u a ri ra be qararê mahkemey ra serra cı howt (7) serri kerda pil. Raveri Orhan Gencebay albumanê xo kerdo. A be Hakan Urali ra zeweciyaya/veyve kerda emma dıma zewecê inan peyni diya u Sibel Can be Sulhi Aksüti ra zeweciyaya. Hakan Urali ra yew u Sulhi Aksüti ra dı, pêro piya hiri qıcê Sibel Cani estê. Sibel Can 1987 de albumê cıyê verêni Günah Bize piyasa rê tıra kerda.[2] Emma esasen 1997 de veciyayışo gırd tepşiya. 1997 de albumê cı Bu Devirde veciyo u no album ra deyrê Padişahi zaf zaf biyo namdar u no deyr Sibel Can kerdo namdar.[3][4] Heta ınka vist u yew (21) albumê cı veciyê. Tewr peyên serra 2014 de albumê cı Galata veciyo.[5]

Sibel Can
Melumato şexsi
Dewlete	Tırkiya
Cınsiyet	Cêniye
Cayê biyayışi	Estanbol
Biyayış	1 Tebaxe 1970
Gure	Muzisyen û Kayker
Zıwani	Tırki
Enstrumanê cınıtışi	Vokal
Keyepele	sibelcan.com.tr