Munzur Çem

Munzur Çem (b. 1947 Kêği, namey xoyo raştıkên Hüseyin Beysüleno) yew nuştekarê rocnameyanê Zazakiyo. Serra 1947ıne de dewa Kêği, Qurze de ameyo riyê dınya. Mektebo verên Seter de, mektebê miyani zi qezay Dêrsımi, Nazmiya de wend. Serra 1962yıne de Erzurum de dest be wendışê Kolejê Sıhatiyo (Sağlık Koleji) çeharserre kerd û serra 1966ıne de no mekteb Diyarbekır de qedêna. Serra 1971ıne de Mektebê İqtısadi û Ticariyo Berzê Anqara wend.

Munzur Çem
Melumato şexsi
Cınsiyet Camêrd
Biyayış
Merdış
Gure Nuştekar

Munzur Çem, serra 1970ıne ra nat be Tırki û Zazaki meqale, roman û hikayeyan nusneno; şanık û lawıkê ke şari miyan de yenê vatene, inan dano arê. Meqaleyê ey ekonomiye, politika û kulturi seroyê. Tepiya imla û gramerê Zazaki sero zi xeylê kar û gureyê xo estê.

Munzur Çem hal û usıl ra gore mecbur mendo, seba ke ey meqaleyi û kıtabê xo be ciya ciya nameyan ra nuştê. Tayê nameyê ke heta nıka no kar pê kerdo nêyê: H. Toprak, A. Taş, M. Çem, B. Şilan, S. Dilan, Mirzali Çimen, Aliqemer uêb..

Heto bin ra Munzur Çem xebatkarê de heqanê merdumiyo. Kurdıstanê Zımeyi de halê heqa merdumiye sero xeylê kar û gureyê xo esto.

Ciya ciya tayê meselan sero broşurê Munzur Çemi zi estê. Meqaleyi, lawıki, şanıkê arêkerdeyi û hikayeyê nuştoği, heta ewro xeylê pêserok û rocnameyan de veciyê û hewna zi veciyenê. Gruba ke çend serriyo imla û gramerê Zazaki sero gureyeno (xebetiyeno) û Swêd de pêseroka Vateyi vezena, Munzur Çem inan ra yewo. Nustoğ naye de temsilkarê na pêseroka ê Almanyayo, rocnameyê hefteyi Roja Teze de, 15 roci de reyê be Zazaki meqaleyan nusneno.

Munzur Çem, ronayoğanê Kurd-PEN ra yewo, çıke o xo Kurd vêneno. Labelê hetê biyayışi ra Zazayo û Zazaki qesey keno.

Kıtabê xo
  • Hewara Dêrsımi, 2003
  • Gula Çemê Perrê, 2007
  • Hewne Newroze, 2005
  • İsyana Çağrı (Vengdayışê Xoverdayışi), 1996
  • Dersim Merkezli Kürt Aleviliği (Gola Dêrsımi de Elewiyiya Kırdan), 2011
  • Hotay Serra Usıvê Qurzkızi, 1992
  • Ormanın Dili (Vengê Bırri), 2000
  • Alevilik Sorunu ve Dersim Ayaklanması Üzerine (Problemê Elewiyên û Xoverdayişê Dêrsimi Ser o), 1995
  • Tanıkların Diliyle Dersim '38 (Be Zıwanê Vênayoẍan ra Dêrsım '38), 1999
  • Hewara Dersimi, 2003
  • Tayê Kılamê Dêrsimi, 1993
  • Türkiye Kürdistanı: Ekonomik ve Sosyal Yapı (Kurdistanê Tırkiya, Halê Ekonomik û Politik), A. Taş, 1985
  • Gülümse Ey Dersim (Bıhuye Ey Dêrsim), 2006
  • Kırmancki Gramer, 2003
  • Dünü ve Bugünüyle Gerikalmışlık Sorunu (Vıjêri ra bı Ewro Problemê Pêysermendışi), Mirzali Çimen, 1991
  • Ekmeği de Yaktılar (Non ki Vêsna), 1997
  • The Voice of the Forest (Vengê Bırri), 2000
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.