Hemşinki

Hemşinki (be Hemşinki: Հոմշեցմա; Homşetsi ya zi Homşetsi lizu) jew zuano Ermeniyo ke zımey-rocvetışi Tırkiya de terefi Hemşinıcan ra qal beno. Hemşinki jew feki Ermenikiyo. Zuanê Hemşinıcan Tırkiya teber de Ermenıstan û tay mıntıqani Rusya de ki qali beno. Hemşinıci rıstım de Ermeniyo emma ê mısılman biyi û a ri ra inan ri vaciyeno Hemşinıc. Zuanê Hemşinki miyandê Tıkiya Artvin de, dewê suka Hopa de, Borçka de û mıntıqaya Marmara de tay cayan de qal beno. Amorê qalkerdoğanê zuanê Hemşinki 39.000 - 44.000 miyan dero.[1] Zuanê Hemşinki Tırkiya de be Alfabey Latinki, Ermenıstan de be Alfabey Ermeniki û Rusya de be Alfabey Kırilki nusiyeno. Gorey referansê Ermenıstani amorê xıristyan Hemşinıcan 200,000o.[2] Zuanê Hemşinki atlasê UNESCO de bınê tehlikey vinibiyayışi dero[3] û hêdi hêdi vini beno.[4]