Finlanda
Finlanda (Finki: Suomi, İswecki: Finland), dewletê da qıtay Ewropaya. Cayê xo rocakewtena zımey (şımal) qıtaya Ewropa dero. Dorme ra Estonya , Rusya, Norwec, İswec u Deryao Baltik estê. Paytextê Finlanda sûka Helsinkiyo. Nıfusê xo 5,274,820o. Zıwanê xoyo resmi Finki u İsweckiyo. Sistemê idarey cumhuriyeto u Finlanda serra 1917ıne de xo reyna ra, xoser ilan kerd.
| Finlanda | |
|---|---|
 | |
| Desmal û Arma | |
  | |
| Melumat | |
| Ware | Dewleta hegemonyal |
| Mıntıqa | Fennoscandia |
| Embıryani | İswec, Norwec û Rusya |
| İdare | Finnish GovernmentParliament of Finland |
| Erd | 338 478,34 km2 |
| Nıfus | 5 608 218 |
| Hıkumet | Cumhuriyeto parlamenter |
| Serdar | Alexander Stubb |
| Kodê telefoni | +358 |
| Leteyê saete | UTC+02.00 |
| Kodê interneti | .fi |
| Zıwano resmi | Finki û Swêdki |
| Merş | Maamme |
| Cayo tewr berz | Halti |
| Cayo tewr nızm | Baltic Sea |
| Pere | Ewro |
| Ravêrşiyayışê heqa merdıman | 0,94 |
| Xerita | |
 | |
Coğrafya
Finlanda yew dewletê qıtay Ewropaya. Cayê xo hem zımey Ewropa hem zi nêmqurey zımeyo. Zıme de be Norwec u Rusya, rocawan de be Deryayo Baltık u İswec, veroc de be Estonya rê cirana. Finlanda berz niya, erdê xo zaf deştıno u zaf deşti estê. Kohi zımey u rocawan de estê.Koyê Halti, koho tewr gırdo. Finlanda de zaf dari estê, %86 ê erdi de dari estê. Finlanda de 187,888 goli estê. Finlandiya de iklım zaf serdo. Her mewsımi de serdo. Zımıstani hewa zaf serd beno, amnani nerm beno.
İdare
→ Nuştey serêni rê, şo perra Leteyê Finlanda
.png.webp)
Finlanda yew cumhuriyeto. Finlanda de tarix de 16 eyaleti biyê, ema 2010 de sistemê eyaleti qediyo u 6 letey ameyo meydan. Ewro Finlanda beno 6 letey;
- Verocê Finlanda
- Rocawanê Finlanda
- Rocakewtışê Finlanda
- Oilu
- Laponya
- Åland (İswecki), Ahvenanmaa (Finki)
Ekonomiye
Ekonomiya Finlanda zaf qewetına. İGM serê kesi zaf berzo (0,959 €). Fealiyetê ekonomiki zaf herayê. Hacetê elektrik-elektroniki, makiney, optiki, komunikasyoni, kimyasali, metali rotış kenê. İGMyê xo $189.4 milyaro. Yewiya pereyê Ewroyo. Finlanda zaf endustrilize biya u dewleta de zaf zengına.[1]
Demografiye
Nıfusê Finlanda serra 2011ıne de biyo 5,401,267o. Finlanda de gırdbiyayışê nıfusi zaf nızmo, ema be goçi nıfus her serre beno pil. %80-90ê nıfusi Finlandıco. %5-10ê cı İswecıco, u bini aidê şarê binano. Finlandiya de zıwanê Finki, İswecki u Samki qısey benê. %80 ra zafêrê nıfusi xıristiyano.[2]
- Nıfus :
- 2008: 5,304,840
- 2009: 5,351,427
- 2010: 5,375,276
- 2011: 5,401,267
| Şar | 1990 | 2000 | 2010 |
|---|---|---|---|
| Finlandıc | 4,674,095 | 4,787,259 | 4,856,529 |
| İswecıc | 273,495 | 267,488 | 265,982 |
| Sami | 1,734 | 1,734 | 1,832 |
| Bini | 24,550 | 98,858 | 222,926 |
| Rus | 3,884 | 28,179 | 54,546 |
| Estonyayıc | 1,394 | 10,153 | 28,355 |
| Somalıc | 0 | 6,454 | 12,985 |
| İngılızi | 3,518 | 6,850 | 12,758 |
| Ereb | 1,133 | 4,875 | 10,379 |