Enstitüyê Zazaki

Enstitüyê Zazaki yew organizasyonê zıwanê Zazakiyo. Sûka Almanya Frankfurt (Main) de merdumê ilmê zıwani, roştberi, nuştekar u senatkari amey têhet, Enstitüyê Zazaki na ro. Heta nıka Enstituyê Zazaki çınê bi ke tek teyna zıwan sero bo.

Sembolê Enstitüyê Zazaki

Ezayanê ronayoğan miyan de merdumê ilmê zıwaniê ke Zazaki sero gureyayê, pêserok u kıtabi vetê, senatkari, nuştekari, şair u doskari, Dr. Jost Gippert, Dr. Agnes Korn, C. M. Jacobson, M. Sandonato, X. Çelker, Hawar Tornêcengi, Hesen Usên Bor, Cemal Taş, Memed Ali (Zelemele), H. Cansa, Asmêno Bêwayir u ê bini tede ca gênê.

Hewna ke Enstitu tesdiq (e.V.) nêgırewti bi, tayê sûkan de ezayanê diwanê idarey kursê salıxdayena Zazaki dayne, projeyê qısebendê Zazaki-Tırki nay bi ro. Fêl u emelê Enstitüyê Zazaki ke bıdekeriyê, zafê, zey: Projeyê qısebendi (ferheng/sözlük) raverberdene; diyalektan ser, yew zıwano standard ser gurenayış (bılxassa seba zıwanê kolektifi); vetena kıtabanê terbiyetê mektebi (eğitimi) ê qıcan (domanan) uêb..

Çımeyi
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.