Volkswagen Phaeton
Агульныя даныя

Volkswagen Phaeton (бел.: Фольксваген Фаэтон) — аўтамабіль кампаніі Volkswagen прадстаўніцкага (F) класа. Выпускаўся з 2002 па 2016 год[1], было выраблена 84 235 аўтамабіляў[2].

Concept D

VW Concept D, 1999 год

Прататып аўтамабіля, пад назвай Concept D, упершыню быў прадстаўлены ў 1999 годзе на Франкфурцкім аўтасалоне.

Phaeton

'2002

VW Phaeton (2002–2007)
VW Phaeton (2002–2007)

У 2002 годзе на Жэнеўскім аўтасалоне быў афіцыйна прадстаўлены Volkswagen Phaeton. Машына была пабудавана на платформе агульнай з Audi A8 і Bentley Continental Flying Spur.

'2007

VW Phaeton (2007–2010)
VW Phaeton (2007–2010)

На аўтасалоне ў Жэневе 2007 года адбылася прэм'ера абноўленай версіі.

Змены ў знешнасці Phaeton закранулі, у асноўным, пярэднюю частку машыны, дзе з'явіліся новыя фары са святлодыёднымі габарытнымі ліхтарамі, а таксама больш выразны пярэдні бампер. Заднія ліхтары атрымалі таніраваную падкладку, а патрубкі выпускной сістэмы сталі інтэграваныя ў задні бампер.

Шэраг рухавікоў для VW Phaeton таксама змяніўся. Абноўлены седан стаў камплектавацца трыма бензінавымі рухавікамі V6, V8 і W12 магутнасцю ад 240 да 450 к.с., а дзесяціцыліндравы турбадызель знік з набору даступных агрэгатаў. Замест яго стаў прапаноўвацца мадэрнізаваны трохлітровы дызельны матор магутнасцю 235 к.с.

'2010

VW Phaeton (з 2010)
VW Phaeton (з 2010)

У 2010 годзе на аўтасалоне ў Пекіне быў прадстаўлены рестайлінгавы Phaeton[3].

Абноўлены аўтамабіль атрымаў іншае афармленне пярэдняй часткі кузава: з'явіліся новыя фары са святлодыёднымі элементамі, рашотка радыятара і іншы бампер. Быў дапрацаваны інтэр'ер, аўтамабіль атрымаў сістэму распазнання дарожных знакаў і мультымедыйны комплекс з доступам у інтэрнэт.

Gläserne Manufaktur

Gläserne Manufaktur

Спецыяльна для выпуску мадэлі Phaeton у Дрэздэне быў пабудаваны новы завод — Gläserne Manufaktur (бел.: Шкляная фабрыка). Афіцыйнае адкрыццё завода адбылося 23 сакавіка 2002 года.

На фабрыцы адбываецца толькі канчатковая зборка аўтамабіляў і ўсе камплектуючыя пастаўляюцца з іншых заводаў Фальксвагена. Гатовыя кузавы сюды прывозяць з завода ў Мозелі, іншыя камплектуючыя — са склада часовага захоўвання ў Фрыдрыхштадце. Для дастаўкі кантэйнераў з камплектуючымі з гэтага лагістычнага цэнтра была пракладзена спецыяльная трамвайная лінія.

На ўсіх этапах зборкі выкарыстоўваецца ручная праца.

Цэнтральнае збудаванне — 40-метровая шкляная вежа, куды з дапамогай аўтаматычнага ліфта ​​дастаўляюцца сабраныя машыны.

Продажы

Статыстыка продажаў Volkswagen Phaeton у Еўропе[4]


Статыстыка продажаў Volkswagen Phaeton у ЗША[5]

Зноскі

  1. ↑ Production of Phaeton ends today after 14 years(недаступная спасылка) // www.volkswagen-media-services.com (англ.)
  2. ↑ Das gescheiterte Luxusprojekt von VW // Frankfurter Allgemeine Zeitung (ням.)
  3. ↑ http://motor.ru/news/2010/04/22/phaeton/ Архівавана 24 мая 2014.
  4. ↑ Volkswagen Phaeton European sales figures (англ.). carsalesbase.com. Праверана 26 студзеня 2023.
  5. ↑ Volkswagen Phaeton US sales figures (англ.). carsalesbase.com. Праверана 26 студзеня 2023.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.