Спектр колераў sRGB сярод агульнага спектру даступных чалавечаму воку колераў акрэслены трохкутнікам

sRGB з’яўляецца стандартам прадстаўлення колеравага спектру з ужываннем мадэлі RGB. sRGB сумесна створаны кампаніямі HP і Microsoft у 1996 годзе дзеля уніфікацыі ужывання мадэлі RGB ў маніторах, прынтарах і інтэрнэт-сайтах^[1].

sRGB ужывае асноўныя колеры, апісаныя стандартам BT.709, аналагічна студыйным маніторам і HD-тэлебачанню, а таксама гама-карэкцыю, аналагічна маніторам з электронна-прамянёвай трубкай. Такая спецыфікацыя дазволіла sRGB дакладна адлюстроўвацца на звычайных CRT-маніторах і тэлевізарах, што стала ў свой час асноўным фактарам, што паўплываў на прыняцце sRGB у якасці стандарту^[2].

У аднозненні ад большасці іншых колеравых прастор RGB, гама ў sRGB не можа быць выражана адным лікам, бо функцыя карэкцыі складаецца з лінейнай часткі каля чорнага колеру, дзе гама роўная 1.0, і нелінейнай часткі да значэння 2.4 уключна. Прыблізна можна лічыць, што гама роўная 2.2. Гама можа змяняцца ад 1.0 да 2.3^[3].

Тэхнічнае апісанне стандарту

Для пераводу лінейных значэнняў з прасторы XYZ у sRGB выкарыстоўваецца наступная матрыца:

${\displaystyle {\begin{bmatrix}R_{\mathrm {linear} }\\G_{\mathrm {linear} }\\B_{\mathrm {linear} }\end{bmatrix}}={\begin{bmatrix}3.2406&-1.5372&-0.4986\\-0.9689&1.8758&0.0415\\0.0557&-0.2040&1.0570\end{bmatrix}}{\begin{bmatrix}X\\Y\\Z\end{bmatrix}}}$

Тут ${\displaystyle R_{\mathrm {linear} }}$, ${\displaystyle G_{\mathrm {linear} }}$ і ${\displaystyle B_{\mathrm {linear} }}$ вызначаны ў дыяпазоне [0,1]. Каардынаты белага пункту, такім чынам, складаюць (X,Y,Z = 0.9505, 1.0000, 1.0890).

Далей, для кожнага са значэнняў ${\displaystyle R_{\mathrm {linear} }}$, ${\displaystyle G_{\mathrm {linear} }}$ і ${\displaystyle B_{\mathrm {linear} }}$ выкарыстоўваецца формула

${\displaystyle C_{\mathrm {srgb} }={\begin{cases}12.92C_{\mathrm {linear} },&C_{\mathrm {linear} }\leq 0.0031308\\(1+a)C_{\mathrm {linear} }^{1/2.4}-a,&C_{\mathrm {linear} }>0.0031308\end{cases}}}$

• дзе ${\displaystyle a=0.055}$

Гэтыя значэнні таксама прыводзяцца ў дыяпазон [0, 1], і для пераводу да [0, 255] іх патрэбна памножыць на 255 і акругліць.

Зноскі