RockerJoker
Музыкі ў адным з клубаў Таганрога
Музыкі ў адным з клубаў Таганрога
Асноўная інфармацыя
Жанры алка-бугі, псеўдашансон
Гады 2009—2012
Краіна  Беларусь
Горад Мінск
Мова песень руская
Лэйбл Осмос
Склад Міхей Насарогаў
Максім Сіры
Іншыя
праекты		 Носорогов
rockerjoker.livejournal.com
Лагатып Вікісховішча Медыяфайлы на Вікісховішчы

Rockerjoker — музычны праект, заснаваны Міхеем Насарогавым і Максам Сірым у 2009 годзе.

Гісторыя

Праект арганізаваны ў жніўні 2009 году двума мінчанамі: Міхеем Насарогавым (паэт, мастак і вулічны музыка) і Максам Сірым (вядомы беларускі кліпмэйкер). Філасофія праекту простая — забаўляць і куражыцца.

Шырокую вядомасць гурт набыў у 2010 годзе, напярэдадні прэзідэнцкіх выбараў. Rockerjoker прадставілі песню «Саня останется с нами», якая, па словах музыкаў, не мае ніякай палітычнай афарбоўкі[1], аднак гэтую кампазіцыю напачатку снежня 2010 года актыўна прасоўвалі радыёстанцыі[2] і дзяржаўныя СМІ, а канал АНТ зняў на песню кліп[3].

У студзене 2011 музыкі заявілі аб хуткім закрыцці праекту[4].

" Калі ў RockerJoker адразу быў нейкі мэсэдж, якога мы і самі вось не распазналі, то падчас зносінаў з публікай, зразумелі галоўнае – гэта радасць. Не экзальтаваная эйфарыя, не прыжмуранае вока разумніка-эрудыта, не ліслівая ўхвала, а спакойнае моцнае пачуццё абароненасці і патрэбнасці… …І мы маем права заявіць, што за сваё нядоўгае існаванне мы не напісалі адкрыта злых, нігілістычных ці гадкіх песень.
Міхей Насарогаў, інтэрв'ю для Naviny.by, 2011		 "

У 2012 годзе музыкі выпусцілі яшчэ некалькі інтэрнэт сінглаў — «НХ»[5] і «Петя»[6], пасля чаго праект бязгучна спыніў сваё існаванне.

Дыскаграфія

Альбомы

  • Простые вещи (2009)
  • Хороший, плохой, злой (2009)
  • Продаётся планета[7] (2011)

Сінглы

  • 3 (2010)
  • НХ (2012)
  • Петя (2012, у калабарыцыі з Пафнуціем Кузякіным)

Кліпаграфія

  • «Америка», 2009, аператар — Паліна Казыбаева.
  • «Саня останется с нами», 2010

Склад

  • Міхей Насарогаў — укулеле, вакал
  • Максім Сіры — баян, вакал

Прыцягнутыя удзельнікі

  • Павел Кузюковіч — духавыя
  • Арцём Залескі — ударныя
  • Марціна Чэрэўка — скрыпка
  • Зміцер Гаўрылік — гітара

Прадзюсар — Павел Юрцэвіч

Зноскі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.