Rhabdias bufonis
Навуковая класіфікацыя
Міжнародная навуковая назва

Rhabdias bufonis (Schrank, 1788) Stiles et Hassall, 1905[1]

Сінонімы
Ascaris bufonis Schrank, 1788

Сістэматыка
на Віківідах
Выявы
на Вікісховішчы
NCBI  174716
EOL  2926005

Rhabdias bufonis — від паразітычных круглых чарвей сямейства Rhabdiasidae. Упершыню ён быў апісаны з лёгкіх еўрапейскай рапухі шэрай (Bufo bufo), але таксама быў знойдзены ў шэрага іншых відаў жаб[1].

Жыццёвы цыкл

Rhabdias bufonis вядзе гетэраганічны лад жыцця, у якім пакаленне паразітычных асобін змяняецца пакаленнем, якое жыве свабодна. Гэта выгадна для паразіта, паколькі дазваляе размнажацца на працягу аднаго або некалькіх пакаленняў у адсутнасць гаспадара. Свабоднажывучыя мужчынскі і жаночы чарвякі спарваюцца і вырабляюць яйцы, якія вылупляюцца ўнутры маці. Яны харчуюцца яе ўнутранымі органамі і двойчы ліняюць, перш чым пакінуць яе цела. Цяпер яны з’яўляюцца інфекцыйнымі лічынкамі і могуць пранікаць праз скуру жабы. Трапляючы ўнутр, яны могуць міграваць у лёгкія і там далей развівацца, сілкуючыся лёгачнай тканінай. Дарослы паразітычны чарвяк з’яўляецца гермафрадытам і вырастае прыкладна ў дзесяць разоў больш, чым свабодна жывучая форма. Яйцы, якія яна вырабляе, трапляюць з кашлем жабе ў рот, праглынаюцца і развіваюцца ў яе кішачніку. Яны выводзяцца з фекаліямі і ператвараюцца ў свабодна жывучыя формы. У глебе чарвякі харчуюцца бактэрыямі і іншымі арганічнымі рэчывамі. Самка можа вырабляць ферамоны, каб прывабіць самца[2].

Паразітызм

Rhabdias bufonis сустракаецца ў тых частках Еўропы і Азіі, дзе сустракаюцца жабы-гаспадары. Акрамя рапухі шэрай (Bufo bufo), ад якой быў упершыню апісаны гэты круглы чарвяк, яна была знойдзена ў часночніцы звычайнай (Pelobates fuscus), жабы травяной (Rana temporaria), жабы вастрамордай (Rana arvalis), Rana dalmatina, жарлянкі чырванабрухай (Bombina bombina), Bombina variegata, відаў роду Pelophylax, у тым ліку ў жабы сажалкавай (Pelophylax lessonae), і рапухі зялёнай (Bufo viridis)[3][4][5][6][7][8][9][10].

Непаўналетнія жабы часта заражаныя, і цяжкі цяжар глістоў можа сур’ёзна абмежаваць іх рост. У ходзе даследавання некаторыя заражаныя маладыя асобіны былі толькі ўдвая цяжэйшыя за кантрольныя асобіны без глістоў. Выкліканая паразітамі анарэксія выклікала памяншэнне спажывання ежы, і некаторыя маладыя жабы-гаспадары загінулі[11].

Зноскі

  1. 1 2 Family Rhabdiasidae - Railliet, 1915. Праверана 25 жніўня 2012.
  2. ↑ Leonard, Zachary. Rhabdias bufonis. Animal Diversity Web. University of Michigan. Праверана 25 жніўня 2012.
  3. ↑ Меркушева, И. В. Гельминты земноводных на территории Белоруссии. / И. В. Меркушева, В. М. Сагалович // Научная конференция Всесоюзного общества гельминтологов: материалы конференции. — М., 1974. Вып. 26. — С. 159—167
  4. ↑ Гущина, А. И. Гельминтофауна жаб Минской и Витебской областей / А. И. Гущина, Е. А. Николаева, И. И. Садовникова // Вопросы естествознания и методики преподавания. — Минск, 1975. — С. 22 — 27
  5. ↑ Гущина, А. И. Гельминтофауна Rana temporaria / А. И. Гущина, Е. А. Николаева //Вопросы естествознания. Минск, 1976. — С. 33 — 36
  6. ↑ Гущина, А. И. Гельминтофауна земноводных БССР / А. И. Гущина, Е. А. Николаева // Биологические основы освоения, реконструкции и охраны животного мира Белоруссии : тезисы доклада. — Минск, 1976. — С. 225—227
  7. ↑ Меркушева, И. В. Черви / И. В. Меркушева // Березинский заповедник БССР. — Минск 6 Ураджай, 1983. — С. 208—213
  8. ↑ Бычкова, Е. И. Фаўна паразитических червей диких животных Березинского биосферного заповедника / Е. И. Бычкова, Е. И. Анисимова, Т. М. Одинцова // Труды зоологического музея Белорусского государственного университетат. Фаўна и систематика. — 1995. — Вып. 1. — С. 23 — 26
  9. ↑ Шималов, В. В. Гельминтофауна земноводных открытых каналов в милиорированных районах Белорусского Полесья / В. В. Шималов // Паразитология. — 2002. — Т. 36, № 4. — С. 304—309
  10. ↑ Шималов, В. В. К изучению гельминтофауны жаб заказника «Бугский» (Беларусь) / В. В. Шималов // Актуальные проблемы экологии : эматериалы I Международной научной конференции, Гродно, 6 — 8 октября 2004 г. : в 2 ч. / Министерство образования Республики Беларусь, Гродненский государственный университет имени Янки Купалы, факультет биологии и экологии; ред.: Н. П. Канунникова [и др.]. — Гродно, 2005. — Ч. 1. — С. 324—326
  11. ↑ Goater, C. P.; Ward, P. I. (1992). "Negative effects of Rhabdias bufonis (Nematoda) on the growth and survival of toads (Bufo bufo)". Oecologia. 89 (2): 161–165. doi:10.1007/bf00317213. JSTOR 4219866. PMID 28312868.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.