2004—2006

• У 2004 годзе ствараецца гурт, першыя канцэрты (клубы г. Мінска).
• «Адкрыццё года» (за 2004 год у клубе «Графіці»)^[2].
• Песні гурта запушчаны ў ратацыю на беларускіх і ўкраінскіх радыёстанцыях (Аўтарадыё, Свет, Сталіца, Хіт FM, Рокс, Альфа радыё, Рускае Радыё, украінскім I-радыё).
• У 2005 годзе зняты першы live-кліп на песню «Хочу уснуть я».
• Падпісаны кантракт з маскоўскай рэкорд-кампаніяй «Прологмьюзик (RDM)» пра выданне песень гурта ў зборах серыі «НАШИ».
• У рэлізе «15 НАШИХ» выходзіць «Дорога»^[3], у «16 НАШИХ» — «Кома»^[4].
• Гуказапісвальная кампанія Grand Records уключае песню «Крылья» ў зборніку «Даеш РОК!».
• Удзел у першым незалежным конкурсе музычных выканаўцаў у сетцы Інтэрнэт «MuseOn» Удзел у фэсце «Окна Открой!» (Санкт-Пецярбург).
• (спецыяльны прыз ад рэкорд-кампаніі «Бомба-Піцер» — уключэнне адной з песень гурта ў зборніку"ОХОТА!-14").
• Дыплом «Адкрыццё года» на II Міжнародным мінскім фэсце «Адкрытае неба».
• Прэзентацыя першага альбома «Тебе» (West Records, 2005, мастэрынг — Юрый Багданаў^[5]).
• Намінацыі «Дэбют года», і «Рок-князёўна» на «Рок-каранацыі»
• Выступ на фэсце «ОтНАШЕния-2006» (Магілёў) Арганізатар — філіял «НАШАГА» радыё ў Магілёве.
• Удзел у Другім незалежным конкурсе музычных выканаўцаў у сетцы Інтэрнэт «MuseON» (г. Масква) — 2-е месца ў намінацыі «фатальнай MuseON».
• Выступ на рок-фэсце «Крылья» (г.Масква, Тушына).

2007—2009

• Удзел у трэцім незалежным конкурсе музычных выканаўцаў у сетцы Інтэрнэт «MuseON» (2007, г. Масква).
• Удзел у «IndieFEST» (г. Мінск).
• Удзел у фэсце «Музычны АПЕЛЬСІН» (Мінск).
• Выхад кліпа «Мой герой Т. Б.».
• Выхад кліпа «Няма мяне».
• У 2008 годзе гурт піша адкрыты ліст музычнай і немузычнай грамадскасці, у якім паведамляюць пра магчымасць бясплатнай, легальнай спампоўкі першага альбома гурта з сеткі Інтэрнэт.
• Адкрыццё сайта фан-клуба.
• Выхад кліпа «Дарога».
• Выступ на фэсце «ОтНАШЕния-2008» (г. Магілёў).
• Першы канцэрт у Маскве (клуб «Запаснік»).
• Запіс другога альбома (у студыі Сяргея Бальшакова, г. Масква).
• Кліп гурта «Мой герой Т. Б.» стаў адным з пераможцаў фэсту рэдкіх відэакліпаў «NO AIR. ПА-ЗА ЭФІРАМ».

Гурт працуе над сваім другім поўнафарматным альбомам, аднак гэта не замінае яе канцэртнай дзейнасці. У мінскім клубе «DAclub» адбыўся сумесны выступ гурта NAKA і БАРТА. Падчас канцэрту былі прадстаўлены як старыя кампазіцыі, так і песні з новага альбома. Таксама быў выкананы антыкрызісны хіт «Скоро всё е..неться».

2010—2012

У свет выходзіць другі поўнафарматны альбом «Пора», прэзентацыя якога адбылася 29 студзеня 2010 года ў клубе «Рэактар». У трэк-ліст альбома ўвайшлі дзве версіі скандальнай песні «Бяжы»: на рускай і на беларускай мове^[6].

Гурт выпускае EP «Собирайтесь», у які ўвайшла загалоўная песня другога альбома «Пора», а таксама дзве новыя кампазіцыі «Всех забрали» і «Собирайтесь». Вось як пракаментавала падзею лідар гурта Анастасія Шпакоўская: «Песні былі напісаны дзесьці ўлетку. І гэта, магчыма, было ў пэўнай ступені вяшчунствам. Так атрымалася, што ў свеце апошніх падзей песні з такімі назвамі сталі актуальнымі. Мы іх успомнілі і вырашылі зрабіць такое пасланне».^[7]

У гэтым жа годзе ў Мінску адбыўся выбух у метро, які забраў жыццё ў 17 чалавек. Гэта падзея адбілася і на творчасці гурта: выйшаў у свет міні-альбом, у склад якога ўвайшлі песні «У баі», «Пагоня» ды «За минуту до взврыва». Апошнюю песню лідар калектыву Анастасія Шпакоўская напісала літаральна на працягу тыдня пасля падзей, якія адбыліся ў Мінску. Назву «За минуту до взрыва» і было вырашана даць міні-альбому ^[8].

У ліпені гурт дае сольны канцэрт у сталічным клубе «LOFT», пасля якога на гітарыста гурта Паўла Трыпуця быў здзейснены напад. Музыка быў моцна збіты хуліганамі, з прычыны чаго гурта прыйшлося адмяніць хуткі канцэрт у Маскве. Гэта не першы выпадак нападу на музыкаў гурта, раней канцэрты даводзілася адмяняць з-за траўмы рукі бас-гітарыста гурта.

У гэтым годзе сваю дзейнасць пачынае сайд-праект вакалісткі Анастасіі Шпакоўскай і піяністкі Ірыны Кліменка Naka Piano. У рамках праекта праходзяць канцэрты, на якіх удзельніцы гурта выконваюць упадабаныя публіцы хіты і прэзентуюць некалькі новых песень.

Таксама гурт аб'яўляе пра пачатак збору сродкаў для запісу новага альбома «Довольна»^[9][10].

2013 — па сённяшні дзень

25 красавіка на сцэне мінскага клуба RE:Public адбылася прэзентацыя альбома «Довольна», які стаў трэцім у дыскаграфіі гурта^[11]. Да гэтага моманту ў гурце змяніўся бас-гітарыст^[12].

Аднак яшчэ адна кадравая перастаноўка чакала гурт наперадзе. Практычна адразу пасля канцэрту гурт пакінуў барабаншчык Дзмітрый Рыбакоў. Сам музыка ніяк не пракаментаваў сваё рашэнне. У сувязі з гэтым гурту прыйшлося адмяніць запланаваныя канцэрты ў Маскве і Кіеве і замяніць іх выступам Naka Piano.

У 2013 годзе таксама выходзіць альбом «Piano» ад імя сайд-праекта Naka Piano^[13].

У 2014 годзе гурт прадстаўляе максі-сінгл «Muza», у які ўвайшлі тры кампазіцыі («Муза», «Прощай», «Zombie Nation»)^[14]. Загалоўная песня сінгла створаная паводле верша Алеся Плоткі, які таксама стварыў вокладку сінгла.

2016 год адзначаецца выхадам першага ў дыскаграфіі калектыва цалкам беларускамоўнага альбома «Мая малітва»^[15].

Альбомы

• Тебе (2005, West Records, Беларусь)
• Пора (2010)
• Довольна (2013)^[16][17]
• Мая малітва (2016)^[15]

EP

• «Собирайтесь» (2011)
• «За минуту до взрыва» (2011)^[8]
• «Muza» (2014)^[14]

Naka Piano

• Naka Piano (2013)^[13]

Удзел у зборніках

• «Тузін. Перазагрузка» (2009), трэк «Бяжы»
• «15 наших» («Пролог-мьюзик», Масква)
• «16 наших» («Пролог-мьюзик», Масква)
• «Даёшь рок!» («Грандрекордс», Масква)
• «ОХОТА! 14» («Бомба-Питер», Санкт-Пецярбург)
• «Апошні золак» (музычны праект супраць практыкі смяротнага пакарання, 2014), трэкі «Памылка» і «Чакаем»^[18]
• «Re:Песняры» (трыб'ют гурта Песняры, 2014), трэк «Малітва»^[19]
• «Anima» (праект да 250-годдзя Міхала Клеафаса Агінскага, 2015), трэк «Вяртанне»

Відэакліпы

• «Бяжы», рэж. — Максім Сіры (2009)