MACV-SOG
Гады існавання 1964—1972
Краіна Сцяг ЗША ЗША
Уваходзіць у Інда-Ціхаакіянскае камандаванне Узброеных сіл ЗША
Тып United States special operations forces[d]
Дыслакацыя Сцяг Паўднёвага В'етнама Паўднёвы В’етнам
Войны Вайна ў В’етнаме

MACV-SOG (англ.: Military Assistance Command, Vietnam-Studies and Observations Group, літар. «Камандаванне па аказанні ваеннай дапамогі В’етнаму — група даследаванняў і назіранняў») — звышсакрэтнае падраздзяленне спецназа ЗША, створанае для вядзення спецаперацый. Дзейнічала падчас В’етнамскай вайны ў розных краінах: В'етнаме (паўночным і паўднёвым), Лаосе, Камбоджы, Бірме, у прыгранічных абласцях Кітая[1].

Падраздзяленне дзейнічала з 1964 па 1972 год, здзейсніўшы 2,6 тысяч трансгранічных аперацый[2]. На 1966 год[3] у MACV-SOG праходзілі ваенную службу больш за 2 тысячы амерыканцаў і 8 тысяч в’етнамцаў[1]. Супрацоўнікі MACV-SOG атрымалі 6 Медалёў Пашаны[4].

Гісторыя

Падраздзяленне было сфарміравана 24 студзеня 1964 года як частка Military Assistance Command, Vietnam (MACV) генералам Харкінсам. Першапачаткова называлася «Special Operations Group», затым было перайменавана ў «Studies and Observations Group (SOG)»[1][5]. Нягледзячы на тое, што MACV захоўвала камандаванне над SOG, канчатковае зацвярджэнне заданняў вырабляў Белы дом або Дзяржаўны дэпартамент ЗША[5].

MACV-SOG вяло стратэгічную разведвальную дзейнасць у Рэспубліцы В’етнам, Дэмакратычнай Рэспубліцы В’етнам, Лаосе і Камбоджы[1], займаючыся пошукам збітых амерыканскіх лётчыкаў, трэніроўкай агентаў сярод паўстанцаў, разведкай, нападамі ў тыле ворага, прапагандай і псіхалагічнай вайной[5]. Падраздзяленне прыняло ўдзел амаль ва ўсіх буйных кампаніях В’етнамскай вайны, у тым ліку ў інцыдэнце ў Танкінскам заліве, які паскорыў ўступленне Злучаных Штатаў у вайну, у аперацыях Steel Tiger, Tiger Hound, Commando Hunt і Lam Son 719, а таксама вяло сваю дзейнасць падчас Тэцкага наступлення, баявых дзеянняў у Камбоджы і Велікоднага наступлення.

Падраздзяленне было афіцыйна расфармаванае 30 красавіка 1972 года, пасля чаго яго месца заняла Strategic Technical Directorate Assistance Team 158.

Структура

З амерыканскага боку ў падраздзяленні ў асноўным служыў спецыяльна навучаны персанал з сіл спецыяльнага прызначэння арміі ЗША (US Army Special Forces), а таксама некаторая колькасць вайскоўцаў спецназа ВМС (Navy SEAL), ВПС ЗША, ЦРУ і каманд FORECON з Корпуса марской пяхоты ЗША.

Значная колькасць в’етнамскіх салдат, якія служылі ў MACV-SOG, былі адабраны з Special Commando Unit[6].

Разведгрупы, якія закідваліся на верталётах або на катэрах на тэрыторыю іншых дзяржаў[7], звычайна складаліся з 6 або 12 чалавек, з якіх толькі 3 былі амерыканцамі, а астатнія — карэннымі жыхарамі Паўднёвага В’етнама[6].

З лістапада 1967 года MACV-SOG дзяліўся на тры наземныя падраздзяленні «Command & Control Detachment» (раней «Forward operating bases»): South, Central і North[2][6], а таксама на падраздзяленні марской і авіяцыйнай разведкі.

Гл.таксама

Зноскі

  1. 1 2 3 4 US Special Operations Forces in Action: The Challenge of Unconventional Warfare, By Thomas K. Adams, pages 118—125 «1964 and on 24 January Headquarters MACV issued General Order 6 creating MACV-SOG. It was created as a joint unconventional warfare task force responsible for special operations in Burma, Cambodia, Laos, North and South Vietnam, and border areas of China.»
  2. 1 2 Reconnaissance: Looking to the Future Through the Past // Special Warfare Vol. 6, No. 1, February 1993, page 10
  3. ↑ The Encyclopedia of the Vietnam War: A Political, Social, and Military … — Google Книги
  4. ↑ Spies, Wiretaps, and Secret Operations: An Encyclopedia of American Espionage, Volume 1 — ABC-CLIO, 2011, ISBN 9781851098071, page 747: «MACV-SOG personnel earned a total of six Medals of Honor during the fighting in Southeast Asia»
  5. 1 2 3 «Right Hand and Left Hand: OPLAN 34A» Архівавана 21 студзеня 2022. // Deepening involvement 1945—1965 — Center of Military History United States Army Washington, D.C., 2012. Страница 55
  6. 1 2 3 US MACV-SOG Reconnaissance Team in Vietnam Архівавана 20 кастрычніка 2014., Rottman, page 8-12 «RECON TEAM DUTY POSITIONS»
  7. ↑ SECRET GREEN BERET COMMANDOS IN CAMBODIA: A Memorial History of MACV-SOG, LTC Fred S. Lindsey, USA, page 21

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.