Fox News Channel
Выява лагатыпа
Краіна  ЗША
Зона вяшчання  ЗША,  Зямля
Час вяшчання кругласутачна
Мова вяшчання англійская
Цэнтр кіравання  ЗША, Нью-Ёрк
Тэматыка канала навіны
Дата пачатку вяшчання 8 кастрычніка 1996 года
Уладальнік News Corporation
Слоган «Fair & balanced» (англ.: «справядлівы і ўзважаны»)
Сайт foxnews.com

Fox News Channel (Фокс-Ньюc-Чэнел, скарочана FNC ці Fox News) — амерыканскі інфармацыйны канал са штаб-кватэрай у Нью-Ёрку. Яго першы выхад у эфір адбыўся 7 кастрычніка 1996 года. Канал належыць медыя-канцэрну News Corporation аўстралійскага прадпрымальніка Руперта Мёрдака, яго праграмы ствараюцца тэлекампаніяй Fox Broadcasting Company. Канал, які штодня глядзяць каля 1,2 мільёна чалавек, з’яўляецца асноўным інфармацыйным каналам ЗША.[1] Генеральным дырэктарам Fox News Channel з моманту яго заснавання з’яўляецца Роджэр Эйлс.

Студыя навін Fox News

У лік вядучых тэлеканала ўваходзяць Біл О'Рэйлі, Глен Бек, Майк Хакабі і Такер Карлсан (да 2023 года).

Палітычная арыентацыя

Fox News Channel рэкламуе сябе са слоганамі "«Fair and balanced»" («справядлівы і ўзважаны»), а таксама "Wereport. You decide»" ("Мы асвятляем. Вы вырашаеце") і прэтэндуе на нейтральнае асвятленне падзей. Крытыкі з канкуруючых СМІ і Дэмакратычнай партыі, аднак, не раз адзначалі відавочны правы і кансерватыўны ўхіл канала, асабліва падчас Ірацкай вайны,[2][3] прэзідэнцкіх выбараў 2008 года і з моманту абрання на пасаду Прэзідэнта Барака Абамы. У адказ на гэта канал часта адказвае, што медыйная прастора з’яўляецца занадта левай, а ён сам нібыта належыць да кансерватыўных поглядаў з «не меншым дачыненнем», чым да ліберальных.[4][5] У дакументальным фільме Outfoxed прадзюсара Роберта Грінволда Fox News абвінавачваецца ў аднабаковым асвятленні падзей. Былыя супрацоўнікі канала распавядаюць у ім пра інструкцыі, паказваюць рэспубліканцаў у станоўчым, а дэмакратаў — у негатыўным святле. Сам канал гэтыя абвінавачванні адхіліў, заявіўшы, што некаторыя з апытаных ніколі на ім не працавалі, а іншыя былі звольненыя за прафнепрыдатнасць.

Зноскі

  1. ↑ TV Week: CNN Ratings Down; Fox, MSNBC Grow Архівавана 23 студзеня 2010., прагледжана 8 лютага 2010
  2. ↑ Timothy Noah , Slate, 31. Mai 2005: Fox Newsadmits bias!,
  3. ↑ Democratic Party, 25. September 2006: Dean On President Clinton Standing Up To Right-Wing Propaganda On Fox News Sunday Архівавана 19 снежня 2006.,
  4. ↑ Australian Associated Press, 26. November 2004: News Corp denies Fox News bias,
  5. ↑ Financial Times, 6 . Oktober 2006: Interview transcript: Rupert Murdoch and Roger Ailes,

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.