Dziennik Wileński
Тып часопіс
Выдавец гл. у тэксце
Краіна Расійская імперыя
Тэматыка літаратурна-мастацкі і навукова-папулярны часопіс
Мова Польская мова
Галоўны офіс Вільня

«Dziennik Wileński» (бел.: «Віленскі дзённік») — літаратурна-мастацкі і навукова-папулярны часопіс. Выходзіў ў 1805–1806 і з 1815 па 1830 на польскай мове ў Вільні.

Апісанне

Спачатку часопіс выдаваў Віленскі універсітэт. У 1815—1818 годзе рэдактарам «Віленскага дзённіка» быў Казімеж Контрым, вядомы польскі літаратар і публіцыст, адзін з заснавальнікаў асветніцкай суполкі «Таварыства Шубраўцоў».

У 1818—1821 часопіс выдавала Віленскае таварыства друкароў, а ў 1822—1830 «Віленскі дзённік» друкаваў у сваёй прыватнай друкарні Антон Марціноўскі, ён жа з’яўляўся рэдактарам часопіса. Усяго выйшла 64 нумары «Дзённіка».

У розныя гады над часопісам працавалі філолаг Готфрыд Эрнст Гродэк, прыродазнаўца і навуковец Станіслаў Баніфацы Юндзіл. У часопісе друкаваліся прафесар медыцыны Андрэй Матушэвіч, эканаміст і аграном Міхал Ачапоўскі, мастак і філосаф Мікола Длускі, гісторык Міхал Балінскі ды іншыя.

Літаратура

  • Aldona Prašmantaitė. Dziennik Wileński (1805–1830) kaip mokslo istorijos šaltinis, Iš Lietuvos istorijos tyrinėjimų / Jaunųjų istorikų darbai, kn. 7, Vilnius, 1991, p. 51–57.
  • Žurnalistikos enciklopedija. – Vilnius: Pradai, 1997. – 115 psl.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.