жанр Інтэрактыўны фільм
распрацоўшчык Advanced Microcomputer Systems (цяпер RDI Video Systems)
выдавец Cinematronics, Taito
платформа Аркадны аўтамат, 3DO, CD-i, Jaguar, Macintosh, Nintendo DS, Nintendo DSi,PSP, SEGA CD, Windows, Xbox 360, PlayStation 3, Wii, Android, iOS
першая гульня Dragon's Lair
дата першай гульні 23 чэрвеня 1983 года
сайт http://masseffect.bioware.com/

Dragon’s Lair («Логава Дракона») — серыя відэагульняў, якую пачаў аднаіменны Інтэрактыўны фільм, які быў выпушчаны дзеля гульнявых аўтаматаў кампаніяй Cinematronics у 1983 г.[1] Гульні складаліся з анімацыйных эпізодаў, на пэўным моманце якіх гульцу прапанавалася зрабіць выбар, які ўплываў на далейшы сюжэт. Анімацыю дзеля першага інтэрактыўнага фільма стварыў знакаміты рэжысёр Дон Блат, вядомы таксама мультфільмамі «Зямля да пачатку часоў», «Усе сабакі трапляюць у рай», «Сакрэт Н.І.М.Х.» і інш. Гульні серыі лічацца вельмі складанымі дзеля праходжання.

Апісанне

Гульня была прагрэсіўнай дзеля свайго часу ў сэнсе графікі. Тагачасныя гульнявыя аўтаматы мелі маленькую доўгатэрміновую памяць, што вымушала скарачаць колькасць спрайтаў і іх памеры і прыводзіла да зніжэння якасці графікі. Dragon’s Lair выкарыстоўвала лазерныя дыскі LaserDisc, якія мелі больш памяці дзеля захавання фрагментаў анімацыі, што дазволіла болей якасна і дэталёва прамалёўваць персанажаў і лакацыі. Поспех гульні прывёў да з’яўлення шэрагу версій і сіквелаў.

З 1983 года выйшла болей за 50 розных версій і сіквелаў гульні на розных платформах. У 2006 годзе выйшла Dragon’s Lair HD  — адноўленая гульня з палепшанай якасцю гучання ў стандарце Surround 5.1, дзе дадаліся 3 рэжымы прагляду ролікаў у высокай дэталізацыі.

Гульні серыі

  • Dragon’s Lair (1983; Аркадны аўтамат, 3DO, Jaguar, CD-i, DOS, Windows, Macintosh, Nintendo DS, Nintendo DSi, PlayStation 3, PSP, SEGA CD, Xbox 360, Android, iOS)[2]
  • Dragon's Lair: The Legend (1991; Elite Systems, CSG Imagesoft)
  • Dragon’s Lair II: Escape from Singe’s Castle (1987; Amiga, Atari ST, Commodore 64, DOS, ZX Spectrum)
  • Dragon’s Lair II: TimeWarp (1990; Amiga, Atari ST, Macintosh, DOS, Windows)
  • Dragon’s Lair III: The Curse of Mordread (1992; Amiga, Atari ST, DOS)[3]
  • Dragon’s Lair 3D: Return to the Lair (2002; PlayStation 2, GameCube, Windows, Xbox)[4]

Гульнявы працэс

Гулец праглядае фрагменты анімацыі і ў пэўны момант павінны націскаць на патрэбныя клавішы, каб уратаваць рыцара Дзірка ад смерці. У залежнасці ад таго, ці паспее гулец зрабіць гэта, рыцар пэўным чынам адрэагуе на чарговую небяспеку — уступіць у бітву, адскочыць у бок ці загіне. У арыгінальнай гульні не было падказак, акрамя падсвечвання ў крытычных сцэнах — гулец павінны быў сам здагадацца, што патрэбна націснуць. Гэта рабіла гульню надзвычай складанай. Частка сцэн паўтаралася, але дзеля эфекту разнастайнасці яны былі адлюстраваныя.[5] У сукупнасці Dragon’s Lair 1983 года змяшчала 22 хвіліны анімацыі, на якую было выдаткавана 1,3 млн даляраў. Поўнае праходжанне займала 10-15 хвілін — пры ўмове віртуозных навыкаў гульца. Але на практыцы праходжанне аднімала ў многіх гульцоў тыдні штодзённых намаганняў. Жэтоны на гульнявых аўтаматах каштавалі досыць дорага, і поўнае праходжанне гульні часам абыходзілася амерыканскім школьнікам ў вялікія сумы кішэнных грошэй[6]

Сюжэт

Гульня мае лінейны прыгодніцкі сюжэт у жанры фэнтэзі. Рыцар Дзірк пракраўся ў варожы замак, каб выратаваць прынцэсу ад дракона. На кожны кроку яго чакае розная небяспека — пачвары, дэманы, гарачая лава. А ў кульмінацыі нульні яго чакае сустрэча з самім драконам, які вартуе прынцэсу.

Заўвагі

  1. ↑ Review: 'Dragon's Lair' returns on Blu-ray Disc. CNN.com (18 мая 2007). Праверана March 15, 2016.
  2. ↑ Dragon's Lair. The International Arcade Museum. Праверана October 5, 2013.
  3. ↑ Dragon's Lair Project Message Board(недаступная спасылка). D-l-p.com (23 студзеня 2002). Архівавана з першакрыніцы 20 верасня 2022. Праверана August 14, 2011.
  4. ↑ Dragon's Lair 3D: Return to the Lair (англ.). Metacritic. Праверана October 29, 2018.
  5. ↑ Simone de Rochefort. Something out of science-fiction: A short history of Dragon’s Lair (англ.). Polygon (27 кастрычніка 2017). Праверана June 21, 2019.
  6. ↑ Рецензія на Dragon's Lair на Kanobu Архівавана 18 лютага 2015.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.