Be2gether
Дата(ы) Жнівень
Месца(ы) правядзення Норвілішкес,
Літва
Года 2007—2010
Жанр(ы) Рок
Поп
Электроніка
Сайт b2g.lt

Фестываль «Be2gether» (літ.: Festivalis Be2gether) — найбуйнейшы фестываль музыкі і мастацтва на тэрыторыі Балтыйскіх краін, які праходзіць у Норвілішкесе ў Літве, ля мяжы з Беларуссю.

Даты

Першы фестываль «Be2gether» праходзіў 24—26 жніўня 2007 года. Другі адбыўся 14—17 жніўня 2008 года. Трэці фестываль Be2gether прайшоў 12—14 чэрвеня 2009 года[1]. Чацвёрты адбыўся 25-27 чэрвеня 2010 года[2].

Месца

Фестываль праходзіць ва ўнікальных па сваёй прыродзе наваколлях мястэчка Дзевянішкі, якое мяжуе з Беларуссю. Адтуль свой пачатак бяруць пяць старадаўніх дарог, якія вядуць у Вільню.

Пра фестываль

Фестываль «Be2gether» на гістарычных землях Нарвіліскага замка збірае аматараў рознай музыкі. На трох сцэнах, накіраваных у бок дзяржаў Еўрасаюза, гучыць рок, электроніка, «world» і альтэрнатыўная музыка, якую прадстаўляюць розныя выканаўцы і гурты з усяго свету[3][4]. Падчас фестывалю можна ўладкавацца на тэрыторыі адмысловага абсталяванага кемпінгу.

На працягу фестывалю таксама адчыненыя творчыя майстэрні, дзе госці могуць паспрабаваць сябе ў розных відах мастацтва. Таксама да ўвагі гасцей кіно пад адкрытым небам, спартыўныя спаборніцтвы, урокі музыкі і танца, заняткі жывапісам, адмысловыя зоны рэлаксацыі. На фестывалі таксама працуе адмыслова ўстроены дзіцячы садок, дзе бацькі могуць пакінуць сваіх малянят пад наглядам.

Фестываль «Be2gether» уключаны ў спіс мерапрыемстваў праграмы «Вільнюс — культурная сталіца Еўропы 2009». Частка сродкаў, атрыманых за продаж білетаў, аддаецца на гуманітарную дапамогу.

Be2gether-2007

На першым фестывалі былі абсталяваныя дзве вялікія сцэны і клуб-намёт. За тры дні і дзве ночы выступілі 32 выканаўцы з розных краін свету:

  • Morcheeba
  • Bloodhound Gang
  • Therapy?
  • The Young Knives
  • Andrius Mamontovas
  • Datarock
  • Zion Train
  • Leaves
  • Joana and the Wolf
  • Ляпис Трубецкой[5]
  • Poets of the Fall
  • New York Ska Jazz Ensemble
  • Myslovitz
  • DJ Alex Gopher
  • DJ Food & DK
  • Skamp
  • Pieno lazeriai
  • G&G Sindikatas
  • Drum Ecstasy
  • Tanel Padar & The Sun
  • Tribes of the City
  • Boogaloo DJs
  • Metal on Metal DJs
  • Brainers
  • Dr.Green
  • IR
  • Mountainside
  • IQ48
  • Gerri Pavloff’s Rebellious Int’l
  • Radioshow
  • The Young Georgian Lolitaz
  • Модель неба

На тэрыторыі творчых майстэрняў і забаўляльных зон фестывалью працавала пасольства «рэспублікі Ужупіс», вядомая сваёй унікальнай творчасцю. Таксама кіно пад адкрытым небам, студыя выяўленчага мастацтва, фотастудыя «LT 1000»; жадаючыя маглі нацешыцца фотапаляваннем. Праводзіліся турніры па футболе і альтэрнатыўным баскетболе, жартоўныя шлюбы, прагляд extreme-фільмаў і матч footbag. Былі арганізаваныя конкурсы боды-арту (малюнкаў на целе) і графіці, вынікам якога стаў велізарны малюнак «Экалагічны блюз». Таксама былі прадстаўленыя гуманітарныя праекты: Big Brothers Big Sisters, Жывая бібліятэка.

Частка сродкаў, выгандлёваных за продаж білетаў, была пераведзена дзецям Чачэрска (побач з Гомелем, Беларусь), пацярпелым падчас Чарнобыльскай катастрофы.

Марцінас Статкус — стваральнік фільма аб першым фестывалі Be2gether 2007, паспрабаваў як мага дакладней перадаць усе настроі гэтай падзеі. Таму, па яго словах, фільм зняты як бы з трох ракурсаў: арганізатараў і музыкаў, гасцей і мясцовых жыхароў. Пасля выйшла абмежаваная колькасць DVD-фільмаў, набываючы якія, можна было купіць і першыя білеты на фестываль 2008 года.

Be2gether-2009

Фестываль «Be2gether-2009» адбыўся 12—14 чэрвеня 2009 года. У фестывалі прынялі ўдзел Gogol Bordello, Polarkreis 18, Touch and Go, Clawfinger, Андрус Мантовас.

Be2gether-2010

Фестываль «Be2gether-2010» адбыўся 25—27 чэрвеня 2009 года. У фестывалі прынялі ўдзел і беларускія музыкі і гурты: Лявон Вольскі, Akute, Cherryvata разам з Русяй, Open Space, DJ Laurel, Дзівасіл[6][7][8][9][10].

Забароны

Аўтобусы з гасцямі імпрэзы ў 2008 годзе затрымліваліся на беларускім баку[11].

Зноскі

  1. ↑ Замировская, Татьяна. BE2GETHER: МАССОВЫЙ ПСИХОЗ в метре от Европы (руск.)(недаступная спасылка). БелГазета (22 чэрвеня 2009). Архівавана з першакрыніцы 30 чэрвеня 2009. Праверана 12 верасня 2020.
  2. ↑ Вікторыя Целяшук. Фестываль «Be2gether» адбудзецца напрыканцы чэрвеня // Звязда : газета. — 16 сакавіка 2010. — № 47 (26655). — С. 8. — ISSN 1990-763x. Архівавана з першакрыніцы 6 сакавіка 2016.
  3. ↑ Воля Кузьміч.. У чацверты раз на Be2gether . generation.by (29 чэрвеня 2010). Архівавана з першакрыніцы 12 верасня 2020. Праверана 12 верасня 2020.
  4. ↑ Вячеслав Радионов.. be2gether 2010: сомнения развеяны (руск.). Ultra-music.com (29 чэрвеня 2010). Архівавана з першакрыніцы 12 верасня 2020. Праверана 12 верасня 2020.
  5. ↑ Вілейта, Вадзім. «Музыка адчыняе межы» . Нямецкая хваля (26 жніўня 2007). Архівавана з першакрыніцы 21 лютага 2020. Праверана 21 лютага 2020.
  6. ↑ Кавальчык, Ліза. «Гайдамакі», Вольскі і Будзьма together! . Наша Ніва (27 чэрвеня 2010). Архівавана з першакрыніцы 30 чэрвеня 2010. Праверана 21 лютага 2020.
  7. ↑ Макарэвіч, Сяргей. Музыка ў 2011-м . Наша Ніва (22 студзеня 2011). Архівавана з першакрыніцы 22 лютага 2020. Праверана 22 лютага 2020.
  8. ↑ Шейн, Юлия; Ольга Макей; Андрей Сержантов.. «Be2gether 2010» собрал и меломанов, и любителей экстрима (руск.). СТБ (27 чэрвеня 2010). Архівавана з першакрыніцы 4 сакавіка 2020. Праверана 4 сакавіка 2020.
  9. ↑ Be2gether: працяг фэсту (фотарэпартаж). Будзьма беларусамі! (28 чэрвеня 2010). Архівавана з першакрыніцы 12 верасня 2020. Праверана 12 верасня 2020.
  10. ↑ deadhamster. Be2Gether 2010 — секс, наркотики и rock'n'roll? — Музыка (руск.). another.by (1 ліпеня 2010). Архівавана з першакрыніцы 25 верасня 2020. Праверана 25 верасня 2020.
  11. ↑ На мяжы затрыманы аўтобус з гасцямі фестывалю Be2gether . Хартыя’97 (15 жніўня 2008). Архівавана з першакрыніцы 17 верасня 2009. Праверана 26 студзеня 2020.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.