7-я гвардзейская дэсантна-штурмавая дывізія (горная) (7-я дшд(г)), злучэнне Паветрана-дэсантных войскаў Расіі. Сфармавана 15 кастрычніка 1948 года на базе 322-га гвардзейскага парашутна-дэсантнага ордэна Кутузава 2-й ступені палка 8-го гвардзейскага паветрана-дэсантнага корпуса ў г. Полацку Беларускай ваеннай акругі. Адразу ж была перадыслакавана ў гарады Каўнас і Марыямпаль Літоўскай ССР. Асабовы склад злучэння ўдзельнічаў у аперацыях па блакаванню і знішчэнню фашысцкіх памагатых з ліку літоўскіх нацыяналістаў. Дывізія прымала ўдзел у падзеях у Венгрыі (1956) і Чэхаславакіі (1968).

У жніўні 1993 гады дывізія перадыслакавана з Каўнаса спачатку ў Майкоп, затым у Новарасійск на тэрыторыю Паўночна-Каўказскай ваеннай акругі. У 1993–1996 гадах асабовы склад злучэння выконваў міратворчыя задачы ў Абхазіі. Са студзеня 1995 па красавік 2004 гады часткі дывізіі выконвалі баявыя задачы ў Чачні.

Падраздзяленні

• 108-ы гвардзейскі дэсантна-штурмавы Кубанскі казачы ордэны Чырвонай Зоркі полк
• 247-ы дэсантна-штурмавы Каўказскі казачы полк (Стаўрапаль)
• 1141-ы гвардзейскі артылерыйскі полк (Анапа)
• 743-ы асобны гвардзейскі батальён сувязі
• 188-ы асобная зенітная ракетна-артылерыйская батарэя
• 649-ы асобны інжынерна сапёрны батальён (ст. Старацітараўская Краснадарскага края)
• 185-я асобная ваенна-транспартная авіяцыйная эскадрылля (г. Крымск Краснадарскага края);
• 967-я асобная рота дэсантнага забеспячэння
• 162-я асобная выведвальная рота
• 1681-ы асобны батальён матэрыяльнага забеспячэння (Анапа)
• 6-ы асобны рамонтна-аднаўленчы батальён
• 3995-ы ваенны шпіталь (аэрамабільны)
• 286-я станцыя фельд’егерска-паштовай сувязі