2020 — высакосны год, пачаўся ў сераду.

Падзеі

Студзень

Цырымонія адкрыцця III Зімовых юнацкіх Алімпійскіх гульняў.

• 3 студзеня: Нанесены авіяўдар ВПС ЗША па міжнародным аэрапорце Багдада.
• 5 студзеня: Луіс Пара заняў пасаду спікера парламента Венесуэлы.
• 7 студзеня: Себасцьян Курц паўторна заняў пасаду Федэральнага канцлера Аўстрыі.
• 8 студзеня:
  • У рамках аперацыі «Пакутнік Сулеймані» КВІР Ірана здзейсніў ракетныя атакі амерыканскіх баз на тэрыторыі Ірака. У катастрофе Boeing 737 пад Тэгеранам загінулі 176 чалавек.
  • У Пекіне (Кітай) быў адкрыты помнік беларускаму літаратурнаму класіку Янку Купалу працы скульптара У Вэйшаня.
• 9 студзеня: У Лазане (Швейцарыя) адбылася цырымонія адкрыцця III Зімовых юнацкіх Алімпійскіх гульняў^[1].
• 11 студзеня: У сувязі са смерцю султана Кабуса новым манархам Амана быў абвешчаны яго стрыечны брат Хайтэм бен Тарык Аль Саід.
• 15 студзеня: Урад Расіі на чале з Дзмітрыем Мядзведзевым падаў у адстаўку.
• 19 студзеня: Міжнародная канферэнцыя для мірнага ўрэгулявання лівійскага канфлікту склікана ў Берліне.
• 20 студзеня: Прызначаныя новыя міністр абароны, начальнік Генштаба і дзяржсакратар Савета бяспекі Беларусі.
• 22 студзеня: Прэзідэнтам Грэчаскай Рэспублікі, упершыню прызначана жанчына Катэрына Сакелярапулю.
• 26 студзеня: Луіс Нірэнберг, амерыканскі матэматык.
• 28 студзеня: Апублікаваны План ЗША па блізкаўсходнім урэгуляванні.
• 31 студзеня: Вялікабрытанія афіцыйна і канчаткова выйшла з Еўрапейскага Саюза^[2].

Люты

Катастрофа Boeing 737 у Стамбуле.

• 2 лютага: Серб Новак Джокавіч у восьмы раз выйграў Адкрыты чэмпіянат Аўстраліі па тэнісе.
• 5 лютага: Здарылася катастрофа Boeing 737 у Стамбуле.
• 6 лютага: Завяршыўся працэс імпічмэнту прэзідэнта ЗША Дональда Трампа: ён быў апраўданы па ўсіх абвінавачваннях падчас галасавання ў Кангрэсе ЗША.
• 8 лютага:
  • Падчас стральбы ў Накханратчасіме (Тайланд) загінулі 26 чалавек.
  • Партыя Шын Фейн перамагла на парламенцкіх выбарах у Ірландыі.
• 9 лютага: у Лос-Анджэлесе ўручылі кінапрэмію «Оскар». Упершыню галоўную ўзнагароду атрымаў неангламоўны фільм — паўднёвакарэйская стужка «Паразіты» рэжысёра Пон Джун Хо. 
• 18 лютага: Пераможцам прэзідэнцкіх выбараў, якія адбыліся ў Афганістане ў канцы верасня 2019 года, афіцыйна аб’яўлены Ашраф Гані.
• 19 лютага: У нямецкім горадзе Ганау ў двух кальянных кафэ былі расстраляныя 9 чалавек.
• 22 лютага: «Мова Фэст» у Мінску прымеркаваны да Міжнароднага дня роднай мовы.
• 23 лютага: На чэмпіянаце свету па біятлоне ў Антхольцы (Італія) нарвежка Мартэ Олсбю-Ройселан стала 5-разовай чэмпіёнкай.
• 25 лютага: Смітсанаўскі інстытут (ЗША) перадаў звыш двух мільёнаў выяў прадметаў з музейных калекцый у грамадскі набытак.
• 29 лютага:
  • ЗША і афганскі рух «Талібан» у Досе (Катар) падпісалі мірнае пагадненне, якое прадугледжвала вывад замежных войскаў з Афганістана і заключэнне перамір’я.
  • Грамадскі транспарт у Люксембургу стаў бясплатным.

Май

Акцыя пратэсту ў Мінеапалісе, ЗША, 26 мая.

• 2 мая: Указам Прэзідэнта Казахстана Касым-Жамарта Такаева спынены паўнамоцтвы спікера Сената Дарыгі Назарбаевай.
• 3 мая: Супрацоўнікі амерыканскай прыватнай ваеннай кампаніі ажыцявілі няўдалую спробу захопа ўлады ў Венесуэле.
• 5 мая: Сутычка на мяжы справакавала інда-кітайскі памежны канфлікт.
• 7 мая: Былы прэзідэнт Грузіі Міхаіл Саакашвілі стаў кіраўніком Выканаўчага камітэта рэформ ва Украіне.
• 15 мая: Славенія стала першай краінай у Еўропе, якая аб’явіла аб афіцыйным спыненні эпідэміі COVID-19 на сваёй тэрыторыі.
• 16 мая: У Францыі арыштаваны Фелісьен Кабуга, адзін з галоўных абвінавачаных у датычнасці да генацыду ў Руандзе.
• 22 мая: 97 чалавек загінулі ў авіяцыйнай катастрофе самалёта Airbus A320 пад Карачы (Пакістан).
• 24 мая: Фінальны матч за Кубак Беларусі па футболе 2019/2020 адбыўся ў Мінску на стадыёне «Дынама». ФК БАТЭ атрымаў перамогу над Дынама-Брэст.
• 25 мая: Забойства паліцэйскім афраамерыканца ў штаце Мінесота справакавала масавыя пагромы і беспарадкі.
• 29 мая: Уцечка дызельнага паліва ў Нарыльску прывяла да забруджвання наваколля.
• 30 мая: Кампанія SpaceX у супрацоўніцтве з NASA адправіла на Міжнародную касмічную станцыю двух амерыканскіх астранаўтаў.

Чэрвень

Кольцападобнае зацьменне на Тайвані 21 чэрвеня 2020 года

• 4 чэрвеня: Прэм’ер-міністрам Беларусі прызначаны Раман Галоўчанка, напярэдадні ўрад на чале з Сяргеем Румасам адпраўлены ў адстаўку.
• 8 чэрвеня: пратэстоўцы амерыканскага Сіэтла захапілі частку горада і абвясцілі аб стварэнні аўтаномнай зоны.
• 12 чэрвеня: У Атланце (ЗША) пры аказанні супраціву паліцыі забіты Рэйшард Брукс.
• 15 чэрвеня: Праўленнем Нацыянальнага банка Рэспублікі Беларусь без ведама акцыянераў прызначана новае кіраўніцтва «Белгазпрамбанка» на чале з Надзеяй Ермаковай.
• 20 чэрвеня: У в. Боркі (Кіраўскі раён) адкрыты мемарыяльны комплекс памяці спаленых вёсак Магілёўскай вобласці.
• 21 чэрвеня: Кольцападобнае сонечнае зацьменне назіралася ў Афрыцы, Паўднёвай і Усходняй Азіі.
• 23 чэрвеня: Былога прэзідэнта Кыргызстана Алмазбека Атамбаева прысудзілі да 11 гадоў і 2 месяцаў пазбаўлення волі за карупцыю.
• 24 чэрвеня: Здарыўся крызіс у сістэме водазабеспячэння Мінска.
• 25 чэрвеня: пачалося Агульнарасійскае галасаванне па папраўкам да Канстытуцыі Расіі.
• 30 чэрвеня: Пад Ржэвам урачыста адкрыты мемарыял Савецкаму салдату.

Ліпень

Камета C/2020 F3 (NEOWISE) бачная 13 ліпеня 2020

Мітынг у падтрымку Святланы Ціханоўскай, кандыдата на прэзідэнцкіх выбарах у Беларусі, Мінск, 30 ліпеня

• 3 ліпеня:
  • Камета C/2020 F3 (NEOWISE) прайшла свой перыгелій, яна была адным з самых яркіх аб’ектаў на небасхіле ў Паўночным паўшар’і Зямлі ў ліпені 2020 года.
  • Жан Кастэкс прызначаны новым прэм’ер-міністрам Францыі.
• 12 ліпеня:
  • Другі тур прэзідэнцкіх выбараў у Польшчы: дзеючы лідар дзяржавы Анджэй Дуда перамог.
  • На мяжы Арменіі і Азербайджана адбылося ўзброенае сутыкненне.
• 15 ліпеня: У выніку кібератакі былі ўзламаныя шэраг топ-акаўнтаў на Twitter.
• 19 ліпеня:
  • ААЭ адправілі свой міжпланетны зонд «Аль-Амаль» да Марса.
  • У Сірыі прайшлі парламенцкія выбары.
• 21 ліпеня: тэрарыст здзейсніў захоп закладнікаў у Луцку.
• 23 ліпеня: Кітайская аўтаматычная міжпланетная станцыя «Цяньвэнь-1» запушчана да Марса.
• 27 ліпеня: Вярхоўны суд Рэспублікі Беларусь прысудзіў былога кіраўніка Службы бяспекі Прэзідэнта Андрэя Уцюрына да 12 гадоў пазбаўлення волі за хабар.

Жнівень

Мітынг ля стэлы «Мінск — горад-герой» 16 жніўня 2020

• 2 жніўня:
  • Будынак Дома губернатара ў Мінску адкрыўся пасля рэстаўрацыі.
  • Махамед Ірфаан Алі заступіў на пасаду прэзідэнта Гаяны.
• 4 жніўня: два моцныя выбухі адбыліся ў порце Бейрута (Ліван).
• 7 жніўня: крушэнне самалёта Boeing 737-8NG авіакампаніі Air India пры пасадцы ў індыйскім горадзе Кажыкодэ. Загінулі 20 чалавек.
• 8 жніўня: раскалоўся апошні некрануты канадскі шэльфавы ледавік Мілн, страціўшы 43 % свайго аб’ёму (каля 80 км²).
• 9 жніўня: у Беларусі адбыліся прэзідэнцкія выбары, пасля абвяшчэння вынікаў якіх пачынаюцца масавыя пратэсты.
• 16 жніўня:
  • Самы масавы пратэст у гісторыі Беларусі «Марш за свабоду» на якім было каля 300 000 чалавек.
  • Роні О’Саліван стаў шасціразовым чэмпіёнам свету па снукеры.
• 19 жніўня: На фоне пратэстаў і ўзброенага паўстання прэзідэнт Малі Ібрагім Бубакар Кейта сышоў у адстаўку.
• 20 жніўня: Аляксея Навальнага, расійскага апазіцыйнага лідара, шпіталізавалі з атручваннем у Омскую бальніцу. Крыху пазней, яго перавезлі ў берлінскую клініку «Шарытэ».
• 28 жніўня: Сіндза Абэ, прэм’ер-міністр Японіі, абвясціў пра адстаўку з прычыны кепскага здароўя.
• 29 жніўня: У Мінску адбыўся «Жаночы марш свабоды».
• 31 жніўня:
  • На пасаду прэм’ер-міністра Лівана прызначаны Мустафа Адзіб.
  • У сталіцы ААЭ Абу-Дабі адбыўся выбух у кавярні, загінулі 2 чалавекі.
  • Краіны Балтыі ўвялі санкцыі супраць прадстаўнікоў беларускіх уладаў, у тым ліку Аляксандра Лукашэнкі.

Верасень

Прэм’ер-міністр Японіі Ёсіхідэ Суга дае першую прэс-канферэнцыю, 16 верасня.

• 3 верасня: У Судане адбылася найбуйнейшая паводка ў гісторыі краіны.
• 4 верасня:
  • Святлана Ціханоўская выступіла перад Саветам Бяспекі ААН.
  • Прэзідэнт Сербіі Аляксандр Вучыч наведаў ЗША, дзе пры пасярэдніцтве Дональда Трампа заключыў пагадненне аб эканамічным супрацоўніцтве з Рэспублікай Косава.
• 6 верасня: «Цмокі-Мінск» сталі чэмпіёнамі Беларусі па баскетболе ў дванаццаты раз.
• 7 верасня: Зняволена член Каардынацыйнай рады Марыя Калеснікава, наступнай раніцай яе няўдала спрабавалі вывезці з Беларусі.
• 13 верасня: Адзіны дзень галасавання ў Расіі.
• 15 верасня:
  • Былі заключаны ізраільска-эмірацкі і бахрэйнска-ізраільскі мірныя дагаворы.
  • Адбываюцца пажары у ЗША.
• 16 верасня: У сувязі з адстаўкай Сіндза Абэ пост прэм’ер-міністра Японіі заняў Ёсіхідэ Суга.
• 21 верасня: Прызначаны новыя рэктары Акадэміі кіравання пры Прэзідэнце Беларусі, БДМУ, ГДМУ, ГрДМУ.
• 25 верасня: крушэнне самалёта Ан-26 ВПС Украіны пад горадам Чугуівам. Загінула 26 чалавек.
• 26 верасня: Прэм’ер-міністр Лівана Мустафа Адзіб сышоў у адстаўку.
• 27 верасня: Пачаліся ўзброеныя сутыкненні ў Нагорным Карабаху.
• 30 верасня:
  • Ва Украіне была забітая Санвер Нікаэло, супрацоўніца пасольства ЗША ў Кіеве.
  • Паміж Трампам і Байдэнам прайшлі перадвыбарчыя дэбаты.

Кастрычнік

Пратэст супраць забароны абортаў у Польшчы, Кракаў, 25 кастрычніка.

• 1 кастрычніка:
  • Самы папулярны беларускі партал навінаў TUT.BY быў пазбаўлены акрэдытацыі.
  • ЕС пачынае судовы працэс супраць Вялікабрытаніі, абвінавачваючы яе ў парушэнні міжнароднага права шляхам адмены раздзелаў пагаднення аб выхадзе з Brexit.
• 2 кастрычніка: У Ніжнім Ноўгарадзе журналістка Ірына Славіна падпаліла сябе каля будынка МУС РФ.
• 3 кастрычніка: У Германіі 30-годдзе ўз’яднання.
• 4 кастрычніка:
  • Рэферэндум аб незалежнасці Новай Каледоніі.
  • У Кыргызстане прайшлі парламенцкія выбары.
• 6 кастрычніка: у Кыргызстане ЦВК адмяніў вынікі парламенцкіх выбараў пасля аднаго дня пратэстаў.
• 10 кастрычніка: Арменія і Азербайджан ўзгаднілі спыненне канфлікту ў Нагорным Карабаху.
• 11 кастрычніка:
  • Іспанец Рафаэль Надаль выйграў 13-ы тытул адкрытага чэмпіянату Францыі па тэнісе.
  • Прэзідэнт Таджыкістана Эмамалі Рахмон, які кіруе краінай з 1992 года, пераабраны на пяты тэрмін, набраўшы на выбарах амаль 91 %. Эмамалі Рахмон пакіруе Таджыкістанам яшчэ 7 гадоў.
  • «Лос-Анджэлес Лэйкерс» сталі чэмпіёнамі НБА ў сезоне 2019—2020. У фінале яны перамаглі «Маямі Хіт».
• 13 кастрычніка: У ходзе прэзентацыі кампанія Apple прадставіла смартфоны серыі iPhone 12
• 15 кастрычніка:
  • Прэзідэнт Кыргызстана Сааранбай Жээнбекаў абвясціў аб адстаўцы.
  • Галоўны прыз літаратурнай прэміі імя Ежы Гедройца атрымаў Сяргей Дубавец за кнігу «Тантамарэскі».
• 18 кастрычніка:
  • На прэзідэнцкіх выбарах у Балівіі перамагае Луіс Арсе, які атрымаў 52,4 % галасоў.
  • Скончаны тэрмін дзеяння зброевае эмбарга ААН на пастаўку ўзбраенняў Ірану^[3].
• 20 кастрычніка: Суд Цэнтральнага раёна Мінска прызнаў інфармацыйны канал NEXTA-Live і лагатып NEXTA экстрэмісцкімі матэрыяламі.
• 21 кастрычніка: Папа Рымскі Францыск стаў першым пантыфікам, які падтрымаў аднаполыя саюзы. Гэтую заяву ён зрабіў газеце Il Corriere della Sera.
• 22 кастрычніка:
  • Прэмію імя Сахарава за 2020 год атрымала Каардынацыйная рада Беларусі.
  • Канстытуцыйны суд Польшчы ўвёў забарону на аборты. Забаронена перарываць цяжарнасць нават па медыцынскіх паказчыках. Пачаліся пратэсты.
• 25 кастрычніка: Мясцовыя выбары ва Украіне.
• 23 кастрычніка:
  • Бакі лівійскага канфлікту дасягнулі мірнага ўрэгулявання.
  • Прэм’ера амерыканскага тэлесерыяла «Ход каралевы» пра шлях дзяўчынкі-сіраты да шахматнай славы.
• 26 кастрычніка: З-за заканчэння тэрміну выканання «Народнага ўльтыматуму» ў розных частках Беларусі пачаліся страйкі на прадпрыемствах і ўніверсітэтах.
• 27 кастрычніка: Нанесены ракетны ўдар па Бардзе (Азербайджан).
• 29 кастрычніка: У Ніцы здзейснены тэракт у рымска-каталіцкім саборы Нотр-Дам-дэ-Ніца.
• 30 кастрычніка: На захадзе Турцыі адбылася землетрасенне магнітудай ад 6,6 да 6,9 балаў. Эпіцэнтр знаходзіўся ў Эгейскім моры за 17 км ад раёна Сэферіхісар у Ізміры.
• 31 кастрычніка: Прэзідэнцкія выбары ў Кот-д’Івуары, на якіх дзеючых кіраўнік дзяржавы Аласан Уатара набраў 100 % галасоў. BBC News Africa паведамляе што, на выбарчых участках знаходзіліся ваенныя якія ўжывалі стрэльбы для ціску на людзей.

Лістапад

Царква Уваскрасення Хрыстова (Мінск). Развітанне з Раманам Бандарэнкам, 20 лістапада.

• 1 лістапада: пачатак прэзідэнцкіх выбараў у Малдове. У першым туры перамогу атрымала Мая Санду з 36 % галасоў.
• 2 лістапада: Падчас тэракта ў сінагозе ў Вене (Аўстрыя) гінуць 6 чалавек.
• 3 лістапада:
  • Прэзідэнцкія выбары ў ЗША.
  • Першы энергаблок Беларускай АЭС уключаны ў энергасістэму краіны.
  • Прах Змітрака Бядулі перапахавалі на Усходніх могілках Мінска.
• 5 лістапада:
  • Міністэрства культуры Беларусі адмяніла 27-ы Мінскі міжнародны кінафестываль «Лістапад».
  • Прэзідэнт Косава Хашым Тачы сышоў у адстаўку на фоне абвінавачанняў у ваенных злачынствах. Яго затрымалі ў Гаазе.
  • Пачынаецца Тыграйскі канфлікт.
• 6 лістапада: у Мінску ўрачыста адкрыліся першыя 4 станцыі трэцяй лініі метро.
• 8 лістапада: Скончаны падлік галасоў на выбарах у ЗША. Прэзідэнтам стаў Джо Байдэн ад партыі дэмакратаў^[4][5].
• 10 лістапада: Арменія і Азербайджан, пры пасрэдніцтве Расіі, падпісалі пагадненне аб спыненні ваенных дзеянняў у Нагорным Карабаху.
• 12 лістапада: у Мінску памёр збіты, верагодна супрацоўнікамі беларускіх дзяржаўных структур, Раман Бандарэнка з плошчы Перамен.
• 14 лістапада: Паведамлена аб выяўленні на тэрыторыі Сакары ў Егіпце шматлікіх старажытных саркафагаў з муміямі і пазалочаных статуй.
• 15 лістапада: Адбыўся другі тур прэзідэнцкіх выбараў у Малдове. Перамогу атрымала Мая Санду з 57 % галасоў.
• 18 лістапада: Pfizer і BioNTech завяршаюць выпрабаванні сваёй вакцыны ад COVID-19 агульнай эфектыўнасцю 95 % без пабочных эфектаў.
• 22 лістапада: Біскуп Пінскі Антоній Дзям’янка асвяціў адбудаваны касцёл Найсвяцейшай Тройцы ў Воўчыне.
• 23 лістапада: вакцына AZD1222 кампаніі AstraZeneca, распрацаваная ў супрацоўніцтве з Оксфардскім універсітэтам, даказала сваю эфектыўнасць у абароне ад COVID-19 на 70 %. Эфектыўнасць можа быць павышана да 90 %, калі за пачатковай палавіннай дозай варта поўная доза праз месяц, заснаваная на прамежкавых дадзеных.
• 24 лістапада:
  • Шэсць краін далучыліся да другога пакету санкцый Еўрасаюза супраць беларускіх чыноўнікаў, сярод якіх А. Лукашэнка.
  • Кітай запусціў на месяц зонд «Чан’э-5».
• 25 лістапада: Пасля трох месяцаў улады разблакавалі сайт «Нашай нівы», першы з сотні забароненых рэсурсаў.
• 27 лістапада: Паблізу Тэгерана забіты вядучы іранскі навуковец-ядзершчык Махсен Фахрызадэ.
• 29 лістапада: Дзіцячае Еўрабачанне — 2020 у Польшчы.

Снежань

Інаўгурацыя Прэзідэнта Малдовы Маі Санду.

• 1 снежня: У Швейцарыі легалізаваныя аднаполыя шлюбы, тым самым стаўшы 30 краінай у свеце, дзе яны складаюцца.
• 2 снежня: Вялікабрытанія сцвярджае вакцыну Pfizer BNT162b2, стаўшы першай краінай у свеце, якая зрабіла гэта.
• 7 снежня: Міжнародны алімпійскі камітэт часова забараніў для ўсіх членаў выканаўчага камітэта НАК Беларусі на чале з Аляксандрам Лукашэнкам удзел у сваіх мерапрыемствах.
• 10 снежня:
  • Абраны прэзідэнт ЗША Джозеф Байдэн і яго напарніца па перадвыбарнай гонцы Камала Харыс названы ўладальнікамі звання «Чалавек года» па версіі часопіса «Time».
  • Лаўрэаткай прэміі «Людзі Свабоды — 2020» стала Ніна Багінская.
  • 10 снежня-22 снежня: Чэмпіянат свету па спартыўнай барацьбе ў Сербіі.
• 12 снежня: Аабылася 33-я цырымонія прысуджэння Еўрапейскай кінапрэміі. Найлепшым еўрапейскім фільмам прызнана карціна Томаса Вінтэрберга «Запой».
• 14 снежня: Поўнае сонечнае зацьменне назіралася ў Чылі і Аргенціне.
• 16 снежня: Курс Bitcoin упершыню перавысіў 20 000 амерыканскіх долараў.
• 17 снежня: Найлепшым футбалістам года па версіі ФІФА названы Роберт Левандоўскі.
• 21 снежня: Злучэнне на небе Сатурна і Юпітэра.
• 22 снежня: Форвард «Барселоны» Ліянель Месі стаў найлепшым бамбардзірам у гісторыі футбола па галах за адзін клуб.
• 24 снежня: Мая Санду заступіла на пасаду Прэзідэнта Малдовы.
• 24 снежня: Мітрапаліт Тадэвуш Кандрусевіч пасля трох месяцаў выгнання вяртаецца ў Беларусь.
• 29 снежня: землятрасенне ў Пятрыне (Харватыя).
• 30 снежня: У аэрапорце Адэна тэрарысты ажыццявілі няўдалую атаку на членаў кабінета міністраў Емена.

Нарадзіліся

Памерлі

• 3 студзеня: Касем Сулеймані, камандуючы атрадам «Кодс» іранскага Корпуса Вартавых Ісламскай рэвалюцыі.
• 10 студзеня: Кабус бен Саід, султан Амана.
• 25 лютага: Хосні Мубарак, егіпецкі дзяржаўны дзеяч, прэзідэнт Егіпта (1981—2011).
• 31 сакавіка: Віктар Мікалаевіч Дашкевіч, беларускі акцёр.
• 10 жніўня: Аляксандр Валер’евіч Тарайкоўскі, удзельнік пратэстаў у Беларусі.
• 20 лістапада: Віктар Сцяфанавіч Цітоў, беларускі этнограф.

Зноскі

Спасылкі