101-я партызанская брыгада імя Аляксандра Неўскага
Гады існавання 1943—1944
Краіна  СССР
 Беларуская ССР
Падпарадкаванне Беларускі штаб партызанскага руху
Уваходзіць у Мінскае партызанскае злучэнне
Тып партызаны
Функцыя змаганне з акупантамі
Колькасць 1300 партызан (1.07.1944)
Дыслакацыя Старобінскі раён
Войны Другая сусветная вайна
Вялікая Айчынная вайна
Удзел у
Камандзіры
Вядомыя камандзіры

101-я партызанская брыгада імя Аляксандра Неўскага — партызанская брыгада, створаная ў чэрвені 1943 года. Дзейнічала на акупіраванай тэрыторыі Старобінскага раёна. 1 ліпеня 1944 года брыгада (1300 партызан, 4 атрады) злучылася з Чырвонай Арміяй. Камандзіру брыгады Дз. Ц. Гуляеву было прысвоена званне Героя Савецкага Саюза.

Склад

Брыгада была створана на базе атрадаў В. Ц. Меркуля (пазней імя Сталіна, арганізаваны ў ліпені 1941) і Дз. Ц. Гуляева (пазней імя Дз. Ц. Гуляева, арганізаваны ў маі 1942 года) вылучанага 258-й партызанскай брыгадай імя В. У. Куйбышава 4-га (пазней атрад імя Бандараўца)[1], атрада імя Харсеева[2].

На дату злучэння з Чырвонай Арміяй у склад брыгады ўваходзілі:

  • атрад імя Сталіна;
  • атрад імя Гуляева;
  • атрад імя Ламейкі[3];
  • атрад імя Бандараўца.

Камандаванне

Камандзіры

Камісар

  • В. Ц. Меркуль.

Начальнікі штаба

  • С. М. Палякоў (загінуў);
  • П. З. Ігнашчанка.

Гісторыя

Партызаны ў «рэйкавай вайне» падарвалі 3,3 тысячы рэек. Знішчылі 74 аўтамашыны, папсавалі 72,5 км тэлефонна-тэлеграфнай лініі. Разбілі гарнізоны ў вёсках Івань Слуцкага, Пагост Старобінскага раёнаў і іншых. 18—27 мая 1944 года ўдзельнічалі ў баях супраць карнікаў, правялі 4 абарончыя баі каля вёсак Вялікія Лістападавічы, Мазуршчына, Мелкавічы, Ананчыцы, Скаўшын, Чырвонае Возера, Крушнікі. 29 чэрвеня 1944 года з боем занялі Старобін і пераправу на рэчцы Случы, утрымлівалі іх да падыходу Чырвонай Арміі.

Памяць

У 1965 годзе ў вёсцы Махнавічы Салігорскага раёна ў гонар брыгады быў пастаўлены помнік.

Гл. таксама

  • Старобінскі бой (1942);
  • Старобінскі бой (1944)

Зноскі

  1. ↑ названы ў гонар камісара атрада «Камарова» І. М. Бандараўца, які загінуў
  2. ↑ названы ў гонар партызана атрада «Камарова» І. М. Харсеева, які загінуў
  3. ↑ названы ў гонар намесніка камандзіра атрада П. С. Ламейкі, які загінуў

Літаратура

  • Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.