.sj — нацыянальны дамен верхняга ўзроўню архіпелага Шпіцберген і вострава Ян-Маен (Паўночны Ледавіты акіян). Шпіцберген — гэта шырокі палярны архіпелаг, размешчаны ў Паўночным Ледавітым акіяне. Самая паўночная частка каралеўства Нарвегія. Ян-Маен — востраў паміж Грэнландскім і Нарвежскім морамі. Размешчаны на паўночны ўсход ад Ісландыі.

Гэтыя тэрыторыі з’яўляюцца часткай каралеўства Нарвегія, і кіраваннем даменнай зонай .sj займаецца адміністрацыя даменнай зоны .no (Нарвегія). На гэты момант часу рэгістрацыя даменаў у зоне .sj не ажыццяўляецца, і гэты дамен зарэзерваваны для выкарыстання ў будучыні.