Мінус адзін, −1 — цэлы лік, большы за (−2), але меншы за 0. Першы адмоўны цэлы лік.

У матэматыцы

Лік −1 мае шэраг уласцівасцей, падобных да ўласцівасцей ліку 1.

• Множанне на мінус адзін захоўвае модуль множніка, але мяняе знак:

${\displaystyle (-1)\cdot x=-x}$

• Паводле азначэння,

${\displaystyle x^{-1}={\frac {1}{x}},}$

гэта значыць, узвядзенне ліку ў ступень −1 дае велічыню, адваротную да гэтага ліку. Такое азначэнне вельмі зручнае, бо захоўвае роўнасць

${\displaystyle x^{a}x^{b}=x^{a+b}}$

у выпадку, калі ${\displaystyle a}$ або ${\displaystyle b}$ адмоўныя.

• Мінус адзін можна таксама вызначыць як квадрат уяўнай адзінкі i.
• Мінус адзін ў цотнай ступені роўны ${\displaystyle 1}$, а ў няцотнай раўняецца ${\displaystyle -1}$.