| Яўген Усошын | |
|---|---|
| Дата нараджэння | 18 лютага 1976 (48 гадоў) |
| Месца нараджэння | |
| Веравызнанне | Беларуская Грэка-Каталіцкая Царква |
| Альма-матар | |
Яўген Усошын (нар. 18 лютага 1976, Мінск) — беларускі грэка-каталіцкі святар, гісторык.
Біяграфія
Нарадзіўся ў 1976 годзе ў Мінску. Скончыў Беларускі гуманітарны ліцэй імя Якуба Коласа, затым у 1998 годзе гістарычны факультэт Беларускага дзяржаўнага ўніверсітэта, а ў 2004 годзе Івана-Франкоўскую багаслоўскую акадэмію (Украіна). Таксама навучаўся ў Драгічынскай каталіцкай семінарыі (Польшча). Абараніў магістарскую працу на Папскім багаслоўскім факультэце ў Варшаве на тэму «Жыццё і дзейнасць кс. Антона Неманцэвіча».
17 снежня 2006 года ў Івана-Франкоўску быў пасвечаны ў дыякана. 17 чэрвеня 2007 года рукапаложаны ў святара Беларускай грэка-каталіцкай царквы ў Маладзечне, гата быў першы такі чын на тэрыторыі Беларусі з часу ліквідацыі Уніі ў 1839 годзе. Хіратонію ажыццявіў дапаможны біскуп Кіеўскай архіпатхіі УГКЦ Багдан Дзюрах, якому саслужылі Экзарх Пражскі біскуп Ладзіслаў Гучко і Апостальскі Візітатар для грэка-католікаў Беларусі архімандрыт Сяргей Гаек.