Яўген Рэдзькін
Поўнае імя	Яўген Леанідавіч Рэдзькін
Нарадзіўся	2 лютага 1970(1970-02-02) (54 гады) Ханты-Мансійск, Ханты-Мансійская аўтаномная акруга — Югра, Цюменская вобласць, РСФСР, СССР
Грамадзянства	Расія →  Беларусь
Тытулы
Алімпійскі чэмпіён	1 (1992)
Чэмпіён свету	1 (1992)
Біятлон Алімпійскія гульні Золата Альбервіль 1992 індывідуальная гонка 20 км Чэмпіянаты свету Золата Новасібірск 1992 камандная гонка 10 км Чэмпіянаты Еўропы Бронза Кантыялахці 1994 эстафеце 4x7,5 км Дзяржаўныя і ведамасныя ўзнагароды

Яўге́н Леані́давіч Рэ́дзькін (нар. 2 лютага 1970, Ханты-Мансійск) — савецкі і беларускі біятланіст, алімпійскі чэмпіён і чэмпіён свету.

Кар’ера

У 1992 годзе на Алімпіядзе ў Альбервілі 22-гадовы Рэдзькін сенсацыйна заваяваў залаты медаль у гонцы на 20 км, адстраляўшы «на нуль» і на 6,4 сек апярэдзіўшы немца Марка Кірхнера, які прамахнуўся тройчы. Гэта была дэбютная і адзіная гонка Рэдзькіна на той Алімпіядзе — ні ў спрынце, ні ў эстафеце ён не ўдзельнічаў.

У тым жа 1992 годзе на чэмпіянаце свету ў Новасібірску Рэдзькін у складзе зборнай СНД выйграў камандную гонку на 10 км.

Акрамя алімпійскай перамогі лепшы індывідуальны вынік Рэдзькіна — 13-е месца ў індывідуальнай гонцы ў Рупольдзінгу ў сезоне 1993/94.

У 1994 годзе на Гульнях у Лілехамеры ў складзе зборнай Беларусі Рэдзькін ізноў выступіў у гонцы на 20 км, але з 6 прамашкамі заняў толькі 53-е месца.

У наш час працуе дырэктарам Дэпартамента фізічнай культуры і спорту Ханты-Мансійскай аўтаномнай акругі^[1].

Зноскі

Спасылкі

• Профіль IBU Архівавана 29 верасня 2007. (англ.)
• Яўген Рэдзькін — алімпійская статыстыка на сайце Sports-Reference.com (англ.)