Японская кухня
яп.: 日本料理
яп.: 和食
Выява
Культура Японская культура
Краіна
Паходзіць з Японія
Краіна паходжання
Статус нематэрыяльнай культурнай спадчыны Representative List of the Intangible Cultural Heritage of Humanity[d][1]
Апісана на сайце ich.unesco.org/en… (англ.)
ich.unesco.org/fr… (фр.)
ich.unesco.org/es… (ісп.)
Калаж
Лагатып Вікісховішча Медыяфайлы на Вікісховішчы
Звычайны японскі сняданак з супам-місо, тофу, нато, гароднінай, рысам і сырым яйкам
Урачысты японскі сняданак у традыцыйнай японскай гасцініцы рокан

Японская кухня — нацыянальная кухня японцаў, частка азіяцкай кухні. Адрозніваецца перавагай натуральных, мінімальна апрацаваных прадуктаў, шырокім прымяненнем морапрадуктаў, сезоннасцю, характэрнымі стравамі, спецыфічнымі правіламі афармлення страў, сервіроўкай, застольным этыкетам.

Інгрэдыетны

Рыс

З'яўляецца асноўным інгрэдыентам японскай кухні і асновай харчавання ў Японіі. Японскай кухні ўласцівы гатункі рысу, якія характарызуюцца падвышанай клейкасці пры разварванні — пры прыгатаванні з такога рысу страва мае структуру невялікіх камякоў, якія зручна есці з дапамогай палачак. Рыс гатуецца як асобная страва і выкарыстоўваецца ў якасці кампанента пры падрыхтоўцы мноства «камбінаваных» страў.

Морапрадукты

Рыба, малюскі, марскія жывёлы ў японскай кухні з'яўляюцца другім па важнасці кампанентам пасля рысу. Як правіла, пры падрыхтоўцы яны падвяргаюцца толькі нязначнай тэрмаапрацоўцы (абсмажванні, прыгатаванне на пары), а ў некаторыя стравы (сасімі) ўключаюцца проста ў непрыгатаваным выглядзе. Выкарыстоўваюцца ў японскай кухні і марскія водарасці.

Соя

Соя была прынесена ў Японію з Кітая, яна ўжываецца ў японскай кухні ў розных відах: тофу (соевы тварог або соевы сыр) — пажыўная аснова для мноства страў. Соевы соус — заправа надзвычай шырока выкарыстоўваецца. Соевы суп-паста місо. Ферментаваныя бабы нато.

Фасоля

Шырока выкарыстоўваецца ў супах і як начынка.

Іншыя расліны

Выкарыстоўваюць у японскай кухні практычна ўсе культурныя і многія дзікія ядомыя расліны. У прыватнасці, выкарыстоўваюць моркву, агуркі, капусту, салату. Спецыфічныя расліны — васабі, белая радыска дайкон, бамбук, лотас, батат, — выкарыстоўваюцца для гарніраў і прыгатавання соусаў.

Макаронныя вырабы

У японскай кухні ўжываецца локшына: цюкасоба (рамэн) — з пшанічнай мукі з даданнем яек; удон — з пшанічнай мукі без яек; соба — з грачанай мукі (часцей — з дадаткам пшанічнай). Локшыну выкарыстоўваюць у розных стравах: у супах, салатах, у якасці гарніру да рыбных і мясных страў. Адной з папулярных страў, як хатняй кухні, так і грамадскага харчавання, з’яўляецца рамэн — локшына ў мясным або агароднінным булёне.

Гл. таксама

Зноскі

Літаратура

  • Kenichi Kusano (Text und Rezepte) und Tian Tang (Bilder): Das Japan-Kochbuch, Verlagshaus Jacoby & Stuart, Berlin, 2012 ISBN 978-3-941787-61-2
  • Eric C. Rath und Stephanie Assmann: Japanese Foodways, Past and Present, University of Chicago Press, Champaign, Illinois 2010 ISBN 978-0-252-03563-0

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.