Ян Станіслававіч Бабровіч

Ян Станіслававіч Бабровіч
Ян Станіслававіч Бабровіч
Асабістыя звесткі
Псеўданімы	Борскі Казімір Іванавіч; Сымон; Казік;
Дата нараджэння	2 (15) чэрвеня 1902
Месца нараджэння	Вілейскі павет, Віленская губерня, Расійская імперыя;
Дата смерці	8 студзеня 1943 (40 гадоў)
Месца смерці	Паўночлаг[d], Магаданская вобласць, РСФСР, СССР;
Грамадзянства	Беларусь;
Альма-матар	Карлаў універсітэт (1925);
Месца працы	Камісія па вывучэнні Заходняй Беларусі;
Прафесійная дзейнасць
Род дзейнасці	публіцыст
Жанр	публіцыстыка
Мова твораў	беларуская
Грамадская дзейнасць
Партыя	Камуністычная партыя Чэхаславакіі; Камуністычная партыя Заходняй Беларусі;
	Медыяфайлы на Вікісховішчы

Ян Станіслававіч Бабровіч (псеўданімы: Борскі Казімір Іванавіч; Сымон; Казік; 2 (15) чэрвеня 1902, в. Параф'янава, Вілейскі павет, цяпер Докшыцкі раён — 8 студзеня 1943, Паўночлаг) — дзеяч рэвалюцыйнага руху ў Заходняй Беларусі, публіцыст^[1]. Магчыма, што ён з'яўляецца братам беларускага крытыка М. Бабровіча^[2].

Біяграфія

З 1916 у войску. У 1918—1920 вучыўся ў гімназіі і на рабфаку ў Вільні. У 1921 працаваў школьным інспектарам у Польшчы. У 1922—1925 вучыўся ў Пражскім універсітэце. Там далучыўся да левых рухаў^[1]. З 1925 член Кампартыі Чэхаславакіі, з 1926 член КПЗБ. У Заходняй Беларусі быў прадстаўніком КПЗБ пры ЦК БСРГ, палітычым рэдактарам газет БСРГ «Беларуская ніва», «Беларуская справа», «Жыццё беларуса», «Народная справа», «Наша справа»^[1].

23 снежня 1928 арыштаваны, прыгавораны да 15 гадоў турмы. У верасні 1932 у выніку абмену палітвязнямі з Польшчы перададзены ў СССР. Узначальваў Камісію па вывучэнні Заходняй Беларусі пры АН БССР. 18 кастрычніка 1933 арыштаваны па справе «Беларускага нацыянальнага цэнтра»^[1].

9 студзеня 1934 судовай калегіяй АДПУ прыгавораны да 10 гадоў зняволення. Пакаранне адбываў на Далёкім Усходзе. 14 жніўня 1939 Амурскі абласны суд прыгаварыў яго яшчэ да 10 гадоў пазбаўлення волі. Накіраваны ў Паўночнадзвінскі лагер (Архангельская вобласць), дзе і памёр^[3].

Рэабілітаваны па абодвух прысудах 16 жніўня 1956 года.

Сачыненні

Аб класавай барацьбе ў Заходняй Беларусі ў часы Беларускай сялянска-работніцкай грамады. — Мн., 1932 (саўм. з Я. Багданскім)

Зноскі

1 2 3 4 Бобрович Ян Станиславович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 62. — 737 с.
↑ Гмырак Лявон(недаступная спасылка)
↑ Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

Літаратура

Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
ЭГБ, т. 1; Возвращенные имена.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[БС-1] 1 2 3 4 Бобрович Ян Станиславович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 62. — 737 с.

[ГЛ-2] Гмырак Лявон(недаступная спасылка)

[3] Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.

[1]

[2]

[3]