Ян Санціні
Дата нараджэння 3 лютага 1677(1677-02-03) ці 4 лютага 1677(1677-02-04)[1][2]
Месца нараджэння
Дата смерці 7 снежня 1723(1723-12-07)[3][4][…] (46 гадоў)
Месца смерці
Бацька Айхль Санціні[d]
Лагатып Вікісховішча Медыяфайлы на Вікісховішчы
Пераборлівае спалучэнне готыкі і барока — абацтва ў Кладрубах

Ян (Джавані) Блазнот Санціні-Айхль (1677—1723) — чэшскі архітэктар італьянскага паходжання, адзін з самых своеасаблівых прадстаўнікоў цэнтральнаеўрапейскага барока.

Біяграфія

Санціні нарадзіўся ў Празе, куды яго дзед перабраўся з Італіі. Напачатку кар'еры ён займаўся аднаўленнем правінцыйных гатычных храмаў, разбураных за гады Трыццацігадовай вайны. Дэталёвае веданне прыёмаў сярэднявечнай готыкі спалучалася ў яго з цікавасцю да найбольш радыкальных эксперыментаў майстроў італьянскага барока, а менавіта Бараміні і Гварыні.

Сучаснікі лічылі Санціні «белай варонай», з прычыны таго, што кожную замову ён вырашаў па-свойму і цураўся пракладзеных сцежак барочнай традыцыі. Яго прыхільнасць да ўскладненых геаметрычных рашэнняў і своеасаблівага сімвалізму зрабіла яго улюбёным архітэктарам манаскіх ордэнаў.

Шэдэўрам яго лічыцца паломніцкі касцёл Святога Яна Непамуцкага, які нагадвае ў плане зорку. Касцёл прызнаны помнікам Сусветнай спадчыны чалавецтва. Са свецкіх пабудоў Санціні найбольш вядомы палац-замак Кінскіх у Хлумцы. Санціні памёр у 46 гадоў, не пакінуўшы пасля сабе вучняў.

Зноскі

  1. 1 2 Czech National Authority Database Праверана 23 лістапада 2019.
  2. 1 2 3 The Fine Art Archive — 2003. Праверана 1 красавіка 2021.
  3. ↑ Johann Blasius Santini-Aichl // Structurae — Ratingen: 1998. Праверана 9 кастрычніка 2017.
  4. ↑ Giovanni Santini // Brockhaus Enzyklopädie
  5. ↑ Union List of Artist Names — 2010. Праверана 25 кастрычніка 2018.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.