Юха Куасманен
фінск.: Juho Kuosmanen
Дата нараджэння	30 верасня 1979(1979-09-30)[1] (44 гады)
Месца нараджэння	Кокала, Фінляндыя[1]
Грамадзянства	Фінляндыя
Адукацыя	Хельсінкская тэатральная акадэмія[d] (2014)[1]
Прафесія	кінарэжысёр, сцэнарыст, акцёр, мантажор, вырабнік, рэжысёр
Узнагароды	Un certain regard Award[d] (2016) прэмія Еўрапейскай кінаакадэміі за адкрыццё года[d] (2016) Finnish State Prize for Cinema[d] (лістапад 2016) Jussi Award for Best Direction[d] (24 сакавіка 2017)
IMDb	ID 3123366

Юха Куасманен (фінск.: Juho Kuosmanen, нар. 30 верасня 1979, Кокала) — фінскі кінарэжысёр, акцёр, сцэнарыст і прадзюсар.

Біяграфія

З 2004 па 2014 год навучаўся кінематаграфіі ў Вышэйшай школе мастацтваў, дызайну і архітэктуры Універсітэта Аалта.

У 2010 годзе яго дыпломны фільм «Гандляры карцінамі» быў намініраваны на пяць прэмій фінскай кінаакадэміі (найлепшы фільм, найлепшы рэжысёр, найлепшая актрыса, найлепшы сцэнарый, найлепшы мастак-пастаноўшчык) і ўдастоены прэміі «Cinéfondation» на Канскім кінафестывалі.

У 2016 годзе яго фільм «Усмешлівы чалавек» («Найшчаслівейшы дзень у жыцці Олі Мякі») атрымаў галоўны прыз у праграме «Асаблівы погляд» Канскага кінафестывалю, а таксама прэтэндаваў на прэмію «Залатая камера», якая ўручаецца за найлепшую дэбютную поўнаметражную карціну. У сакавіку 2017 года фільм атрымаў прэмію Юсі — галоўную кінематаграфічную прэмію Фінляндыі — у намінацыі «Найлепшы фільм года».

У 2019—2020 гадах рэжысёр працаваў у Расіі над фільмам «Купэ нумар шэсць» паводле рамана фінскай пісьменніцы Розы Ліксам, у карціне зняўся расійскі акцёр Юрый Барысаў. У 2021 годзе фільм атрымаў Гран-пры Канскага фестывалю.

Зноскі