Футбол
Юрыца Булят
Агульная інфармацыя
Нарадзіўся 12 верасня 1986(1986-09-12)[1] (37 гадоў)
Грамадзянства  Харватыя
Рост 188 см
Вага 85 кг
Пазіцыя абаронца
Інфармацыя пра клуб
Клуб Харватыя Новаля
Маладзёжныя клубы
Харватыя Земунік
Харватыя Задар
Клубная кар’ера[* 1]
2004—2005 Харватыя Задар 31 (4)
2005—2011 Харватыя Хайдук (Спліт) 98 (2)
2011—2012 Ізраіль Макабі (Хайфа) 31 (0)
2013 Харватыя Задар 9 (1)
2013—2014 Германія Энергі (Котбус) 24 (0)
2014—2015 Харватыя Задар 8 (2)
2015 Украіна Металіст (Харкаў) 10 (0)
2016 Узбекістан Бунёдкар (Ташкент) 25 (0)
2017 Узбекістан Пахтакор (Ташкент) 9 (0)
2017 Беларусь БАТЭ (Барысаў) 4 (0)
2018 Балгарыя Лакаматыў (Плоўдзіў) 7 (0)
2019 Харватыя Інтэр (Запрэшыч) 7 (0)
2020 Саудаўская Аравія Хатайн (Саміта) 0 (0)
2021—2022 Харватыя Задар
2022— Харватыя Новаля
Нацыянальная зборная[* 2]
2004—2005 Харватыя Харватыя (да 19) 9 (0)
2006 Харватыя Харватыя (да 21) 3 (0)
2010—2012 Харватыя Харватыя 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 сакавіка 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 30 ліпеня 2017
Лагатып Вікісховішча Медыяфайлы на Вікісховішчы

Юрыца Булят (харв.: Jurica Buljat, нар. 19 верасня 1986, Задар, СФРЮ) — харвацкі футбаліст, абаронца клуба «Новаля» і былы ігрок нацыянальнай зборнай Харватыі.

Клубная кар’ера

Пачынаў кар’еру ў родным горадзе Задар у клубе «Земунік», пазней перайшоў у «Задар», у складзе якога ў 2004 годзе дэбютаваў у чэмпіянаце Харватыі. У 2005 годзе перайшоў у «Хайдук» са Спліта, з якім чатыры разы браў срэбраныя медалі чэмпіянату, а ў 2010 годзе выйграў Кубак Харватыі.

У 2011 годзе перайшоў у ізраільскі клуб «Макабі» з Хайфы за 1 млн еўра. Па заканчэнні сезона 2011/12 пакінуў каманду ў якасці свабоднага агента і пазней вярнуўся ў «Задар». Сезон 2013/14 правёў у Другой Бундэслізе ў клубе «Энергі» з Котбуса, пасля чаго зноў далучыўся да «Задара».

Вясной 2015 года перайшоў у харкаўскі «Металіст», але не здолеў замацавацца ў складзе і па заканчэнні сезона 2014/15 пакінуў клуб. У 2016 годзе гуляў за ўзбекскі «Бунёдкар», з якім заваяваў срэбраныя медалі чэмпіянату. У лютым 2017 года перайшоў у іншы клуб з Ташкента — «Пахтакор», аднак улетку пасля набыцця клубам новых ігракоў быў выстаўлены на трансфер.

У ліпені 2017 года падпісаў кантракт з чэмпіёнам Беларусі — барысаўскім БАТЭ[2]. Спачатку выступаў у асноўным складзе каманды на пазіцыі цэнтральнага абаронцы, а са жніўня не гуляў з-за траўмы. У лістападзе 2017 года вярнуўся ў стартавы склад. У лютым 2018 года па пагадненні бакоў разарваў пагадненне з БАТЭ[3].

У сакавіку 2018 года перайшоў у балгарскі клуб «Лакаматыў» з Плоўдзіва[4]. Пакінуў балгарскую каманду па заканчэнні сезона 2017/18.

У лютым 2019 года, правёўшы паўгады без клуба, вярнуўся ў Харватыю, папоўніўшы склад «Інтэра» з Запрэшыча, дзе гуляў да канца сезона 2018/19. У студзені 2020 года далучыўся да саудаўскага клуба «Хатайн», а ў лютым 2021 года стаў іграком «Задара» ў трэцяй лізе Харватыі. У жніўні 2022 года перабраўся ў «Новалю» з рэгіянальнай лігі.

Міжнародная кар’ера

Выступаў за юніёрскія і моладзевыя зборныя Харватыі. Дэбютаваў у нацыянальнай зборнай Харватыі 26 мая 2010 года ў матчы супраць Эстоніі. Быў уключаны ў заяўку Харватыі на чэмпіянат Еўропы 2012 у Польшчы і Украіне, але так і не з’явіўся на полі.

Дасягненні

Зноскі

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.