Шчучын
Шчучын
Су-24МР. Такія самалёты стаялі на ўзбраенні 10-га арап
Су-24МР. Такія самалёты стаялі на ўзбраенні 10-га арап
ІАТА: няма — ІКАА: XMDU— Унутр. код: ЬМДУ
Інфармацыя
Тып цывільны (прыватны) / дзеючы
Краіна Беларусь Беларусь
Размяшчэнне 1,5 км на ўсход ад Шчучына
Дата адкрыцця 1939 г.
Уладальнік прыватная асоба
Эксплуатант Грамадска-маладзёжнае аб'яднанне аматараў авіяцыі «Дакладны» горада Шчучын.
Вышыня НУМ 176 м
Часавы пояс UTC+3
Карта
' (Беларусь)
'
'
Аэрадром на карце Беларусі

Шчучын — дзеючы аэрадром[1], былы ваенны. Размешчаны на ўсход ад аднайменнага горада Шчучын (Гродзенская вобласць, Беларусь).

Цяпер аб’ект эксплуатуе грамадска-маладзёжнае аб’яднанне аматараў авіяцыі.

Гісторыя

Аэрадром быў пабудаваны пасля Польскага паходу Чырвонай Арміі ў 1939 годзе. Перад пачаткам вайны ў 1941 годзе ў Шчучыне дыслакаваўся 122-і знішчальны авіяцыйны полк на І-16. У першыя дні вайны горад і аэрадром падвергліся моцнай бамбардзіроўцы[2].

У красавіку 1941 года загадам НКА № 0792 ад 27.03.1941 года на аэрадроме быў сфармаваны 190-ы штурмавы авіяцыйны полк на самалётах Іл-2. Да пачатку вайны знаходзіўся ў стадыі фарміравання, да баявых дзеянняў гатовы не быў. На другі дзень вайны з’ехаў у Варонеж для канчатковага фарміравання і навучання. Пасля прайшоў усю вайну на Іл-2, атрымаў ганаровае найменне Дзвінскі. У 1946 годзе быў расфармаваны на аэрадроме Ліелвардэ Латвійскай ССР[3][4].

Пасля вайны ў чэрвені 1945 года на аэрадроме быў размешчаны 10-ы асобны разведвальны авіяцыйны Маскоўска-Кёнігсбергскі Чырванасцяжны ордэна Суворава полк. Быў узброены самалётамі Пе-3. У 1951 годзе полк атрымаў на ўзбраенне новыя самалёты Іл-28Р. На перыяд рэканструкцыі УПП ён грунтаваўся на аэрадроме Бяроза. Іл-28 эксплуатаваліся да 1968 года. Пачынаючы з 1963 года полк узбройваўся самалётамі Як-28Р, на якіх лётаў да 1978 года. З 1971 года атрыманы самалёты МіГ-21Р, а з 1978 года на замену Як-28Р прыйшоў МіГ-25РБ (толькі 1-я эскадрылля). З 1983 па 1991 гг. 3 эскадрылля лётала на МіГ-25БМ, а 1-я эскадрылля з 1978 года па 1993 год была на МіГ-25РУ. З 1991 года полк пачаў атрымліваць новыя самалёты-разведчыкі — Су-24МР (для 2-й эскадрыллі)[5].

У перыяд з 1960 і да свайго расфармавання 1 ліпеня 1989 года на аэрадроме грунтаваўся 979-ы знішчальны авіяцыйны Ваўкавыскі Чырванасцяжны ордэна Суворава полк на самалётах МіГ-19С (1960—1976), МіГ-23С (1974—1978) і МіГ-23МЛ (з 1977 па 1988)[6].

Заўвагі

  1. ↑ Солнечная станция, кусочек Швейцарии и ангары на продажу — чем сегодня живет военный аэродром в Щучине (руск.). Новости — Новости и события Гродно. Вечерний Гродно. Архівавана з першакрыніцы 24 ліпеня 2021. Праверана 19 красавіка 2022.
  2. ↑ Щучинский аэродром. scucin-avia.narod.ru. Архівавана з першакрыніцы 3 студзеня 2019. Праверана 3 студзеня 2019.
  3. ↑ 214 шад, генерал-майор авиации Рубанов, подполковник Юдин. Боевая характеристика на 190 шап 214 шад (руск.). Память народа. ЦАМО РФ (29 ліпеня 1943). Праверана 19 снежня 2020.
  4. ↑ M.Holm. 214th Kerchenskaya Assault Aviation Division (англ.). Luftwaffe. M.Holm (10 ліпеня 2015). Архівавана з першакрыніцы 10 ліпеня 2015. Праверана 10 ліпеня 2015.
  5. ↑ 10-й отдельный разведывательный Московско-Кенигсбергский Краснознаменный ордена Суворова авиационный полк. www.ww2.dk. Архівавана з першакрыніцы 6 студзеня 2019. Праверана 3 студзеня 2019.
  6. ↑ 979-й истребительный Волковыскский Краснознаменный ордена Суворова авиационный полк. www.ww2.dk. Архівавана з першакрыніцы 18 студзеня 2019. Праверана 3 студзеня 2019.

Літаратура

  •  Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — 1500 экз. — ISBN 978-5-9955-0707-9.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.