Шчасны Галоўчынскі
Герб «Лебедзь»
9-ы кашталян менскі 25 сакавіка 1600 — 1610
Папярэднік	Пётр Дарагастайскі
Пераемнік	Пётр Тышкевіч
Смерць	1610[1]
Род	Галоўчынскія
Бацька	Яраслаў Мацвеевіч Галоўчынскі
Маці	Дарота з Касцевічаў[d]
Жонка	Гальшка з Хадкевічаў[d]
Дзеці	Ян Галоўчынскі і Рэгіна з Галоўчынскіх[d]

Шчасны Галоўчынскі (? — 1610) — дзяржаўны дзеяч Вялікага Княства Літоўскага.

Біяграфія

З роду князёў Галоўчынскіх герба «Лебедзь», сын маршалка гаспадарскага і ляхавіцкага старосты Яраслава Мацвеевіча і Дароты Венцлаваўны Касцевіч.

Дзяржаўца любашанскі з 1581. 12 сакавіка 1600 названы кашталянам менскім. Валодаў маёнткамі Галоўчын, Езна, Цітва, Шацк і інш.

Сям’я

Быў жанаты з віленскай кашталянкай Гальшкай Хадкевіч. Меў сына Яна, чашніка літоўскага, які памёр бяздзетным, і дачку Рэгіну, якая ў першы раз пабралася шлюбам з менскім ваяводам Пятром Тышкевічам, а пасля яго смерці з віцебскім ваяводам Крыштафам Кішкам.

Зноскі

Літаратура

• Boniecki A. Herbarz polski, T. 1-17, dodatek — Warszawa 1899—1913.
• Uruski S. Rodzina. Herbarz szlachty polskiej, T. 1-15 — Warszawa 1904—1938.
• Пазднякоў В. Галоўчынскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 489. — 688 с. — ISBN 985-11-0314-4 (т. 1), ISBN 985-11-0315-2.