Славутасць
Царква Святога Міхаіла Арханёла
53°36′22″ пн. ш. 24°44′32″ у. д.
Краіна	Беларусь
Месцазнаходжанне	Шчучын
Канфесія	БПЦ
Епархія	Гродзенская і Ваўкавыская епархія
Архітэктурны стыль	псеўдарускі стыль
Дата пабудовы	1863 год
Медыяфайлы на Вікісховішчы

Свята-Міхайлаўская царква — праваслаўны храм у г. Шчучын Гродзенскай вобласці.

Гісторыя

На вул. 17 верасня. Пабудавана ў 1863 г. з бутавага каменю і цэглы.

Архітэктура

Помнік архітэктуры рэтраспектыўна-рускага стылю. Складаецца з асноўнага кубападобнага аб’ёму, 5-граннай апсіды, кароткай трапезнай і прытвора-званіцы. Асноўны аб’ём і васьмярык званіцы накрыты шатровымі дахамі з цыбулепадобнымі купаламі. У дэкоры фасадаў выкарыстаны атынкаваныя какошнікі, руставаныя вуглавыя лапаткі, кілепадобныя ліштвы арачных аконных праёмаў, аркатурныя фрызы, рэльефныя крыжы.

Інтэр’ер

У інтэр'еры апсіда вылучана драўляным іканастасам. Шануецца абраз «Маці Божая Хуткапаслушніца», які знаходзіцца ў храме з часу яго асвячэння.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Царква Святога Міхаіла Арханёла (Шчучын) на сайце «Архіварта»