| Дамавы | |
| Дамавы храм Святой Ефрасінні Полацкай на пр. Стачак | |
|---|---|
| Царква Св. Ефрасінні Полацкай | |
| 59°52′37″ пн. ш. 30°15′33″ у. д. | |
| Краіна |
 Расія |
| Санкт-Пецярбург | Праспект Стачак, д. 74 |
| Канфесія | РПЦ |
| Епархія | Санкт-Пецярбургская |
| Благачынне | Па ўзаемадзеянні з узброенымі сіламі і праваахоўнымі ўстановам |
| Першае згадванне | 1894 |
| Дата заснавання | 1911 |
| Будаўніцтва | 1911—1918 гады |
| Прыдзелы | Мікалая Цудатворца |
| Статус | Рэканструюецца |
| Стан | Пошук зямельнага ўчастку |
| Сайт | efpo.prihod.ru |
 |
|
Царква прападобнай Ефрасінні Полацкай — страчаная царква на праспекце Стачак у Санкт-Пецярбургу. Пабудавана ў 1911—1912 гадах, разабрана ў 1935 годзе.
Гісторыя
У 1894 г. Полацкі Спаса-Ефрасіннеўскі жаночы манастыр Полацкай епархіі, які хацеў пабудаваць свой падворак у сталіцы, атрымаў для яго ўчастак на Пецяргофскай дарозе, які быў набыты на грошы Валагодскіх сялян.
Іерархія доўга не давала дазвол на будаўніцтва храма, і толькі 15 лістапада 1911 г. была закладзена драўляная капліца як падворак, сродкі на якую дала ганаровая грамадзянка В. М. Міхайлава. Зрубная крыжападобная ў плане капліца, увянчаная двума шатрамі, была асвечана ў імя Святой Ефрасінні Полацкай у першай палове наступнага года. Яна займала адказнае становішча ля павароту Пецяргофскай дарогі на Царскае Сяло і Маскоўскую дарогу і служыла мясцовай горадабудаўнічай дамінантай.
29 жніўня 1918 г. да капліцы было дазволена прыбудаваць алтар і спраўляць у ёй літургію. Абшчына і царква існавалі да 1935 года. У канцы 1930-х гадоў усе будынкі падворка былі разабраны.
Адраджэнне прыходу
25 кастрычніка 2007 г. святар Алексій Васільеў, клірык прыходу Св. Царскіх Мучанікаў на пр. Ветэранаў (бераг р. Новай), быў прызначаны ўказам Мітрапаліта Уладзіміра, Санкт-Пецярбургскага і Ладажскага, настаяцелем прыходу дамавага храма прап. Ефрасінні Полацкай пры Кіраўскім раённым таварыстве інвалідаў, які ўваходзіць у Ваеннае благачынне Санкт-Пецярбургскай дыяцэзіі. З 4 лістапада 2007 года (дня святкаванне абраза Казанскай Маці Божай) пачаліся рэгулярныя набажэнствы.