Футбол
Хабі Алонса
Хабі Алонса ў 2018 годзе
Хабі Алонса ў 2018 годзе
Агульная інфармацыя
Поўнае імя Хаб’ер Алонса Алана
Нарадзіўся 25 лістапада 1981(1981-11-25)[1][2][…] (42 гады)
Грамадзянства  Іспанія
Рост 183 см
Вага 76 кг
Пазіцыя апорны паўабаронца
Інфармацыя пра клуб
Клуб Германія Баер 04
Пасада галоўны трэнер
Маладзёжныя клубы
Іспанія Антыгуока
Клубная кар’ера[* 1]
1999—2004 Іспанія Рэал Сасьедад 114 (9)
1999—2000 →  Іспанія Рэал Сасьедад B 39 (2)
2000—2001 →  Іспанія Эйбар 14 (0)
2004—2009 Англія Ліверпул 143 (15)
2009—2014 Іспанія Рэал Мадрыд 158 (4)
2014—2017 Германія Баварыя 79 (5)
Нацыянальная зборная[* 2]
2000 Іспанія Іспанія (да 18) 1 (0)
2002—2003 Іспанія Іспанія (да 21) 9 (0)
2001—2012 Краіна Баскаў Краіна Баскаў 5 (0)
2003—2014 Іспанія Іспанія 114 (16)
Трэнерская кар’ера
2018—2019 Іспанія Рэал Мадрыд юн.
2019—2022 Іспанія Рэал Сасьедад B
2022— Германія Баер 04
Узнагароды і медалі
Чэмпіянаты свету
Золата ПАР 2010
Кубкі канфедэрацый
Бронза ПАР 2009
Чэмпіянаты Еўропы
Золата Аўстрыя/Швейцарыя 2008
Золата Польшча/Украіна 2012
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 кастрычніка 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 28 мая 2016
Лагатып Вікісховішча Медыяфайлы на Вікісховішчы

Хаб’е́р Ало́нса Ала́на (баскск.: Xabier Alonso Olano, ісп.: Xabier Alonso Olano; нар. 25 лістапада 1981, Талоса, Іспанія) — іспанскі футбаліст (апорны паўабаронца) і трэнер. Выступаў за нацыянальную зборную Іспаніі (2003—2014). У цяперашні час працуе галоўным трэнерам нямецкага клуба «Баер 04».

Удзельнік чэмпіянату Еўропы 2004, чэмпіянату свету 2006, чэмпіянату Еўропы 2008, чэмпіянату свету 2010, чэмпіянату Еўропы 2012 і чэмпіянату свету 2014. Двухразовы чэмпіён Еўропы (2008, 2012) і чэмпіён свету (2010). На клубным узроўні Алонса — пераможца Лігі чэмпіёнаў (2004/05, 2013/14), Суперкубка УЕФА (2005, 2014), Кубка Англіі (2005/06), Суперкубка Англіі (2006), Кубка Іспаніі (2010/11, 2013/14), чэмпіянату Іспаніі (2011/12) і Суперкубка Іспаніі (2012), Кубка Германіі (2015/16), чэмпіянату Германіі (2014/15, 2015/16, 2016/17) і Суперкубка Германіі (2016). У складзе нацыянальнай зборнай Хабі — двухразовы пераможца Еўра (2008, 2012) і чэмпіён свету (2010).

Алонса пачаў кар’еру ў галоўнай камандзе свайго роднага рэгіёна Гіпускаа — «Рэал Сасьедадзе», дэбютаваўшы за клуб у 1999 годзе. У сезоне 2000/01 Хабі на правах арэнды перайшоў у клуб другога дывізіёну «Эйбар» на паўгода. Вярнуўшыся з арэнды, Алонса стаў іграком асноўнага складу. У сезоне 2001/02 баск забіў свой першы гол. У наступным сезоне Алонса згуляў ключавую ролю ў заваяванні срэбных медалёў чэмпіянату, дзякуючы чаму клуб здолеў кваліфікавацца ў Лігу чэмпіёнаў. Сезон 2003/04 стаў для Хабі апошнім у складзе «Сасьедада». Летам 2004 года Алонса перайшоў у «Ліверпул» за 10,5 млн £. У першым сваім сезоне ў складзе «чырвоных» іспанец выйграў Лігу чэмпіёнаў. У сезоне 2005/06 Хабі заваяваў яшчэ два трафеі: Суперкубак УЕФА і Кубак Англіі. У наступныя тры сезоны на «Энфілдзе» іспанец выйграў Суперкубак Англіі, а таксама дайшоў да фіналу Лігі чэмпіёнаў і заваяваў срэбныя медалі чэмпіянату Англіі. У летняе трансфернае акно 2009 года Алонса за 30 млн € перайшоў у мадрыдскі «Рэал»[3], дзе стаў пераможцам Лігі чэмпіёнаў[4], чэмпіянату і Суперкубка Іспаніі, а таксама двухразовым пераможцам Кубка Іспаніі. У 2014 годзе, пасля пяці гадоў праведзеных у складзе «Рэала», Хабі перайшоў у мюнхенскую «Баварыю», падпісаўшы двухгадовы кантракт[5]. У складзе «Баварыі» Хабі Алонса тройчы стаў чэмпіёнам краіны, выйграў Кубак і Суперкубак Германіі. У студзені 2017 года абвясціў аб завяршэнні кар’еры па заканчэнні сезона 2016/17[6].

Алонса адрозніваецца здольнасцю забіваць галы з далёкіх дыстанцый. У матчы на Кубак Англіі супраць каманды «Лутан Таўн» у студзені 2006 года ён забіў два галы з далёкай дыстанцыі, адзін з якіх ударам прыкладна з 60 метраў. У верасні 2006 года Алонса забіў яшчэ адзін гол са сваёй паловы поля ў матчы Прэм’ер-лігі супраць «Ньюкасл Юнайтэд».

Раннія гады

Хабі Алонса паходзіць з вядомай футбольнай сям’і. Яго бацька, Перыка Алонса, гуляў за «Рэал Сасьедад», у складзе якога стаў двухразовым чэмпіёнам Іспаніі, і за «Барселону». Брат Хабі, Мікеле Алонса, гуляе на пазіцыі паўабаронцы за «Рэал Уніён». Іншы брат, Ён — футбольны суддзя. Алонса нарадзіўся ў Талосе, невялікім мястэчку Краіны Баскаў, да шасці гадоў жыў у Барселоне, потым яго сям’я пераехала ў Сан-Себасцьян. Менавіта тут выявіўся яго запал да футбола, ён правёў сваё дзяцінства, гуляючы ў футбол на Плая дэ ла Конча (Шэл Біч)[7]. На пляжах Сан-Себасцьяна Алонса пасябраваў з жыхаром Кале Маціа, Мікелем Артэтам, і яны часта спаборнічалі адзін з адным, гуляючы разам у футбол па выхадных[8]. У раннім узросце Алонса вырашыў стаць апорным паўабаронцам, гэта амплуа дапамагло яму навучыцца добра распараджацца мячом на поле.

Калі яму было 15, ён па школьнай праграме абмену адправіўся ў ірландскі горад Келс, графства Міт, каб вывучыць англійскую мову[9].

Алонса і Артэта былі амбіцыйныя і марылі гуляць побач за «Рэал Сасьедад», але іх шляхі разышліся пасля таго, як Артэта перайшоў у «Барселону», тым часам як Алонса падпісаў кантракт з «Рэал Сасьедадам»[10].

Алонса прагрэсаваў, выступаючы за рэзервовую каманду «Рэал Сасьедад», і ва ўзросце 18 гадоў у сезоне 1999/2000 ён дэбютаваў у першай камандзе сан-себасцьянскага клуба. Яго першы выхад на поле адбыўся 1 снежня 1999 года ў паядынку Кубка Іспаніі з «Лаграньесам»[11]

Клубная кар’ера

«Рэал Сасьедад»

Джон Тошак прызнаў патэнцыял у Алонса і выдаткаваў шмат часу, распрацоўваючы метады навучання, скіраваныя на індывідуальнае паляпшэнне яго тэхнічных магчымасцей[12]. Першую палову сезона 2000/01 Алонса адгуляў у «Эйбары» на правах арэнды, пасля чаго вярнуўся ў родную каманду. Каманда ўмацавала свае пазіцыі ў сярэдзіне табліцы ў 2001/02 сезоне, заняўшы 13-е месца. Алонса правёў 30 матчаў у сезоне, а таксама забіў свой першы гол у Ла Лізе, за ўвесь сезон адзначыўся 3 разы. Улетку 2002 года ў «Рэал Сасьедада» зноў змяніўся трэнер, і ўсё ж з прыходам Рэйнальда Денуэкса Алонса захаваў сваё месца ў першай камандзе[13].

У нечакана паспяховым для каманды сезоне 2002/03, калі яна заняла другое месца ў чэмпіянаце, прапусціўшы наперад толькі мадрыдскі «Рэал», Хабі Алонса быў ключавым іграком «Рэал Сасьедада», ён узяў удзел у 33 матчах і забіў у іх 3 галы, заявіўшы пра сябе як пра «ўзыходную зорку» іспанскага футбола[14].

Улетку 2004 года ў «Рэал Сасьедад» перайшоў сябар дзяцінства Алонса, Мікель Артэта[15]. Артэта быў у захапленні ад перспектывы стаць партнёрам Алонса ў цэнтры поля, але яго радасць была нядоўгай. Алонса атрымаў прапанову ад «Ліверпула» і 20 жніўня 2004 года перайшоў у мерсісайдскі клуб[11][16].

«Ліверпул»

У складзе «Ліверпула»

Алонса прыбыў у Ліверпул разам з Луісам Гарсія з «Барселоны», паклаўшы тым самым пачатак новай эры на «Энфілдзе». Новы трэнер «Ліверпула», Рафаэль Бенітэс, імкнуўся рэарганізаваць клуб і цалкам перапрацаваць гульню каманды, выбраўшы свой уласны стыль тренерства і тактыку каманды[17]. Алонса перайшоў у «Ліверпул» у жніўні 2004 года. Ён дэбютаваў у англійскай Прэм’ер-лізе 29 жніўня на «Рыбак Стэдыўм» у матчы супраць «Болтан Уондэрэрс», які «Ліверпул» прайграў з лікам 0:1[18]. Бачанне поля і добрае валоданне пасам дазволілі Алонса стаць адным з асноўных ігракоў у паўабароне «Ліверпула», а яго запамінальныя дакладныя далёкія пасы і відовішчныя магутныя ўдары зрабілі Алонса ўлюбёнцам заўзятараў «чырвоных». Свой першы гол у Англіі Хабі забіў са штрафнога ў браму «Фулхэма» 16 кастрычніка[19], да перапынку таго матча «Ліверпул» прайграваў 0:2, але потым пасля выхаду Алонса на замену пераламаў ход гульні, перамогшы з лікам 4:2.

1 студзеня 2005 года ў выніку сутыкнення з Фрэнкам Лэмпардам з «Чэлсі» Алонса зламаў шчыкалатку і на тры месяцы выбыў з гульні. Вярнуўшыся да вырашальных матчаў плэй-оф Лігі чэмпіёнаў, ён вельмі дапамог камандзе, калі з-за траўмы не мог гуляць капітан «Ліверпула», Стывен Джэрард[20]. У фінальным матчы супраць «Мілана» Алонса зраўняў лік, а потым «Ліверпул» перамог у серыі пенальці[21]. Алонса быў у захапленні ад перамогі, сказаўшы: «Гэта найлепшы момант у маёй прафесійнай кар’еры»[22].

7 студзеня 2006 года ў матчы Кубка Англіі з клубам «Лутан Таўн» Хабі Алонса забіў самы далёкі гол у гісторыі «Ліверпула», паразіўшы браму саперніка са сваёй паловы поля (мяч праляцеў адлегласць прыкладна ў 60 метраў). Хоць брама «Лутана» была ў гэты момант пустой (брамнік пайшоў у штрафную «чырвоных» на падачу вуглавога), гэта дасягненне Алонса стала прадметам працяглага абмеркавання заўзятараў і прэсы. Таксама паведамлялася, што адзін фанат «Ліверпула» паставіў 200 фунтаў на тое, што ў Хабі да канца сезона атрымаецца забіць са сваёй паловы поля, і выйграў 25 000 фунтаў[23].

20 верасня 2006 года Алонса зноў адзначыўся далёкім голам, гэтым разам паразіўшы браму «Ньюкасла» ў матчы Прэм’ер-лігі. У выніку Алонса быў прызнаны майстрам далёкіх удараў, Хабі прызнаўся, што адпрацоўвае такія ўдары на трэніроўках[24].

1 верасня 2007 года яму ўпершыню ў кар’еры атрымалася двойчы за гульню паразіць браму саперніка «Ліверпула» ў Прэм’ер-лізе. Адбылася гэтая падзея ў матчы на ​​"Энфілдзе" супраць «Дэрбі Каўнці», у якім «чырвоныя» перамаглі з лікам 6:0[25][26]. Алонса адкрыў лік у гэтым матчы, на 25-й хвіліне ўдарам са штрафнога з адлегласці ў 50 метраў паразіўшы браму гасцей. У другім тайме баск вызначыўся яшчэ раз, прабіўшы з-за межаў штрафной плошчы. Гэты гол стаў для «Ліверпула» чацвёртым у дадзеным паядынку.

«Рэал Мадрыд»

У матчы за мадрыдскі «Рэал» у Лізе чэмпіёнаў
У матчы за мадрыдскі «Рэал» супраць «Вальядаліда»

Улетку 2009 года мадрыдскі «Рэал» пачаў актыўна праводзіць трансферы вядомых ігракоў; адной з мэт каманды стаў Алонса. Нягледзячы на тое, што трэнер «Ліверпула» Рафаэль Бенітэс неаднаразова паведамляў пра тое, што клуб не мае намер прадаваць Хабі[27][28][29], прадстаўнікі «Рэала» ціснулі на «чырвоных», увесь час заяўляючы праз прэсу пра тое, што ігрок ім вельмі патрэбен. Пры гэтым «вяршковыя» адмовіліся згаджацца з мінімальнай сумай адступных (каля 35 мільёнаў фунтаў), якую патрабаваў за футбаліста «Ліверпул». «Рэал» назваў яе «празмеру вялікай» за «іграка, якому няма замены»[30] і прыстрашыўшы зусім адмовіцца ад угоды[31], і гэта пры тым, што незадоўга да таго мадрыдскі клуб выдаткаваў 93,5 і 63,5 мільёнаў еўра на Крыштыяну Раналду і Кака адпаведна.

Пасля двух месяцаў лета, цягам якіх цягнуліся перамовы паміж клубамі, 30 ліпеня Алонса афіцыйна запытаў трансфер[32]. 4 жніўня было дасягнута пагадненне паміж клубамі пра суму кампенсацыі[33], а праз яшчэ два дні ігрок быў прададзены ў «Рэал», прыкладная сума трансферу склала 30 мільёнаў фунтаў. Меркавалася, што галоўнай прычынай сыходу Алонса сталі яго напружаныя адносіны з Бенітэсам. Але ў сваім першым інтэрв’ю пасля пераходу паўабаронца сказаў, што канфлікту ў іх не было, і паведаміў, што хацеў стаць часткай «мадрыдскага праекта»[34].

У першым сезоне за «Рэал» Хабі выступаў пад нумарам «22». Дэбют Хабі ў «Рэале» адбыўся ў матчы з «Дэпартыва». Хабі правёў на поле ўсе 90 хвілін. Свой першы гол у футболцы «Рэала» Алонса забіў у браму «Вільярэала» з пенальці на 87-й хвіліне[35]. У матчы супраць «Севільі» Хабі адкрыў лік за гасцей аўтаголам на 10 хвіліне. Наступны гол Хабі забіў у браму «Спортынга». У матчы супраць «Атлетыка» Хабі забіў гол на 49-й хвіліне і аддаў галявы пас на 55-й.

У тым сезоне Алонса стаў ключавым іграком у цэнтры паўабароны «Рэала». Алонса гуляў добра не толькі ў чэмпіянаце, але і ў Лізе чэмпіёнаў. Усяго ў сезоне 2010/11 Хабі Алонса згуляў 52 матчы і забіў адзін мяч[36].

Чэмпіёнскі для «Рэала» сезон Хабі пачаў у добрай форме. Ён паказваў стабільную гульню як у абароне, так і ў нападзе, выступаючы стваральнікам атак каманды.

Сезон 2012/13 атрымаўся для іспанца не вельмі ўдалым. З-за траўмаў ён выбываў з гульняў на немалыя тэрміны. Становішча пагоршылася і пасля канфлікту каманды з трэнерам Жазэ Маўрынью. У сярэдзіне сакавіка 2013 года з’явіліся паведамленні пра тое, што Алонса не збіраецца падаўжаць кантракт з кіраўніцтвам «Рэала», які мінае па заканчэнні сезона 2013/14. Аднак у пачатку студзеня 2014 года Хабі падоўжыў кантракт да чэрвеня 2016 года[37][38][39].

У матчы за мюнхенскую «Баварыю» супраць маскоўскага ЦСКА

«Баварыя»

29 жніўня 2014 года Алонса перайшоў у склад нямецкай «Баварыі», падпісаўшы з клубам двухгадовы кантракт[40]. Кантракт падпісаны на 2 гады[41]. У новым клубе Алонса атрымаў футболку з нумарам 3. Дэбютаваў на наступны дзень у матчы супраць «Шальке 04», які скончыўся ўнічыю 1:1[42]. 27 верасня 2014 года ў матчы супраць «Кёльна» Алонса пабіў рэкорд па колькасці пасаў за матч Бундэслігі, 196[43]. 18 кастрычніка 2014 года іспанец аформіў першы гол за «Баварыю», забіўшы са штрафнога мяч у браму «Вердэра». Матч скончыўся з лікам 6:0[44].

17 лютага 2015 года, у яго 100-ым матчы ў Лізе чэмпіёнаў, Алонса быў выключаны з гульні за другую жоўтую картку пры ліку 0:0 супраць данецкага «Шахцёра»[45]. У другім матчы Алонса вярнуўся[46], «Баварыя» перамагла 7:0[47]. Алонса забіў свой чацвёрты гол у Лізе чэмпіёнаў са штрафнога ў матчы супраць «Порту» ў чвэрцьфінале. «Баварыя» выйграла 6:1 і чацвёрты раз запар прайшла ў паўфінал.

28 красавіка 2015 года Алонса стаў адным з чатырох ігракоў «Баварыі»-чэмпіёнаў свету, якія прайгралі «Барусіі» паўфінал Кубка Германіі па футболе[48]. Ён таксама быў адзіным іграком, які не забіў пенальці ў Суперкубку 2015 супраць «Вольфсбурга», яго ўдар быў адбіты Кунам Кастэлсам[49].

Летам 2015 года змяніў нумар 3 на 14, пасля сыходу Клаўдзіа Пісара.

18 снежня 2015 года Алонса падпісаў новы кантракт з «Баварыяй» да 2017 года[50]. У студзені 2017 года абвясціў аб завяршэнні кар’еры па заканчэнні сезона 2016/17[6]. 20 мая 2017 года згуляў свой апошні афіцыйны матч, калі выйшаў у асноўным складзе «Баварыі» ў матчы апошняга тура Бундэслігі супраць «Фрайбурга» (4:1). У гэтым матчы ён адзначыўся галявой перадачай на Ар’ена Робена і быў заменены на 82-й хвіліне на Франка Рыберы. Усяго за тры гады ў Германіі Хабі Алонса тройчы стаў чэмпіёнам краіны, выйграў Кубак і Суперкубак Германіі.

Міжнародная кар’ера

Алонса забівае гол у чвэрцьфінале Еўра-2012 супраць Францыі

Еўра-2004

Упершыню за зборную Іспаніі Алонса згуляў 30 красавіка 2003 года ў таварыскім матчы супраць зборнай Эквадора, ва ўзросце 22 гадоў. На Еўра-2004 Алонса быў заменены ў матчы з Расіяй пры ліку 1:0, згуляў усе 90 хвілін супраць Партугаліі, дзе яго каманда саступіла з лікам 0:1. У выніку іспанцы не прайшлі групавы этап[51][52].

ЧС-2006

На чэмпіянаце свету ў Германіі Хабі Алонса 14 чэрвеня 2006 года забіў свой першы гол за зборную ў браму зборнай Украіны[53]. Нягледзячы на паспяховы выступ на групавой стадыі, дзе Іспанія выйграла ўсе свае гульні, каманда была выбіта будучымі фіналістамі, французамі, у 1/8 фіналу[54].

Еўра-2008

На Еўра-2008, якое аказалася паспяховым для іспанцаў, Алонса быў капітанам зборнай у апошняй гульні групавога этапу супраць Грэцыі, стаў іграком матча[55]. Іспанія выйграла турнір, а Алонса згуляў у чатырох з шасці матчаў за зборную[56].

ЧС-2010

На ЧС-2010 Хабі Алонса браў удзел ва ўсіх матчах зборнай Іспаніі, гуляючы разам з Серхіа Бускетсам і Хаві ў цэнтры поля, і дапамог зборнай заваяваць першы трафей Кубка свету[57]. На 28-й хвіліне апошняй гульні супраць Нідэрландаў ён атрымаў удар у грудзі ад галандскага паўабаронцы Найджэла дэ Ёнга. Фол быў спрэчным, здавалася, што парушэнне заслугоўвае непасрэднай чырвонай карткі, але Говард Уэб абмежаваўся жоўтай[58]. Нягледзячы на боль, ён дагуляў увесь матч.

Еўра-2012

На Еўра-2012 23 чэрвеня 2012 года Хабі Алонса згуляў свой 100-ы матч за Іспанію[59] ў чвэрцьфінале супраць Францыі, у якім ён забіў абодва мячы і прынёс перамогу Іспаніі.

ЧС-2014

Перад ЧС-2014 Хабі Алонса прыняў рашэнне завяршыць выступы за зборную Іспаніі па завяршэнні турніру[60]. На самым «мундыялі» Алонса адкрыў лік у першым матчы групавога этапу са зборнай Нідэрландаў, аднак матч скончыўся паражэннем іспанцаў з лікам 1:5. У другім матчы Іспанія затым прайграла 2:0 зборнай Чылі. У гэтым матчы Алонса атрымаў жоўтую картку і быў заменены ў перапынку, калі лік ужо быў 2:0. Трэці матч Іспанія выйграла апошні матчы супраць Аўстраліі і заняла трэцяе месца ў групе; Алонса згуляў 83 хвіліны ў матчы.

Алонса скончыў міжнародную кар’еру 27 жніўня 2014 года[61]. Усяго за зборную сваёй краіны Хабі Алонса правёў 114 гульняў і забіў 16 мячоў, выйграўшы ў складзе нацыянальнай каманды два чэмпіянаты Еўропы (2008, 2012), чэмпіянат свету (2010) і стаў бронзавым прызёрам Кубка канфедэрацый (2009).

Зборная Краіны Баскаў

Алонса дэбютаваў у зборнай Краіны Баскаў у таварыскім матчы супраць Ганы 29 снежня 2001 года[62] і атрымліваў рэгулярныя выклікі, але з-за шчыльнага графіка ў клубе не заўсёды меў магчымасць з’яўляцца. 29 снежня 2012 года Алонса з’явіўся на полі ў матчы зборнай Краіны Баскаў з Балівіяй, які быў выйграны пірэнейцамі 6:1[63].

Стыль гульні

Алонса адрозніваецца на поле добрай тэхнікай, а таксама пастаўленым ударам, што дазваляе забіваць галы з далёкіх дыстанцый, а сіла ўдару дазваляе яму віртуозна выконваць штрафныя ўдары. У матчы Кубка Англіі супраць «Лутан Таўн» у студзені 2006 года ён забіў два галы з далёкай дыстанцыі, адзін з якіх — ударам прыкладна з 60 метраў. У верасні 2006 года Алонса забіў яшчэ адзін гол са сваёй паловы поля ў матчы Прэм’ер-лігі супраць «Ньюкасл Юнайтэд»[64].

Хабі як плэймэйкер валодае дакладным пасам і валодае добрым бачаннем поля, што дазваляе аддаваць якасныя перадачы на далёкія адлегласці.

Як заўзятар я б сказаў, што Хабі вялікі ігрок. Я думаю, што ён з’яўляецца найлепшым распасоўшчыкам у Еўропе.

— Прэзідэнт «Рэала», Фларэнтына Перэс, чэрвень 2009[65].

Былы партнёр Хабі па «Ліверпулу» Стывен Джэрард на пытанне «каго Вы б хацелі вярнуць з былых партнёраў?» Стыві адказаў, што менавіта Алонса ён бы хацеў вярнуць, калі гэта было б магчыма. Бачанне поля і добрае валоданне пасам дазволілі Алонса стаць адным з асноўных ігракоў у паўабароне «Ліверпула», а яго запамінальныя дакладныя далёкія пасы і відовішчныя далёкія ўдары зрабілі Алонса ўлюбёнцам заўзятараў «чырвоных». У складзе зборнай Іспаніі Хабі з’яўляўся штатным пенальцістам. Пры гэтым штрафныя выконвае досыць рэдка.

Трэнерская кар’ера

У 2018 годзе стаў трэнерам юнацкай каманды мадрыдскага «Рэала». У 2019 годзе атрымаў трэнерскую ліцэнзію катэгорыі Pro, у чэрвені стала вядома пра прызначэнне Хабі Алонса галоўным трэнерам другой каманды «Рэал Сасьедада»[66].

5 кастрычніка 2022 года ўзначаліў нямецкі «Баер 04»[67].

Асабістае жыццё

Былыя партнёры па «Ліверпулу» лічылі Алонса ціхім і спакойным чалавекам[68]. Ён жанаты з Нагорай Арамбулу, у пары трое дзяцей. 11 сакавіка 2008 года нарадзілася першае дзіцё — сын Ёнчу[69].

Алонса прапусціў матч Лігі чэмпіёнаў з «Інтэрам», застаўшыся ў Ліверпуле з-за нараджэння дзіцяці, ён скаментаваў гэта, сказаўшы:

" Было крыху непрыемна прапусціць матч супраць «Інтэра», але я павінен быў быць са сваёй сям'ёй у такі час[70]. "

Яго рашэнне аддаць перавагу сям’і перад Лігай чэмпіёнаў выклікала мноства канфліктаў з трэнерам, Рафай Бенітэсам[71][72][73]. 30 сакавіка 2010 года ў пары нарадзілася другое дзіцё, дзяўчынка па імі Ані Алонса Аранбуру[74]. Іх трэцяе дзіцё і другая дачка, Эма Алонса Aранбуру, нарадзілася 2 снежня 2013 года[75].

Алонса і Артэта былі суседзямі, калі жылі ў Сан-Себасцьяне, а таксама жылі побач у Ліверпуле[76]. Алонса пераканаў Артэту перайсці ў «Эвертан», расказаўшы яму, як ён шчаслівы ў Ліверпуле[77]. Алонса таксама ў 2004 годзе пераканаў былога напарніка па «Рэал Сасьедадзе», Хуана Угартэ, далучыцца да клуба «Рэксем»[78].

Алонса з’яўляецца прыхільнікам каманды «Meath GAA» па гэльскім футболе[79]. Яго цікавасць да ірландскага спорту з’явілася ў 15-гадовым узросце, калі ён адправіўся ў ірландскі горад Келс, каб вывучыць англійскую мову[9].

Нават гуляючы за «Рэал Мадрыд», Алонса абвясціў сябе прыхільнікам «Ліверпула». Ён сказаў, што вяртаецца, каб глядзець гульні на «Энфілдзе», калі ён свабодны час. The Times Online працытавала: «Я да гэтага часу фанат Ліверпула і буду ім заўсёды», і што яго сын таксама стане прыхільнікам «чырвоных»[80].

Статыстыка выступленнняў

Клубная

Станам на 28 мая 2017 года

Клуб Сезон Ліга Кубак1 Кубак лігі Еўракубкі Іншыя² Усяго
ГульніГалыГульніГалыГульніГалыГульніГалыГульніГалыГульніГалы
Рэал Сасьедад 1999/2000 5010-00-60
Усяго 5010-00-60
Эйбар 2000/2001 14040-00-180
Усяго 14040-00-180
Рэал Сасьедад 2000/2001 18000-00-180
2001/2002 29300-00-293
2002/2003 33310-00-343
2003/2004 34300-81-424
Усяго 1149100081-12310
Ліверпул 2004/2005 242000081-323
2005/2006 353520010030535
2006/2007 324102015010514
2007/2008 192301040-272
2008/2009 3343010101-475
Усяго 14315122404724021019
Рэал Мадрыд 2009/2010 34300-70-413
2010/2011 34071-110-521
2011/2012 36140-10021522
2012/2013 28070-10020470
2013/2014 26070-9000420
2014/2015 0000-002020
Усяго 1584251-470612366
Баварыя 2014/2015 26240-10200404
2015/2016 26041-8110392
2016/2017 27330-7010383
Усяго 795111-253201179
Усяго за кар’еру 5133354440127612171044
1 Кубак Англіі, Кубак Іспаніі і Кубак Германіі
² Суперкубак УЕФА, Клубны чэмпіянат свету, Суперкубак Англіі, Суперкубак Іспаніі і Суперкубак Германіі

Міжнародная статыстыка

Станам на 1 ліпеня 2014 года

ЗборнаяСезонМатчыГалы
Іспанія
2002/200310
2003/2004100
2004/200560
2005/2006121
2006/200780
2007/2008102
2008/2009144
2009/2010154
2010/2011101
2011/2012163
2012/201350
2013/201471
Разам11416

Дасягненні

Клубныя

Англія «Ліверпул»:

Іспанія «Рэал»:

Германія «Баварыя»:

Міжнародныя

Іспанія Іспанія:

Асабістыя

Зноскі

  1. ↑ Xabi Alonso // Transfermarkt — 2000. Праверана 9 кастрычніка 2017.
  2. ↑ Xabi Alonso // FBref.com
  3. ↑ Хаби Алонсо перешел в «Реал» (руск.). Sports.ru (4 жніўня 2009).
  4. ↑ «Реал» стал победителем Лиги чемпионов (руск.). Lenta.ru (25 мая 2014).
  5. ↑ «Бавария» подписала 2-летний контракт с Алонсо (руск.). Sports.ru (29 августа 2014).
  6. 1 2 Хаби Алонсо летом завершит карьеру (руск.). Sports.ru (18 января 2017).
  7. ↑ Ballague, Guillem. Clever Xabi sets the pass mark. The Observer (22 мая 2005). Праверана 11 жніўня 2008.
  8. ↑ Fifield, Dominic. Arteta seeks revenge in battle of Basques. The Guardian (25 сакавіка 2006). Праверана 11 жніўня 2008.
  9. 1 2 Reprint of aforementioned article on messageboard. GAA Board (3 студзеня 2008). Праверана 29 July 2014.
  10. ↑ Hunter, Andy (19 November 2005). "Mikel Arteta: 'It's a long way from San Sebastian...'". The Independent. Праверана 2008-08-11.
  11. 1 2 Xabi Alonso Profile. Liverpool. Архівавана з першакрыніцы 4 жніўня 2008. Праверана 11 August 2008.
  12. ↑ Abbandonato, Paul. It's the Real deal for Toshack. Wales Online (Western Mail) (3 ліпеня 2008). Праверана 12 жніўня 2008.
  13. ↑ Lowe, Sid. Sociedad enjoy ride of their lives. The Guardian (4 лістапада 2002). Праверана 11 жніўня 2008.
  14. ↑ "Real seal Spanish title". BBC Sport. British Broadcasting Corporation. 22 June 2003. Праверана 23 June 2012.
  15. ↑ "Real Sociedad drop Alonso". BBC Sport. 11 August 2004. Праверана 2008-08-12.
  16. ↑ "Alonso makes Anfield move". BBC Sport. 20 August 2004. Праверана 2008-08-12.
  17. ↑ Ortego, Enrique. La 'Rafalution' entra en la historia del Liverpool (The 'Rafalution' becomes part of Liverpool history). Diario AS (3 лістапада 2008). Праверана 18 лістапада 2008.
  18. ↑ "Bolton 1–0 Liverpool". BBC Sport. 29 August 2004. Праверана 2008-08-14.
  19. ↑ "Fulham 2–4 Liverpool". BBC Sport. 16 October 2004. Праверана 2008-08-14.
  20. ↑ "Juventus 0–0 Liverpool". BBC Sport. 13 April 2005. Праверана 2008-08-15.
  21. ↑ McCarra, Kevin. Red resistance tips the balance. The Guardian (28 красавіка 2005). Праверана 15 жніўня 2008.
  22. ↑ McCarra, Kevin. Liverpool set up Chelsea clash. The Guardian (14 красавіка 2005). Праверана 15 жніўня 2008.
  23. ↑ Fan makes £25,000 on dream goal. Архівавана з першакрыніцы 22 лютага 2012. Праверана 27 мая 2016.
  24. ↑ Liverpool 2-0 Newcastle. Архівавана з першакрыніцы 22 лютага 2012. Праверана 27 мая 2016.
  25. ↑ Jackson, Jamie. Benítez has Liverpool dreaming of a new tilt at the title. The Guardian (2 верасня 2007). Праверана 15 кастрычніка 2008.
  26. ↑ Atkin, Ronald. Liverpool 6 Derby County 0: Torres and Alonso lead Rams to the slaughter. The Independent (2 верасня 2007). Праверана 1 снежня 2011.
  27. ↑ «Официально: Заявление клуба по Алонсо и Маскерано». Liverbird.ru. Праверана 7 снежня 2013.
  28. ↑ «Бенитес требует верности». Liverbird.ru. Праверана 7 снежня 2013.
  29. ↑ «Рафа: Продавать Алонсо мы не намерены». Liverbird.ru. Праверана 7 снежня 2013.
  30. ↑ «„Реал“ не оставляет надежды купить Алонсо». Liverbird.ru. Праверана 7 снежня 2013.
  31. ↑ «Испанские газеты: Алонсо и Арбелоа — на выход?». Liverbird.ru. Праверана 7 снежня 2013.
  32. ↑ «Срочно: Алонсо официально запросил трансфер». Liverbird.ru. Праверана 7 снежня 2013.
  33. ↑ «Срочно и официально: Алонсо в Мадриде!». Liverbird.ru. Праверана 7 снежня 2013.
  34. ↑ «Первое интервью Шаби Алонсо после ухода из „Ливерпуля“». Liverbird.ru. Праверана 7 снежня 2013.
  35. ↑ Real Madrid 6 – 2 Villarreal(недаступная спасылка). ESPN (21 лютага 2010). Архівавана з першакрыніцы 27 лютага 2010. Праверана 24 лютага 2010.
  36. ↑ Irish, Ollie. Cristiano Ronaldo Takes Raul's No.7 Shirt at Real Madrid, Benzema Moves To No.9, Xabi Alonso Takes No.14. Whoateallthepies.tv. Праверана 1 снежня 2011.
  37. ↑ "Реал" официально объявил о продлении контракта с Хаби Алонсо (руск.). Чемпионат.com (9 января 2014).
  38. ↑ Xabi Alonso seguirá dos años más en el Real Madrid. Marca (1 жніўня 2014).
  39. ↑ Чемпионат Испании. Хаби Алонсо продлил контракт с «Реалом» (руск.). Евроспорт (1 верасня 2014).
  40. ↑ Xabi Alonso completes Bayern switch. FCBayern.de.
  41. ↑ Wechsel perfekt! Xabi Alonso ist jetzt ein Bayer (ням.). Offizielle Website des FC Bayern München (29 жніўня 2014). Праверана 31 August 2014.
  42. ↑ Schalke 1-1 Bayern Munich: Howedes seals controversial point for hosts. Goal.com
  43. ↑ 5 Incredible Stats That Show How Important Xabi Alonso Is For Bayern Munich. Balls.ie (1 кастрычніка 2014). Праверана 2 October 2014.
  44. ↑ "Bayern Mun 6–0 SV Werder Bremen". BBC Sport. 18 October 2014. Праверана 19 October 2014.
  45. ↑ Reddy, Luke (17 February 2015). "Shakhtar Donetsk v Bayern Munich". BBC Sport. Праверана 17 February 2015.
  46. ↑ Lovell, Mark (23 February 2015). "Bayern Munich awakening from winter-break hibernation". ESPN FC. Праверана 23 February 2015.
  47. ↑ "FC Bayern düst ins Viertelfinale" [German]. Süddeutsche Zeitung. 11 March 2015. Праверана 12 March 2015.{{cite news}}: Папярэджанні CS1: невядомая мова (link)
  48. ↑ "Bayern Munich 1-1 Borussia Dortmund". BBC. 29 April 2015.
  49. ↑ Schaerlaeckens, Leander (1 August 2015). "Nicklas Bendtner emerges as Wolfsburg's unlikely hero in DFL-Supercup". Yahoo. Праверана 2 August 2015.
  50. ↑ "Der FC Bayern verlängert mit vier Superstars" [German]. Die Welt. 18 December 2015. Праверана 21 December 2015.{{cite news}}: Папярэджанні CS1: невядомая мова (link)
  51. ↑ ЕВРО-2004. UEFA. Праверана 12 жніўня 2008.
  52. ↑ ЕВРО-2004(недаступная спасылка). UEFA. Архівавана з першакрыніцы 2 ліпеня 2017. Праверана 12 жніўня 2008.
  53. ↑ Bulman, Erica. David Villa scores twice as Spain reigns over Ukraine 4–0. USA Today (14 чэрвеня 2006). Праверана 22 жніўня 2008.
  54. ↑ "Spain 1–3 France". BBC Sport. 26 July 2007. Праверана 2008-08-22.
  55. ↑ Baskett, Simon. Second string Spain too good for Greece. Reuters (18 чэрвеня 2008). Праверана 15 снежня 2008.
  56. ↑ UEFA EURO 2008. УЕФА. Праверана 13 лістапада 2008.
  57. ↑ FIFA player Statistics: XABI ALONSO(недаступная спасылка). FIFA. Архівавана з першакрыніцы 22 ліпеня 2015. Праверана 27 мая 2016.
  58. ↑ Joyce, Paul. Xabi Alonso in broken rib fear. the Daily and Sunday Express. Праверана 15 July 2010.
  59. ↑ "Xabi Alonso fires Spain to Euro 2012 semifinals". 24 June 2012.
  60. ↑ Хаби Алонсо решил завершить карьеру в сборной Испании по футболу
  61. ↑ Xabi Alonso: Real Madrid midfielder retires from Spain duty. BBC Sport (27 жніўня 2014). Праверана 27 August 2014.
  62. ↑ Euskadi-Ghana(недаступная спасылка). Euskadiko Futbol Federakundea (29 снежня 2001). Архівавана з першакрыніцы 3 верасня 2014. Праверана 30 August 2014.
  63. ↑ La Euskal Selekzioa arrolla a Bolivia(недаступная спасылка). Euskadiko Futbol Federakundea (20 снежня 2012). Архівавана з першакрыніцы 3 верасня 2014. Праверана 30 August 2014.
  64. ↑ Hughes, Ian (20 September 2006). "Liverpool 2–0 Newcastle". BBC Sport. Праверана 2008-08-14.
  65. ↑ Профиль Хаби Алонсо. espnfc.com. Праверана 8 снежня 2013.
  66. ↑ Хаби Алонсо возглавил дубль «Реал Сосьедада» (руск.). by.tribuna.com (1 чэрвеня 2019). Праверана 1 жніўня 2019.
  67. ↑ Футбол. Бывший полузащитник сборной Испании Хаби Алонсо стал главным тренером "Байера" (руск.)(недаступная спасылка). pressball.by (5 кастрычніка 2022). Архівавана з першакрыніцы 8 кастрычніка 2022. Праверана 8 кастрычніка 2022.
  68. ↑ The Good Life: Real Madrid and Spain midfielder Xabi Alonso(недаступная спасылка). Goal.com (3 снежня 2008). Архівавана з першакрыніцы 10 студзеня 2015. Праверана 1 снежня 2011.
  69. ↑ "Football player Xabi Alonso and girlfriend welcome first child, a son" [англійская]. Архівавана з арыгінала 10 верасня 2015. Праверана 27 мая 2016. {{cite news}}: Невядомы параметр |deadurl= ігнараваны (прапануецца |url-status=) (даведка)
  70. ↑ Xabi Alonso: "Fue un poco frustrante no jugar, pero tenía que estar con mi familia" (It was a little frustrating to miss the match, but i had to be with my family) (ісп.). El Mundo (13 сакавіка 2008). Праверана 4 лістапада 2008.
  71. ↑ Wallace, Sam (11 March 2008). "Alonso left at home after Benítez tires of baby talk". The Independent. Праверана 2008-11-04.
  72. ↑ Thomas, Phil. That's yer tot, Alonso. The Sun (11 сакавіка 2008). Праверана 4 лістапада 2008.
  73. ↑ Martín, Luis. La paternidad de Xabi Alonso provoca un lío en Anfield (Xabi Alonso's fatherhood whips up a storm at Anfield) (ісп.). El Pais (12 сакавіка 2008). Праверана 4 лістапада 2008.
  74. ↑ Nagore Aranburu Alonso- Real Madrid player Xabi Alonso’s pretty wife. Fabwags.
  75. ↑ Xabi Alonso y Nagore Aramburu ya tienen la familia numerosa con el nacimiento de Emma(недаступная спасылка). Vanitatis. Архівавана з першакрыніцы 8 снежня 2013. Праверана 27 мая 2016.
  76. ↑ Ducker, James (25 March 2006). "Arteta puts friendship on hold as Everton eye Europe". London: The Times. Праверана 2008-08-14.
  77. ↑ Prentice, David. Mikel Arteta and Xabi Alonso's special bond put on hold in Everton-Liverpool derby. Liverpool Echo (26 верасня 2008). Праверана 4 лістапада 2008.
  78. ↑ Rice, Jimmy. Xabi Alonso: The Big Interview. Liverpool (18 студзеня 2007). Архівавана з першакрыніцы 18 верасня 2007. Праверана 15 жніўня 2008.
  79. ↑ Meath Kop big fan in Alonso. Sunday Mirror (20 студзеня 2008). Праверана 29 July 2014.
  80. ↑ Alonso: My son's a Red. Liverpool (4 красавіка 2011). Праверана 5 April 2011.(недаступная спасылка)
  81. ↑ GQ назвал Хаби Алонсо спортсменом года. pinkfootball.ru. Праверана 7 снежня 2013.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.