| Федэральная нацыянальна-культурная аўтаномія беларусаў Расіі | |
|---|---|
| Тып | грамадская арганізацыя |
| Год заснавання | 24 красавіка 1999 года |
| Размяшчэнне |
 Расія, Масква,вул. Новакузнецкая, д. 31 |
| Вэб-сайт | belros.org |
Федэра́льная нацыяна́льна-культу́рная аўтано́мія «Белару́сы Расі́і» (ФНКА) (руск.: Федеральная национально-культурная автономия «Белорусы России» (ФНКА)) — агульнарасійскае аб’яднанне беларускай дыяспары.
Стварэнне
Ідэя стварэння арганізацыі беларускай дыяспары ў Расіі, якая была бы лаяльнай да дзеючай улады Беларусі, узнікла ў 1997 годзе. 5 лютага 1997 года ў Мінску адбылася афіцыйная «нарада прадстаўнікоў беларускіх суполак» па пытанні правядзення З’езда беларусаў Расіі для ўтварэння агульнарасійскай арганізацыі беларусаў. Нарада адбывалася пад дахам грамадска-культурнага таварыства «Радзіма», якое ў савецкі час было прыдаткам структур КДБ па працы з дыяспарай.
2 красавіка 1999 года ў Маскве адбыўся Устаноўчы з’езд пры ўдзеле дэлегатаў ад рэгіянальных нацыянальна-культурных аўтаномій (РНКА) і грамадскіх арганізацый беларусаў Рэспублікі Комі, Рэспублікі Карэлія, Краснадарскага края і іншых. На З’ездзе прысутнічалі прадстаўнікі ўрадаў РФ і РБ. Зарэгістраваная 6 жніўня 1999 года.
Дзейнасць
2 кастрычніка 2002 года на Другім з’ездзе быў абраны новы Савет з 43 чалавек, прыняты Статут. Аўтаномія складаецца з 13 РНКА, якія ўключаюць больш за 70 арганізацый беларусаў.
У чэрвені 2011 года Аўтаномія перадала шэраг гісторыка-культурных каштоўнасцей у фонды Нацыянальнай бібліятэкі Беларусі і музея ў Нясвіжы[1].
Кіраўніцтва
- Францыск Каўрыга
- Валерый Казакоў (з 2010 года)