Архіепіскап Феадосій
Епіскап Полацкі і Глыбоцкі 10 жніўня 1997 — 30 жніўня 2019
Царква	Беларускі Экзархат Рускай праваслаўнай царквы
Папярэднік	Глеб (Савін)
Пераемнік	Ігнацій (Луковіч)
Адукацыя	Маскоўская духоўная акадэмія (1978) Маскоўская духоўная семінарыя[d] (1973)
Імя пры нараджэнні	Павел Захаравіч Більчанка
Нараджэнне	24 снежня 1943(1943-12-24) (80 гадоў) Батумі, Аджарская АССР[d], Грузінская ССР, СССР
Прыняцце свяшчэннага сану	архіепіскап
Епіскапская хіратонія	10 жніўня 1997
Узнагароды
Медыяфайлы на Вікісховішчы

Архіепіскап Феадосій (свецкае імя Павел Захаравіч Більчанка; нар. 24 снежня 1943, Батумі) — беларускі праваслаўны дзеяч, архіепіскап.

Біяграфія

Нарадзіўся ў горадзе Батумі ў сям’і вайскоўцаў. З 1960 па 1964 гады навучаўся ў Харкаўскім электрамеханічным тэхнікуме, па заканчэнні якога працаваў у Інстытуце нізкіх тэмператур, затым у Інстытуце радыёфізікі і электронікі Акадэміі навук УССР і адначасова вучыўся ў Харкаўскім педагагічным інстытуце, які скончыў у 1970 годзе. З 1967 па 1970 год працаваў у Кіеўскім аддзяленні інстытута «Энергосетьпроект».

У 1970 годзе паступіў у Маскоўскую духоўную семінарыю і праз тры гады быў прыняты ў Маскоўскую духоўную акадэмію, якую скончыў у 1978 годзе.

Па заканчэнні вучобы выкладаў гамілетыку і працаваў на пасадзе памочніка, а ў 1983 годзе — старэйшага памочніка інспектара МДАіС. З 1986 па 1997 гады паслядоўна займаў пасады памочніка інспектара па завочнаму сектару МДАіС, памочніка рэктара па выкладчыцкай працы, начальніка харчовай службы МДАіС. З 1996 года выкладаў гамілетыку ў Маскоўскай духоўнай акадэміі.

Пастановай Свяцейшага Патрыярха Маскоўскага і ўсяе Русі Аляксія II і Свяшчэннага Сінода ад 17 ліпеня 1997 года архімандрыту Феадосію (Більчанку) вызначана быць епіскапам Полацкім і Глыбоцкім.

9 жніўня 1997 года ў Полацкім кафедральным Свята-Богаяўленскім саборы пасля ўсяночнага трывання Мітрапаліт Мінскі і Слуцкі Філарэт, Патрыяршы Экзарх усяе Беларусі ў саслужэнні членаў Святога Сінода Беларускай Праваслаўнай Царквы здзейсніў нарачэнне архімандрыта Феадосія ў епіскапа Полацкага і Глыбоцкага.

10 жніўня 1997 года за Бажэственнай літургіяй у Свята-Багаяўленскім саборы Мітрапаліт Філарэт у саслужэнні Праасвяшчэнных, якія прымалі ўдзел у нарачэнні, здзейсніў хіратонію архімандрыта Феадосія ў епіскапа Полацкага і Глыбоцкага.

У лістападзе 2002 г. абараніў дысертацыю на ступень магістра багаслоўя.

24 лютага 2006 г. узведзены ў сан архіепіскапа.

Узнагароды

• 2003 г. — ордэн св. дабравернага князя Данііла Маскоўскага II ст.;
• 1988 г. — ордэн прп. Сергія Раданежскага II ст.;
• 1986 г. — ордэн прп. Сергія Раданежскага IІI ст.;
• ордэн прп. Еўфрасінні Полацкай (БПЦ);
• ордэн свц. Кірыла Тураўскага (БПЦ).
• Ганаровы грамадзянін г. Полацка (2007)

Спасылкі

• ФЕАДОСІЙ, АРХІЕПІСКАП ПОЛАЦКІ І ГЛЫБОЦКІ http://www.church.by/