Фатхі Башага
Прэм’ер-міністр Лівіі (аспрэчваецца)
22 лютага 2022 — 16 мая 2023
Папярэднік Абдэль Хамід Махамед Дбэйбе
Пераемнік Усама Хамада
Міністр унутраных спраў Урада нацыянальнай згоды Лівіі
3 верасня 2020 — 15 сакавіка 2021
Кіраўнік урада Фаіз Сарадж
Папярэднік Халід Ахмад Мазэн
Міністр унутраных спраў Урада нацыянальнай згоды Лівіі
7 кастрычніка 2018 — 28 жніўня 2020
Кіраўнік урада Фаіз Сарадж
Папярэднік Абдусалам Ашур
Пераемнік Халід Ахмад Мазэн
Нараджэнне 20 жніўня 1962(1962-08-20) (61 год)
Дзейнасць ваенны, палітык, дзяржаўны служачы
Гады службы  
Лагатып Вікісховішча Медыяфайлы на Вікісховішчы

Фатхі Алі Абдул Салам Башага (араб. فتحي علي عبد السلام باشآغا‎‎; нар. 20 жніўня 1962, Місурата, Каралеўства Лівія) — міністр унутраных спраў Урада нацыянальнай згоды Лівіі. У студзені 2022 года прызначаны кіраўніком Кабінета міністраў, што вымусіла яго ўступіць у канфлікт з Абдэлем Дбэйбе.

Біяграфія

Башага нарадзіўся 20 жніўня 1962 года[1] ў горадзе Місурата, Каралеўства Лівія[2]. Мае турэцкае паходжанне[3].

У 1984 годзе скончыў авіяцыйны каледж Місураты, а ў наступным годзе стаў лётным трэнерам, спецыялізаваўся на знішчальніках. Прапрацаваўшы амаль дзесяць гадоў трэнерам, у 1993 годзе ён пакінуў ваенна-паветраныя сілы, а потым стварыў камерцыйную фірму[1].

З пачаткам грамадзянскай вайны ў Лівіі ў 2011 годзе далучыўся да паўстанцаў. У 2012 годзе стаў членам скандальнай групоўкі Саветы шуры Місураты, удзельнічаў у некаторых вайсковых аперацыях. У 2013 годзе балаціраваўся на пост міністра абаронаў, але не змог атрымаць гэтую пасаду[4].

У 2014 годзе Башагу абралі дэпутатам Палаты прадстаўнікоў ад горада Місурата. У 2015 годзе ён быў прызначаны старшынёй Савета абароны і нацыянальнай бяспекі ўрада Аль-Вефак. У 2016 годзе Башага знаходзіўся ў парламенцкім камітэце па палітычным дыялогу. У кастрычніку 2018 года кіраўніцтва УНЗ на чале з прэм’ерам Фаізам Сараджам прызначыла яго на пасаду міністра ўнутраных спраў[5]. На сваім пасту Башага спрабаваў стварыць прафесійныя паліцэйскія сілы для Лівіі і рэарганізаваць групы апаўчэнцаў, якія належалі УНЗ.[6][7].

28 жніўня 2020 года Башага быў зняты з пасады міністра ўнутраных спраў з-за пратэстаў у Трыпалі[8]. Аднак ужо 3 верасня быў адноўлены[9].

У сакавіку 2021 года заявіў, што будзе ўдзельнічаць у прэзідэнцкіх выбарах[10].

20 лютага 2022 года Палата прадстаўнікоў прызначыла Башагу прэм’ер-міністрам замест Абдэля Дбэйбе. Апошні адхіляе гэтае прызначэнне[11]. Вакол Башагі фарміруецца Урад нацыянальнай стабільнасці. Орган размяшчаецца ў г. Сірт[12]. 16 мая 2023 года Башага страціў сваю пасаду кіраўніка Урад нацыянальнай стабільнасці[13].

Зноскі

  1. 1 2 https://monitoring.bbc.co.uk/product/c200k11n
  2. ↑ https://www.al-monitor.com/pulse/originals/2020/08/libya-serraj-bashagha-tripoli-gna-hafter.html
  3. ↑ Tastekin, Fehim. Are Libyan Turks Ankara's Trojan horse? (26 жніўня 2019). Архівавана з першакрыніцы 17 чэрвеня 2020. Праверана 15 September 2019.
  4. ↑ https://www.afrigatenews.net/article/من-هو-باشاغا-مرشح-وزارة-الداخلية-بحكومة-الوفاق/
  5. ↑ http://alwasat.ly/news/libya/222500
  6. ↑ Wehrey, Frederic (19 March 2019). A Minister, a General, & the Militias: Libya's Shifting Balance of Power. The New York Review of Books.
  7. ↑ Zaptia, Sami (16 February 2019). Bashagha recognises Haftar's role. Libya Herald.
  8. ↑ Influential Libyan interior minister suspended amid protests. Reuters. Published 28 August 2020.
  9. ↑ Libyan interior minister restored to post after talks. Reuters. Published 3 September 2020.
  10. ↑ Libye: «La seule compétition acceptable doit être démocratique»
  11. ↑ "Libya rifts deepen as new PM named, incumbent refuses to yield". Reuters. 10 February 2022. Праверана 10 February 2022.
  12. ↑ Zaptia, Sami (8 June 2022). "Bashagha government is to resume its work from the city of Sirte". Libya Herald. Праверана 28 August 2022.
  13. ↑ Libya parliament suspends rival eastern-based PM Bashagha (англ.). www.aljazeera.com. Праверана 31 мая 2023.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.