Факультэт міжнародных адносін
Беларускі дзяржаўны ўніверсітэт
Эмблема
Англійская назва Faculty of International Relations
Заснаваны 1995
Дэкан Алена Анатольеўна Дастанка
Месцазнаходжанне  Беларусь, Мінск
fir.bsu.by
Таблічка ФМА БДУ

Факультэт міжнародных адносін Беларускага дзяржаўнага ўніверсітэта — структурнае падраздзяленне Беларускага дзяржаўнага ўніверсітэта, якое рыхтуе спецыялістаў у наступных накірунках: міжнародныя адносіны, міжнароднае права, сусветная эканоміка, менеджмент са спецыялізацыяй менеджмент у сферы міжнароднага турызму, мытная справа, лінгвакраіназнаўства, сучасныя замежныя мовы, культуралогія.

Гісторыя

У 1992 годзе на гістарычным факультэце БДУ была створана кафедра міжнародных адносін, а на юрыдычным факультэце — кафедра міжнароднага права. 1 кастрычніка 1995 года на іх аснове сфарміраваны факультэт міжнародных адносін. 1 снежня таго ж года на факультэце створаны кафедры міжнародных эканамічных адносін, англійскай мовы (з 2001 года падзелена на дзве: гуманітарных і эканамічных спецыяльнасцей) і рамана-германскіх моў, 1 верасня 1996 года да іх дадаліся кафедра ўсходніх моў і кафедра дыпламатычнай і консульскай службы. У кастрычніку 1998 года створана кафедра міжнароднага турызму, а ў жніўні 2000 года — кафедра мытнай справы і кафедра міжнароднага прыватнага і еўрапейскага права, а з верасня ў склад факультэта ўключана кафедра тэорыі і методыкі выкладання рускай мовы як замежнай. У 2004 годзе падчас рэарганізацыі Міжнароднага гуманітарнага інстытута БДУ ў склад факультэта міжнародных адносін увайшлі кафедры сацыяльна-гуманітарных навук, культуралогіі і сучасных замежных моў (у складзе факультэта да сакавіка 2009 года, калі першая была расфарміравана, а астатнія дзве ўвайшлі ў склад гуманітарнага факультэта)[1].

У канцы 2003 года на базе кафедры ўсходніх моў факультэта быў адкрыты Рэспубліканскі цэнтр кітаязнаўства «Іерогліф»[1] (з 2006 года інстытут імя Канфуцыя. У 2009 годзе пры факультэце адкрыты Цэнтр карэезнаўства.

Структура

Кафедры

  • міжнародных адносін
  • дыпламатычнай і консульскай службы
  • міжнароднага права
  • міжнароднага прыватнага і еўрапейскага права
  • міжнародных эканамічных адносін
  • міжнароднага турызму
  • мытнай справы
  • усходніх моў
  • англійскай мовы гуманітарных спецыяльнасцей
  • англійскай мовы эканамічных спецыяльнасцей
  • германскіх моў
  • раманскіх моў
  • тэорыі і методыкі выкладання рускай мовы як замежнай

Цэнтры і лабараторыі

  • Цэнтр міжнародных даследаванняў
  • Інфармацыйна-аналітычны цэнтр
  • Лабараторыя інфарматыкі
  • Кабінет тэхнічных сродкаў навучання

Міжнароднае супрацоўніцтва

Факультэт міжнародных адносін БДУ ажыццяўляе сумесныя навуковыя і навучальныя праекты з наступнымі вышэйшымі навучальнымі ўстановамі[2]:

  • Маскоўскі дзяржаўны інстытут міжнародных адносін (універсітэт) Міністэрства замежных спраў Расійскай Федэрацыі
  • Расійскі ўніверсітэт дружбы народаў
  • Інстытут правоў чалавека і гуманітарнага права імя Р. Валенберга, Лундскі ўніверсітэт (Швецыя)
  • Саратаўскі дзяржаўны ўніверсітэт імя М. Г. Чарнышэўскага (Расія)
  • Інстытут міжнародных адносін Кіеўскага нацыянальнага ўніверсітэта імя Т. Шаўчэнкі (Украіна)
  • Ерэванскі дзяржаўны ўніверсітэт (Арменія)
  • Акадэмія экспарту зямлі Бадэн-Вюртэмберг (Германія)
  • Талінскі тэхнічны ўніверсітэт (Эстонія)
  • Балтыйская міжнародная акадэмія (Латвія)
  • Інстытут міжнародных адносін Міністэрства замежных спраў КНР
  • Інстытут Т. М. С. Ассера (Нідэрланды)
  • Міжнародны інстытут па ўніфікацыі прыватнага права (УНІДРУА)
  • Універсітэт г. Каіра (Егіпет)
  • Універсітэт Васэда (Японія)
  • Універсітэт г. Чхунбук (Рэспубліка Карэя)
  • Інстытут міжнародных даследаванняў Вроцлаўскага ўніверсітэта (Польшча)
  • Інстытут міжнародных адносін і паліталогіі Віленскага ўніверсітэта (Літва)
  • Універсітэт Міколаса Ромерыса (Літва)
  • Універсітэт імя Мацея Бела (Славакія)
  • Браціслаўскі ўніверсітэт імя Каменіюс (Славакія)
  • Пултуская гуманітарная акадэмія імя А. Гейштора (Польшча)
  • Жэнеўскі цэнтр па дэмакратычным кантролі за ўзброенымі сіламі (Швейцарыя)

Кожны год у замежных часопісах і навуковых зборніках выдаецца звыш ста навуковых прац выкладчыкаў факультэта. На навуковых канферэнцыях супрацоўнікі факультэта робяць у год каля 150 дакладаў, з іх добрую палову — за мяжой. Міжнародная канферэнцыя «Беларусь у сучасным свеце» стала традыцыйнай[2].

Дэканы

Зноскі

  1. 1 2 Гісторыя ФМА(недаступная спасылка). Архівавана з першакрыніцы 20 чэрвеня 2009. Праверана 29 студзеня 2012.
  2. 1 2 Міжнароднае супрацоўніцтва на факультэце міжнародных адносін(недаступная спасылка)

Літаратура

  • А. Мінаўка. Беларускі Дзяржаўны Універсітэт: Агульнае мовазнаўства. Мн., 1999

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.