Эвертан
Поўная назва Everton Football Club
Мянушкі Ірыскі
Заснаваны 1878
Горад Ліверпул, Англія
Стадыён Гудысан Парк
Умяшчальнасць: 40 157
Уладальнік Фарад Машыры[d]
Галоўны трэнер
Чэмпіянат Прэм’ер-ліга
2022/23 17 месца
Сайт evertonfc.com (англ.)
Форма
Асноўная
форма
Форма
Гасцявая
форма
Форма
Рэзервовая
форма

«Эвертан» (англ.: Everton Football Club) — англійскі футбольны клуб з горада Ліверпул. Клуб выступае ў англійскай Прэм’ер-лізе. У вышэйшай лізе краіны правёў найбольшую колькасць сезонаў. 9-разовы чэмпіён Англіі. Эвертан гуляе ў вышэйшым дывізіёне з 1954 года і з’яўляецца адным з заснавальнікаў Прэм’ер-лігі ў 1992 годзе. Клуб быў створаны ў 1878 годзе, стаўшы членам-заснавальнікам Футбольнай лігі па футболе ў 1888 годзе. Сваёй першай перамогі клуб дасягнуў праз два сезоны. Пасля чатырох чэмпіёнскіх тытулаў і дзвюх перамог у розыгрышы Кубка Англіі, «Эвертан» зведаў некаторае зацішша ў гады пасля Другой сусветнай вайны, а потым два перыяды адраджэння ў 1960-х гадах, калі клуб дамогся дзвюх перамог у чэмпіянаце і адной у кубку. У сярэдзіне 1980-х клуб перажыў апошні перыяд поспеху: «Эвертан» двойчы перамог у чэмпіянаце, стаў уладальнікам Кубка Англіі і ўладальнікам у 1985 годзе свайго першага кантынентальнага трафея — Кубка ўладальнікаў Кубкаў. Апошнім трафеем клуба застаецца перамога ў Кубку Англіі 1995 года.

Прыхільнікаў клуба называюць «эвертаніянамі» (англ.: Evertonians). «Эвертан» мае вялікую колькасць заўзятараў, рэгулярна прыцягваючы на стадыён у сярэднім па 36 тысяч чалавек за гульню, што складае 95 % ад агульнай ёмістасці стадыёна[1]. «Эвертан» мае прыкметнае суперніцтва з суседзямі «Ліверпулам», матчы паміж абодвума клубамі называюць Мерсісайдскім дэрбі. «Ліверпул» быў сфарміраваны ў 1892 годзе адрынутай групай, якая складалася з экс-прэзідэнта «Эвертана» і некалькіх ігракоў. Канфлікт паміж бакамі прывёў да сыходу «Эвертана» з «Энфілда», цяперашняга стадыёна «Ліверпула», які на той час з’яўляўся хатняй арэнай «Эвертана».

Гісторыя

Заснаванне

«Эвертан» быў заснаваны ў 1878 годзе пры англіканскай царкве Святога Дамінга ў раёне Ліверпула Эвертан[2]. Пачынаючы з 1876 года, прыхаджане царквы летам гулялі ў крыкет, але ў яго было немагчыма гуляць зімой, таму яны звярнулі свой ​​погляд на футбол. Першапачаткова клуб атрымаў назву «Сент-Дамінга» (англ.: St. Domingo’s Football Club), але неўзабаве стаў прыцягваць цікавасць людзей, якія жывуць не толькі каля царквы, з-за чаго ў лістападзе 1879 года на сходзе ў гатэлі «Queen’s Head» было прынята рашэнне аб перайменаванні клуба ў «Эвертан».

Свае першыя матчы «Эвертан» гуляў на полі Стэнлі Парку, але калі колькасць гледачоў, якія хадзілі на матчы клуба, стала імкліва расці, клуб быў вымушаны пераехаць на новы стадыён, і ў 1882 годзе ім стаў «Праеры Роўд». Аднак праз нейкі час уладальнік поля, якому не падабалася, што ў дні матчаў заўзятары занадта шумяць, папрасіў каманду пакінуць яго, і прэзідэнт клуба Джон Хоўлдынг за невялікую суму арандаваў дзялянку зямлі на «Энфілд Роўд» у свайго сябра Джона Орэла. Першы свой матч на «Энфілдзе» клуб правёў 28 верасня 1884 года супраць клуба «Эрлзтаўн» і атрымаў перамогу з лікам 5:0.

Футбольная ліга

«Эвертан» у 1891 годзе

У 1888 годзе «Эвертан» увайшоў у лік заснавальнікаў Футбольнай лігі. Першы сезон склаўся для каманды не вельмі ўдала, і «Эвертан» заняў толькі восьмае месца, але ўжо ў наступным годзе «Эвертан» стаў другім, а яшчэ праз год клуб упершыню ў сваёй гісторыі стаў чэмпіёнам Англіі.

Тым часам Хоўлдынг, які да таго часу быў ужо ўладальнікам стадыёна, стаў спрабаваць усё больш і больш нажывацца на «Эвертане», падвысіўшы кошт арэнды клубам стадыёна[3]. У выніку аднаго з сходаў футбольнага клуба было вырашана, што Хоўлдынг будзе звольнены, а «Эвертан» пакіне «Энфілд» і перабярэцца на «Гудысан Парк». Хоўлдынг і Орэл жа, застаўшыся са стадыёнам, але без клуба, вырашылі стварыць новы клуб — «Ліверпул». Апошні свой матч на «Энфілдзе» «Эвертан» згуляў 18 красавіка 1892 года супраць «Болтана».

Пасля пераезду на «Гудысан Парк» «Эвертану» чатыры разы ўдалося дасягнуць фіналу Кубка Англіі да Першай сусветнай вайны — у 1893, 1897, 1906 і 1907 гадах. Але скарыўся «Эвертану» трафей толькі аднойчы. 21 красавіка 1906 года «Эвертан» здолеў перамагчы «Ньюкасл Юнайтэд» з лікам 1:0. Астатнія тры фіналы былі прайграны «Вулверхэмптану», «Астан Віле» і «Шэфілд Уэнсдэй» адпаведна.

Другі тытул чэмпіёна краіны «Эвертан» здолеў заваяваць у сезоне 1914/15, які стаў апошнім перад Першай сусветнай вайной.

Стадыён

Гудысан Парк

Першапачаткова «Эвертан» гуляў на полі Стэнлі Парку. Паступова колькасць гледачоў, якія прыходзілі на матчы клуба, расла. Да 1882 года іх лік перавышаў 2 тысячы чалавек, у выніку чаго «Эвертан» пераехаў на «Праеры Роўд», аднак ужо праз год новым стадыёнам клуба стаў «Энфілд». На «Энфілдзе» «Эвертан» гуляў да 1892 года, пакуль прэзідэнт клуба і ўладальнік стадыёна Джон Хоўлдынг ва ўласных інтарэсах не вырашыў павысіць арэндавы кошт поля. Неўзабаве пасля гэтага «Эвертан» пераехаў на новы стадыён «Міер Грын», які потым быў перайменаваны ў «Гудысан Парк». Джон Хоўлдынг жа стаў ініцыятарам узнікнення новага клуба — «Ліверпул».

«Гудысан Парк» стаў першым стадыёнам у Англіі, прызначаным толькі для футбола[4]. У 1966 годзе стадыён прыняў пяць матчаў чэмпіянату свету. Ніводзін іншы стадыён, за выключэннем «Уэмблі», не прымаў гэтак шмат гульняў чэмпіянату. Умяшчальнасць «Гудысан Парку» складае 40 157 чалавек, а памеры поля — 112×78 метраў.

Дасягненні

Склад

Станам на люты 2024 года.

№ Паз. Імя Нар.
1 Англія Бр Джордан Пікфард 1994
2 Шатландыя Аб Нейтан Патэрсан 2001
5 Англія Аб Майкл Кін 1993
6 Англія Аб Джэймс Таркоўскі 1992
7 Англія Нап Дуайт Мак-Ніл 1999
8 Бельгія ПА Амаду Анана 2001
9 Англія Нап Дамінік Кэлверт-Льюін 1997
10 Нідэрланды Нап Арно Данжума 1997
11 Англія Нап Джэк Гарысан 1996
12 Партугалія Бр Жуан Віржынія 1999
14 Партугалія Нап Бету 1998
16 Малі ПА Абдулай Дукурэ 1993
18 Англія Аб Эшлі Янг 1985
№ Паз. Імя Нар.
19 Украіна Аб Віталь Міколенка 1999
20 Англія ПА Дэле Алі 1996
21 Партугалія ПА Андрэ Гоміш 1993
22 Англія Аб Бен Годфры 1998
23 Ірландыя Аб Шэймус Коўлман (капітан) 1988
27 Сенегал ПА Ідрыса Гее 1989
28 Партугалія Нап Юсеф Шэрміты 2004
31 Англія Бр Эндзі Лонерган 1983
32 Англія Аб Джарэд Брантуэйт 2002
37 Англія ПА Джэймс Гарнер 2001
43 Англія Бр Білі Крэлін 2000
61 Англія Нап Льюіс Добін 2003
62 Англія ПА Тайлер Аньянга 2003

Вядомыя ігракі

  • Францыя Давід Жыналя
  • Францыя Аліўе Дакур
  • Ірландыя Кевін Шыдзі
  • Шатландыя Данкан Фергюсан
  • Шатландыя Алекс Янг
  • Уэльс Невіл Саўтгол
  • Уэльс Кевін Рэткліф

Рэкардсмены

Па колькасці гульняў за «Эвертан»:

  • Уэльс Невіл Саўтгол — 750 гульняў (1981—1998)
  • Англія Браян Лабаўн — 534 гульні (1958—1971)
  • Англія Дэйв Уотсан — 528 гульняў (1986—2001)
  • Англія Тэд Сагар — 497 гульняў (1929—1953)
  • Уэльс Кевін Рэткліф — 423 гульні (1980—1992)

Па колькасці забітых мячоў за «Эвертан»:

  • Англія Дзіксі Дзін — 383 мячы (1925—1937)
  • Шатландыя Грэм Шарп — 159 мячоў (1980—1991)
  • Англія Боб Лэтчфорд — 138 мячоў (1974—1981)
  • Англія Алекс Янг — 125 мячоў (1960—1968)
  • Англія Джо Ройл — 119 мячоў (1966—1974)

Крыніцы

  1. ↑ "ToffeeWeb — Seasonal Comparisons, 2005-06". Toffeeweb.
  2. ↑ The Everton Story. 1878—1930 Архівавана 27 верасня 2007.. Афіцыйны сайт ФК «Эвертан».
  3. ↑ Everton History — Part I. ToffeeWeb.
  4. ↑ History of Goodison Park. ToffeeWeb.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.