Крылы Саветаў
Krylia Sovetov logo.png
Поўная назва ЗАО «Профессинальный футбольный клуб „Крылья Советов“»
Заснаваны 1942
Горад Самара, Расія
Стадыён Самара Арэна
Умяшчальнасць: 45 000
Уладальнік Самарская вобласць
Галоўны трэнер
Чэмпіянат Прэм’ер-ліга
2022/23 12 месца
Сайт Афіцыйны сайт
Форма
Асноўная
форма
Форма
Гасцявая
форма

«Крылы Саветаў» (руск.: Крылья Советов) — расійскі футбольны клуб з горада Самара. Заснаваны ў 1942 годзе. Бронзавы прызёр чэмпіянату Расіі 2004 года. Да 2014 года быў адзіным немаскоўскім клубам, які ўдзельнічаў ва ўсіх розыгрышах найвышэйшай лігі, разам з ЦСКА, «Спартаком», «Дынама» і «Лакаматывам». З улікам чэмпіянатаў СССР клуб больш за 45 сезонаў правёў у элітных дывізіёнах расійскага футбола. Першая каманда, якая ў чэмпіянаце Расіі па футболе дасягнула мяжы ў 500 згуляных матчаў[1]. Таксама «Крылы Саветаў» першым з расійскіх футбольных клубаў дасягнуў адзнакі ў 600 згуляных матчаў у найвышэйшым дывізіёне расійскіх першынстваў 1 жніўня 2011 года матчам на хатнім стадыёне супраць пермскага «Амкара».

Гісторыя

1942—1990

У пачатку 1942 года старшыня цэнтральнага камітэта прафсаюза авіяцыйнай галіны Васерман напісаў ліст наркаму авіяпрамысловасці Шахурыну з просьбай арганізаваць перавод у Маскву 27 былых сталічных футбалістаў, якія апынуліся ў эвакуацыі ў Молатаве і Куйбышаве. 12 красавіка намеснік наркама Дзяменцьеў вырашыў, што было за лепшае стварыць моцную футбольную каманду ў Куйбышаве і Молатаве, не выклікаючы ў Маскву найлепшых.

Гэтак дзякуючы гэтаму лісту з працаўнікоў маскоўскіх «Завода імя Фрунзэ», «Авіяцыйнага завода № 1» імя Сталіна, варонежскага «завода № 18 імя Варашылава», а таксама авіяцыйных прадпрыемстваў, эвакуіраваных у Куйбышаў з Мінска і Данецка была заснавана каманда «Крылы Саветаў». Першы свой матч яна правяла ўжо 3 мая 1942 года. 30 ліпеня 1944 года адбыўся дэбют «Крылаў Саветаў» у Кубку СССР. У матчы 1/16 фінала «Крылы Саветаў» саступілі футбалістам маскоўскага «Лакаматыва» з лікам 1:5.

Першую гульню на першынство СССР (2-я група) «Крылы Саветаў» правялі на куйбышаўскім стадыёне «Лакаматыў» 3 чэрвеня 1945 года супраць каманды «Тарпеда» (Горкі) і завяршылі яе ўнічыю з лікам 1:1. Гол, які стаў для «Крылаў Саветаў» першым у чэмпіянатах СССР, забіў Пётр Бурмістраў. У другім матчы «Крылы Саветаў» дома атрымалі перамогу над ленінградскім «Спартаком» 3:0, а затым перамаглі з лікам 2:1 «Балтфлот». Потым былі выязныя перамогі ў Новасібірску, Чалябінску, Свярдлоўску і Молатаве. «Крылы Саветаў» выйшлі ў лідары групы, а за адзін тур да заканчэння чэмпіянату абыграўшы адэскі «Харчавік» 5:1, забяспечылі сабе выхад у першую групу.

21 красавіка 1946 года ў Алма-Аце «Крылы Саветаў» правялі свой першы матч у найвышэйшым дывізіёне СССР і саступілі ленінградскаму «Зеніту» з лікам 1:2.

1991—1998

Пасля спынення існавання СССР «Крылы Саветаў» засталіся ў найвышэйшай лізе. Самарскі клуб дэбютаваў у чэмпіянаце Расіі ў Маскве 29 сакавіка 1992 года ў матчы супраць сталічнага «Спартака» (0:5). Сваю першую перамогу ў чэмпіянаце Расіі «Крылы Саветаў» атрымалі 12 красавіка 1992 года ў хатнім матчы супраць пецярбургскага «Зеніта» з лікам 1:0, гол забіў Аляксандр Цыганкоў. 7 верасня 1992 года ў гасцявым матчы супраць стаўрапольскага «Дынама» «Крылы Саветаў» пацярпелі паражэнне з лікам 0:2, але за ўдзел дыскваліфікаванага футбаліста ў складзе «Дынама» гаспадарам была залічана тэхнічнае паражэнне — 0:3. Гэтак была «здабыта» першая перамога «Крылаў Саветаў» на чужым полі.

Склад

Станам на люты 2024 года.

№ Паз. Імя Нар.
1 Расія Бр Іван Ламаеў 1999
4 Расія Аб Аляксандр Салдацянкоў (капітан) 1996
5 Расія Аб Юрый Гаршкоў 1999
6 Расія ПА Сяргей Бабкін 2002
7 Расія Нап Дзмітрый Цыпчанка 1999
8 Расія ПА Максім Віцюгоў 1998
9 Расія ПА Уладзімір Хубулаў 2001
10 Аргенціна Нап Бенхамін Гарэ 2000
11 Расія ПА Раман Яжоў 1997
14 Расія ПА Мікіта Салтыкоў 2004
15 Расія Аб Мікалай Расказаў 1998
17 Беларусь Нап Ягор Карпіцкі 2003
18 Расія ПА Дзяніс Якуба 1996
19 Расія Нап Мікіта Хлусаў 2000
20 Боснія і Герцагавіна ПА Амар Рахманавіч 1994
21 Украіна ПА Дзмітрый Іванісеня 1994
22 Бразілія Аб Фернанду Кастанца 1998
№ Паз. Імя Нар.
23 Нідэрланды Аб Глен Бейл 1995
24 Расія Аб Раман Яўгеньеў 1999
25 Беларусь Аб Кірыл Пячэнін 1997
30 Расія ПА Арцём Сакалоў 2003
31 Расія Аб Георгій Зотаў 1990
32 Аргенціна Нап Франка Ароска 2002
33 Расія Аб Аляксей Лысоў 2005
39 Расія Бр Яўген Фралоў 1988
41 Расія ПА Ягор Ушакоў 2002
65 Расія ПА Ілья Грыбакін 2004
72 Расія Аб Уладзіслаў Цеплякоў 2004
73 Расія Нап Уладзіслаў Шытаў 2003
76 Расія ПА Іван Бабёр 2006
77 Расія Нап Уладзімір Пісарскі 1996
81 Расія Бр Багдан Аўсяннікаў 1999
95 Расія Аб Ілья Гапонаў 1997

Галоўныя трэнеры

  • Віктар Новікаў (1945—1946)
  • Аляксандр Абрамаў (1947—1952)
  • Пётр Бурмістраў (1953—1954)
  • Вячаслаў Салаўёў (1954—1957)
  • Аляксандр Абрамаў (1958—1960)
  • Віктар Карпаў (1961—1969)
  • Усевалад Блінкоў (1969—1971)
  • Генадзь Сарычаў (1972)
  • Віктар Кірш (1973—1977)
  • Аляксандр Гулеўскі (1978)
  • Віктар Кірш (1979)
  • Альфрэд Фёдараў (1980)
  • Барыс Стральцоў (1981)
  • Генадзь Сарычаў (1981—1985)
  • Валяр’ян Панфілаў (1985)
  • Віктар Лукашэнка (1986—1988)
  • Віктар Анціховіч (1989—1993)
  • Валерый Багданаў (1994)
  • Анатоль Кікін (1994)
  • Аляксандр Авяр’янаў (1994—1998)
  • Аляксандр Тарханаў (1999—2003)
  • Гаджы Гаджыеў (2003—2006)
  • Сяргей Аборын (2007)
  • Аляксандр Тарханаў (2007)
  • Леанід Слуцкі (2008—2009)
  • Юрый Газаеў (2009—2010)
  • Аляксандр Тарханаў (2010—2011)
  • Андрэй Кобелеў (2011—2012)
  • Гаджы Гаджыеў (2012—2013)
  • Аляксандр Цыганкоў (2013—2014)
  • Уладзімір Кухлеўскі (2014)
  • Франк Веркотэрэн (2014—2016)
  • Вадзім Скрыпчанка (2016—2017)
  • Андрэй Ціханаў (2017—2018)
  • Міядраг Божавіч (2018—2020)
  • Андрэй Талалаеў (2020)
  • Ігар Осінькін (з 2020 года)

Крыніцы

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.