Усевалад Яраславіч
Князь пераяслаўскі
1054 — 1073
Князь чарнігаўскі
1073 — 1078
Папярэднік Святаслаў Яраславіч
Пераемнік Уладзімір Усеваладавіч Манамах
Сцяг Вялікі князь кіеўскі
1076 — 1077
Папярэднік Святаслаў Яраславіч
Пераемнік Ізяслаў Яраславіч
1078 — 1093
Папярэднік Ізяслаў Яраславіч
Пераемнік Святаполк Ізяславіч
Нараджэнне 1030(1030)
Смерць 13 красавіка 1093(1093-04-13)
Вышгарад
Месца пахавання
Род Рурыкавічы
Бацька Яраслаў Уладзіміравіч Мудры
Маці Інгегерда
Жонка 1) Манамахіня 2) палавецкая князёўна (?)
Дзеці

ад 1-га шлюбу: Уладзімір Манамах, Ганна;

ад 2-га шлюбу: Расціслаў, Еўпраксія, Кацярына, Марыя
Дзейнасць палітык
Лагатып Вікісховішча Медыяфайлы на Вікісховішчы

Усевалад Яраславіч (у хрышчэнні Андрэй; 1030 — 13 красавіка 1093) — князь тураўскі, вялікі князь кіеўскі (1077, 1078—93).

Біяграфічныя звесткі

Сын Яраслава Мудрага, бацька Уладзіміра Усеваладавіча Манамаха. Пасля смерці бацькі (1054) ад старэйшых братоў Ізяслава і Святаслава атрымаў Пераяслаўскае княства, Верхняе Паволжа, Растова-Суздальскую і Белазёрскую землі, у 1060 — частку Смаленскага княства. У 1060 у паходзе трох Яраславічаў на торкаў прымаў удзел і полацкі князь Усяслаў Брачыславіч. У 1066 у адказ на разгром Усяславам Ноўгарада Яраславічы арганізавалі сумесны паход на Полацкую зямлю, разбілі Усяслава ў Нямігскай бітве (1067), захапілі Менск. У 1073 саюз Яраславічаў распаўся, Усевалад Яраславіч дапамог Святаславу выгааць з Кіева Ізяслава і замяніў свае ўладанні на Чарнігаўскае княства і Тураўскае княства. Пасля смерці Святаслава 1.1.1077 стаў вялікім князем кіеўскім, але хутка быў вымушаны на год саступіць трон Ізяславу. Пасля таго, як другі раз стаў вялікім князем (1078), частку сваіх уладанняў раздаў сваякам; Тураўская зямля адышла Яраполку Ізяславічу (паводле «Аповесці мінулых гадоў») або Давыду Ігаравічу (паводле В. Тацішчава).

Адзін з найбольш адукаваных князёў, ведаў 5 моў. Разам з братамі склаў т.зв. «Праўду Яраславічаў» (гл. «Руская праўда»).

Гл. таксама

Зноскі

    Літаратура

    Спасылкі

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.