Усевалад Іларыёнавіч Пудоўкін
Дата нараджэння	16 (28) лютага 1893[1] ці 16 лютага 1893(1893-02-16)[2]
Месца нараджэння	Пенза, Пензенская губерня, Расійская імперыя[3]
Дата смерці	30 чэрвеня 1953(1953-06-30)[3][4][…] (60 гадоў)
Месца смерці	Масква, РСФСР, СССР[3] ці Юрмала, Латвійская ССР, СССР
Месца пахавання	Новадзявочыя могілкі
Грамадзянства	Расійская імперыя  РСФСР  СССР
Адукацыя	МДУ Усерасійскі дзяржаўны ўніверсітэт кінематаграфіі імя С. А. Герасімава (1925) 6-я Маскоўская гімназія[d]
Месца працы	Mezhrabpom-Rus[d] Усерасійскі дзяржаўны ўніверсітэт кінематаграфіі імя С. А. Герасімава Масфільм
Прафесія	акцёр, кінарэжысёр, сцэнарыст, пісьменнік, кінаакцёр, рэжысёр, педагог, публіцыст
Кірунак	ігравое кіно
Прэміі
Узнагароды
IMDb	ID 0699877
Медыяфайлы на Вікісховішчы

Усевалад Іларыёнавіч Пудоўкін (руск.: Все́волод Илларио́нович Пудо́вкин, 28 лютага 1893, Пенза — 30 чэрвеня 1953, Юрмала) — савецкі кінарэжысёр, акцёр, сцэнарыст, мастак кіно, педагог, тэарэтык кіно. Народны артыст СССР (1948), лаўрэат трох Сталінскіх прэмій (1941, 1947, 1951).

Біяграфія

Скончыў Маскоўскі ўніверсітэт у 1914 годзе, у 1922-24 гадах вучыўся ў Дзяржкінашколе. Першыя пастаноўкі — «Шахматная гарачка» (1925, разам з Мікалаем Шпікоўскім) і «Механіка галаўнога мозга» (1926). Стварыў этапную для савецкага кіно трылогію: «Маці» (1926), «Канец Санкт-Пецярбурга» (1927), «Нашчадак Чынгісхана» (1928) з драматычнымі масавымі сцэнамі, паэтычнымі вобразамі, псіхалагічная распарцоўкай характараў. Сярод іншых фільмаў: «Просты выпадак» (1932), «Дэзерцір» (1933), «Перамога» (1938), «Мінін і Пажарскі» (1939, з Міхаілам Долерам), «Сувораў» (1941), «Адмірал Нахімаў» (1947), «Жукоўскі» (1950, з Дзмітрыем Васільевым), «Вяртанне Васіля Бортнікава» (1953). Выступаў і як кінаакцёр. Распрацаваў сістэму работы з акцёрам і непрафесійным выканаўцам паводле сістэмы Канстанціна Станісалўскага.

Аўтар кніг «Кінарэжысёр і кінаматэрыял», «Кінасцэнарый. Тэорыя сцэнарыя» (абедзве 1926), «Акцёр у фільме» (1934).

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Зноскі