Уладзіслаў Хавалыг
тув.: Владислав Товарищтай оглу Ховалыг
кіраўнік Рэспублікі Тыва[d]
з 7 красавіка 2021
Папярэднік Шалбан Валер’евіч Кара-оал
кіраўнік Кызыла[d]
30 ліпеня 2008 — 1 лістапада 2018
Папярэднік Дзмітрый Дорын[d]
Пераемнік Карым Байлак-оалавіч Саган-оал[d]
Нараджэнне 24 снежня 1967(1967-12-24) (56 гадоў)
Партыя
Адукацыя
Прафесія юрыст
Дзейнасць палітык
Узнагароды
ордэн Дружбы
Лагатып Вікісховішча Медыяфайлы на Вікісховішчы

Уладзісла́ў Таварышчта́явіч Хавалы́г (тув.: Владислав Товарищтай оглу Ховалыг; нар. 24 снежня 1967, Тээлі, Тувінская АССР, РСФСР, СССР) — расійскі дзяржаўны дзеяч. Часовы выканаўца абавязкаў кіраўніка Рэспублікі Тыва з 7 красавіка 2021 года[1]. 19 верасня 2021 года выйграў выбары і быў абраны на гэту пасаду на 5 наступных гадоў. Член Усерасійскай палітычнай партыі «Адзіная Расія».

Кіраўнік горада Кызыла (30 ліпеня 2008 — 1 лістапада 2018). Міністр зямельных і маёмасных адносін Рэспублікі Тыва (2007—2008).

Біяграфія

Нарадзіўся ў сяле Тээлі Тувінскай АССР 24 снежня 1967 года.

У 1986—1988 гадах праходзіў тэрміновую службу ў радах Узброеных сіл СССР. У 1988 годзе пачаў працоўны шлях рабочым на Шаганарскім райпрамкамбінаце.

У 1992 годзе скончыў Краснаярскі дзяржаўны ўніверсітэт па спецыяльнасці «юрыспрудэнцыя», у 2006 годзе — Расійскую акадэмію дзяржаўнай службы пры Прэзідэнце Расіі па спецыяльнасці «Антыкрызіснае кіраванне».

Пасля заканчэння ўніверсітэта пачаў працаваць у органах улады, стаўшы галоўным спецыялістам па прававых пытаннях Дзяржаўнага камітэта па маёмасці Рэспублікі Тыва.

Затым, з 1994 па 2004 гады, узначальваў тэрытарыяльны орган Федэральнай службы Расійскай Федэрацыі па фінансавым аздараўленні і банкруцтву ў Туве. У далейшым перайшоў на працу ў Міністэрства фінансаў Рэспублікі Тыва, дзе паслядоўна займаў пасады начальніка аддзела і начальніка дэпартамента.

З красавіка 2007 па ліпень 2008 года — міністр зямельных і маёмасных адносін Рэспублікі Тыва.

30 ліпеня 2008 года ўзначаліў гарадскую адміністрацыю Кызыла ў якасці кіраўніка горада. На гэтай пасадзе адпрацаваў два тэрміны[2]. 1 лістапада 2018 года перадаў свае паўнамоцтвы мэра Карыму Сагаан-оалу[3].

З 9 лістапада 2018 па 7 красавіка 2021 года — генеральны дырэктар кампаніі «Тываэнергазбыт».

Часовы в. а. Кіраўніка Рэспублікі Тыва

7 красавіка 2021 года Прэзідэнт Расіі Уладзімір Пуцін падпісаў указ аб прызначэнні Хавалыга часовым выканаўцам абавязкаў кіраўніка Рэспублікі Тыва замест Шалбана Кара-оала, які зышоў у адстаўку[4][5][6][7].

20 чэрвеня 2021 года рэгіянальнае аддзяленне партыі «Адзіная Расія» вылучыла кандыдатуру Хавалыга для ўдзелу ў выбарах Кіраўніка рэспублікі 19 верасня.

19 верасня 2021 года перамог на выбарах, атрымаўшы каля 85% галасоў выбаршчыкаў.

Асабістае жыццё

Жанаты, мае дваіх дзяцей.

Класны чын

  • Дарадца дзяржаўнай грамадзянскай службы Расійскай Федэрацыі 1-га класу[8].

Узнагароды

Падзячны ліст прэзідэнта Расійскай Федэрацыі (2012), ганаровая грамата кіраўніка Рэспублікі Тыва (2013, 2018), медаль «За ўклад у развіццё горада Кызыла» (2017) і іншыя ўзнагароды[9].

Зноскі

  1. ↑ "Владислав Ховалыг назначен врио главы Республики Тыва". Президент России [руская]. Праверана 2021-04-08.
  2. ↑ "Мэром Кызыла избран единоросс Владислав Ховалыг" [руская]. 2013-11-12. Праверана 2018-11-07.
  3. ↑ "Новым мэром Кызыла стал топ-менеджер АО «Тываэнерго»". ИА REGNUM [руская]. Праверана 2018-11-07.
  4. ↑ "Путин освободил от должности главу Тувы Кара-оола. Врио назначен Владислав Ховалыг". ТАСС [руская]. Праверана 2021-04-07.
  5. ↑ "Путин отправил в отставку главу Тувы". РБК [руская]. Праверана 2021-04-07.
  6. ↑ "Врио главы Тувы назначен Владислав Ховалыг". Life.ru [руская]. 2021-04-07. Праверана 2021-04-07.
  7. ↑ Экс-мэр Кызыла Владислав Ховалыг назначен врио главы Тувы(руск.) // Коммерсантъ.
  8. ↑ Ховалыг Владислав Товарищтайевич | Энциклопедия РИА ФедералПресс (руск.). lib.fedpress.ru. Праверана 7 лістапада 2018.
  9. ↑ Биография Владислава Ховалыга (руск.)

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.