Уладзімір Ягоравіч Мацюшкоў

Уладзімір Ягоравіч Мацюшкоў
Уладзімір Ягоравіч Мацюшкоў
Старшыня Дзяржаўнага камітэта па навуцы і тэхналогіях
	16 чэрвеня 2005 — 26 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Юрый Плескачэўскі
Пераемнік	Ігар Войтаў
Нараджэнне	10 красавіка 1946 (77 гадоў); Віцебск, Віцебская вобласць, БССР, СССР;
Адукацыя	фізічны факультэт БДУ (1968);
Навуковая ступень	Доктар тэхнічных навук
Месца працы	Беларускі дзяржаўны ўніверсітэт інфарматыкі і радыёэлектронікі;
Узнагароды

Уладзі́мір Яго́равіч Мацюшко́ў (нар. 10 красавіка 1946, Віцебск) — беларускі дзяржаўны дзеяч, былы Старшыня Дзяржаўнага камітэта па навуцы і тэхналогіях Рэспублікі Беларусь, доктар тэхнічных навук, лаўрэат Дзяржаўнай прэміі СССР, лаўрэат Дзяржаўнай прэміі Рэспублікі Беларусь, прафесар.

Біяграфія

Скончыў фізічны факультэт Беларускага дзяржаўнага ўніверсітэта ў 1968 годзе.

З 1968 года ў інстытуце фізікі Акадэміі навук БССР: стажор-даследчык, старшы інжынер-канструктар, загадчык сектара Спецыяльнага канструктарска-тэхналагічнага бюро з вопытнай вытворчасцю Інстытута фізікі.

З 1975 года начальнік лабараторыі лазерных сістэм Канструктарскага бюро дакладнага электроннага машынабудавання. У 1987 годзе быў прызначаны начальнікам аптычнага аддзела, у 1988 годзе — начальнікам навукова-тэхнічнага комплексу оптыка-механічнага і кантрольна-вымяральнага абсталявання КБДЭМ.

З 1991 года дырэктар навукова-вытворчага прадпрыемства «КБТЭМ-ОМА», з 1992 года — віцэ-прэзідэнт канцэрна «Планар», дырэктар прадпрыемства «КБТЭМ-ОМА».

Указам Прэзідэнта Рэспублікі Беларусь ад 16 чэрвеня 2005 года № 279 прызначаны Старшынёй Дзяржаўнага камітэта па навуцы і тэхналогіях Рэспублікі Беларусь.

26 чэрвеня 2009 года быў вызвалены з пасады Старшыні Дзяржаўнага камітэта па навуцы і тэхналогіях Рэспублікі Беларусь^[1] і прызначаны галоўным інжэнерам УП «КБТЭМ-ОМА».

Навуковая дзейнасць

За трыццацігадовы перыяд работы ў канцэрне «Планар» пад кіраўніцтвам і пры непасрэдным удзеле У. Я. Мацюшкова створана больш за трыццаць відаў лазернага оптыка-механічнага тэхналагічнага абсталявання для вытворчасці вырабаў мікра- і радыёэлектронікі.

У. Я. Мацюшкоў — нацыянальны эксперт Рэспублікі Беларусь па лазерах і лазерным тэхналогіях. Аўтар 25 вынаходак, больш за 120 публікацый, у тым ліку 4-х манаграфій.

Прэміі

Дзяржаўная прэмія СССР (1986), за стварэнне тэхналогіі, распрацоўку аўтаматызаванага абсталявання і шырокае ўкараненне лазернай апрацоўкі плёнкавых элементаў у вытворчасці электронных вырабаў;
Лаўрэат Дзяржаўнай прэміі Рэспублікі Беларусь у галіне навукі і тэхнікі (2000, у аўтарскім калектыве) — за працу «Стварэнне і асваенне ў вытворчасці комплекса канкурэнтаздольнага прэцызійнага абсталявання для вырабу высокадакладных арыгіналаў тапалогій вырабаў электроннай тэхнікі».

Зноскі

↑ Указ Президента Республики Беларусь от 26 июня 2009 г. № 345 «Об освобождении В. Е. Матюшкова от должности Председателя Государственного комитета по науке и технологиям Республики Беларусь»

Літаратура

Матюшков Владимир Егорович // Русецкий, А. В. Ученые-уроженцы Витебщины — для инновационной Беларуси / А. В. Русецкий, Н. К. Толочко. — Витебск, 2007. — С. 88-89.

Спасылкі

Профіль на сайце УП «КБТЭМ-ОМА» (руск.)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Указ Президента Республики Беларусь от 26 июня 2009 г. № 345 «Об освобождении В. Е. Матюшкова от должности Председателя Государственного комитета по науке и технологиям Республики Беларусь»

[1]

Старшыні Дзяржаўнага камітэта па навуцы і тэхналогіях Рэспублікі Беларусь
Камітэт па навуцы і тэхналогіях пры Савеце Міністраў Рэспублікі Беларусь	Мікалай Румак (1994)
Камітэт па навуцы і тэхналогіях Міністэрства адукацыі і навукі	Мікалай Румак (1994—1997) • Віктар Гайсёнак (1997—2000) • Анатоль Лесніковіч (2000—2001)
Камітэт па навуцы пры Савеце Міністраў Рэспублікі Беларусь	Анатоль Лесніковіч (2001—2002)
Камітэт па навуцы і тэхналогіях пры Савеце Міністраў Рэспублікі Беларусь	Анатоль Русецкі (2002—2003) • Юрый Плескачэўскі (2003—2004)
Дзяржаўны камітэт па навуцы і тэхналогіях Рэспублікі Беларусь	Юрый Плескачэўскі (2004—2005) • Уладзімір Мацюшкоў (2005—2009) • Ігар Войтаў (2009—2013) • Аляксандр Шумілін (2013—2021) • Сяргей Шлычкоў (з 2021)