Уладзімір Іосіфавіч Навіцкі
Дата нараджэння	21 кастрычніка 1939(1939-10-21) (84 гады)
Месца нараджэння	Боркавічы, Боркавіцкі сельсавет, Дрысенскі раён, Віцебская вобласць, БССР, СССР
Грамадзянства	СССР  Беларусь
Род дзейнасці	выкладчык універсітэта, гісторык
Навуковая сфера	гісторыя[1]
Месца працы	Акадэмія кіравання пры Прэзідэнце Рэспублікі Беларусь Інстытут гісторыі НАНБ
Навуковая ступень	доктар гістарычных навук
Навуковае званне	прафесар
Альма-матар	гістарычны факультэт БДУ (1966)
Партыя	КПСС
Прэміі	прэмія Нацыянальнай акадэміі навук Беларусі
Узнагароды

Уладзімір Іосіфавіч Навіцкі (нар. 21 кастрычніка 1939, ст. Боркавічы, Верхнядзвінскі раён, Беларусь) — доктар гістарычных навук (1990), прафесар (1999).

Біяграфія

Скончыў Полацкі лясны тэхнікум (1958), працаваў у Ласіцкім лясніцтве Пінскага лясгаса. У 1958-1961 гадах - служыў на флоце. Пасля скончыў гістарычны факультэт БДУ (1966), працаваў кіраўніком лектарскай групы Гродзенскага абкама камсамола, лектарам ЦК ЛКСМБ, дырэктарам Рэспубліканскай камсамольскай школы пры ЦК ЛКСМБ. З 1971 года знаходзіўся на партыйнай рабоце ў Мінскім райкаме КПБ, партыйным камітэце АН БССР. З 1984 года старшы, вядучы навуковы супрацоўнік, загадчык сектара, аддзела нацыянальна-культурнага развіцця Беларусі.

З 1973 года - малодшы навуковы супрацоўнік Інстытута гісторыі Нацыянальнай акадэміі навук Беларусі. З 1984 года - старшы, затым - вядучы навуковы супрацоўнік, загадчык сектара, загадчык аддзела гісторыі нацыянальна-культурнага развіцця Беларусі, в.а. намесніка дырэктара Інстытута гісторыі Акадэміі навук НАН Беларусі.

3 2010 года — прафесар кафедры тэорыі і гісторыі дзяржавы і права Акадэміі кіравання пры Прэзідэнце Рэспублікі Беларусь, выкладае «Гісторыю Беларусі».

Навуковая дзейнасць

Аўтар больш за 200 навуковых, вучэбных і вучэбна–метадычных прац, у тым ліку больш за 20 манаграфій па праблемах грамадска-палітычнага жыцця ў савецкі час, гісторыі культуры і канфесій у ХIХ—ХХ ст.

Узнагароды

• Ганаровая грамата Вярхоўнага Савета БССР (1970)
• Медаль «За працоўную доблесць» (1981)
• Прэмія НАН Беларусі і СА РАН (2003) імя акад. В. А. Капцюга за кнігу «Нарыс гісторыі беларусаў у Сібіры ў ХІХ-ХХ стст. (руск.)».

Выбраная бібліяграфія

• Участие Ленинского комсомола Белоруссии в борьбе за подъём народного образования (1920—июнь 1941 гг.). — Мн., 1979. (разам з Я. Новікам);
• Белорусская ССР: курсом перестройки. — Мн., 1989. (разам з І. Марчанкам);
• Гісторыя культуры Беларусі. — Выд. 2-е, дапоўненае. — Мінск : Экаперспектыва, 1997. — 483 с. — ISBN 985-6102-06-5. (сумесна з Леанідам Лычом)
• Гісторыя рабочага класа Беларускай ССР. — Т.4. — Мн., 1995;
• Нарысы гісторыі Беларусі. ч. 2. — Мн., 1995;
• Канфесіі на Беларусі (канец ХVIII—ХХ стст.) — Мн., 1998;
• Очерки истории белорусов в Сибири в IХ—ХХ вв. — Новосибирск, 2001, 2002.

Зноскі

Літаратура

• Навіцкі Уладзімір Іосіфавіч // Беларуская энцыклапедыя: у 18 т. / рэдкал.: Г.П. Пашкоў [і інш.]. – Мн., 2000. – Т. 11. – С. 106.
• Навіцкі Уладзімір Іосіфавіч // Памяць: гісторыка-дакументальная хроніка Верхнядзвінскага раёна: у 2 кн. / рэдкал.: У.С. Богаў [і інш.]. – Мн., 2000. – Кн. 2. – С. 244.