| Таццяна Герасімаўна Мдывані | |
|---|---|
| Дата нараджэння | 20 верасня 1947 (76 гадоў) ці 1947[1] |
| Месца нараджэння | |
| Муж | Андрэй Юр’евіч Мдывані |
| Род дзейнасці | музыказнавец, педагог |
| Навуковая сфера | музыка[2] і музыказнаўства[2] |
| Месца працы | |
| Навуковая ступень | доктар мастацтвазнаўства (2005) |
| Навуковае званне | |
| Альма-матар | |
| Член у | |
| Прэміі |
.svg.png.webp){kind=small} |
| Узнагароды | |
Таццяна Герасімаўна Мдыва́ні (Вараб’ёва; 20 верасня 1947, г. Полацк, Віцебская вобласць) — беларускі музыказнавец, педагог. Доктар мастацтвазнаўства (2005), дацэнт (1988).
Біяграфія
Нарадзілася 20 верасня 1947 года ў г. Полацку ў сям’і беларуса Герасіма Аляксандравіча Вараб’ёва і рускай[3].
Скончыла Беларускую кансерваторыю (1972, клас Г. Куляшовай)[4]. 3 1967 года выкладала музычна-тэарэтычныя дысцыпліны ў Маладзечанскім музычным вучылішчы, з 1972 — у Беларускай кансерваторыі. У 1979 годзе скончыла аспірантуру (навуковы кіраўнік Ю. Халопаў). У 1983 г. абараніла кандыдацкую дысертацыю «Праблемы познерамантычнай гармоніі ў творчасці аўстра-нямецкіх кампазітараў канца 19 — пач. 20 стст. (А. Брукнер, Х. Вольф, Г. Малер, М. Рэгер)»[3].
3 1989 года старэйшы навуковы супрацоўнік у Інстытуце мастацтвазнаўства, этнаграфіі і фальклору Нацыянальнай АН Беларусі, з 2006 г. — вядучы навуковы супрацоўнік аддзела музычнага мастацтва. У 2005 г. абараніла доктарскую дысертацыю «Заходні рацыяналізм у музычным мысленні ХХ стагоддзя (асаблівасці эвалюцыйнага працэсу)»[3].
Член Беларускага саюза кампазітараў і Беларускага саюза музычных дзеячаў[3].
Навуковая дзейнасць
Даследуе праблемы сучаснай беларускай і заходне-еўрапейскай музыкі. Выступае як музычны крытык[4].
Узнагароды
Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998, у сааўтарстве) — за даследаванне «Музычны тэатр Беларусi» ў 3-х тамах, апублікаванае ў 1993—1997 гадах. Узнагароджана Нагрудным знакам «За ўклад у развіццё культуры Беларусі» Міністэрства культуры РБ (№ 543)[3].
Сям’я
Прыкладна з 1972 года ў шлюбе з кампазітарам Андрэем Мдывані[5].
Творы
- К. Пендерецкий. «Заутреня»: Вопр. композиции // Laudamus. М., 1992;
- Музычны тэатр Беларусі. [Кн. 2—3]. Мн., 1993—1996 (у сааўт);
- Э. Денисов. «Пять историй господина Кейнера по Бертольду Брехту»: Вопр. композиции // Теоретические проблемы современной музыки. Мн., 1992;
- Кампазітары Беларусі. Мн., 1997 (раэам з Р. І. Сергіенка);
- Музычны слоўнік беларуска-рускі = Музыкальный словарь русско-белорусский. Мн., 1999 (у сааўтарстве).
Зноскі
- ↑ Czech National Authority Database Праверана 8 чэрвеня 2022.
- 1 2 Czech National Authority Database Праверана 7 лістапада 2022.
- 1 2 3 4 5 Мдивани Татьяна Герасимовна. Отдел Музыкального искусства и этномузыкологии.
- 1 2 Мдывані Таццяна Герасімаўна // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
- ↑ Рыцарь страстей. 18.12.2009(недаступная спасылка)
Літаратура
- Мдывані Таццяна Герасімаўна // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).