Тысяча і адна ноч
азерб.: Min bir gecə
Афіша/постар/сцэна
Балет «Тысяча і адна ноч» Ф. Амірава на сцэне Беларускага дзяржаўнага акадэмічнага музычнага тэатра
Жанр балет
Заснаваны на лібрэта Максуд Ібрагімбекаў
Рустам Ібрагімбекаў паводле збору казак «Тысяча і адна ноч»
Кампазітар Фікрэт Аміраў
Харэограф Наіля Назірава
Год 1979
Пастаноўкі першая - Азербайджанскі тэатр оперы і балета, Баку, гл. таксама ў тэксце

«Тысяча і адна ноч» (азерб.: Min bir gecə) — балет у дзвюх дзеях, напісаны ў 1979 годзе. Лібрэта Максуда і Рустама Ібрагімбекавых[1]. Музыка азербайджанскага кампазітара Фікрэта Амірава. Лібрэта балета напісана па матывах збору казак «Тысяча і адна ноч».

Упершыню ўбачыў свет у Баку ў 1979 годзе на сцэне Азербайджанскага акадэмічнага тэатра оперы і балета[1] дырыжорам-пастаноўшчыкам Назімам Рзаевым са сцэнаграфіяй Тагрула Нарыманбекава. Адноўлены ў 1992 годзе. У 1999 годзе быў пастаўлены ў Харкаўскім акадэмічным тэатры оперы і балета і ў Краснаярскім дзяржаўным тэатры оперы і балета[1].

Асновай балета стала папулярнае «Апавяданне пра цара Шахрыяра». У балет уваходзяць сюжэты і іншых казак — пра прыгоды Сіндбада-марахода, Птушку Рух, Аладзіна і прынцэсу Будур, Алі-Бабу і сорак разбойнікаў.

За стварэнне гэтага балета Фікрэт Аміраў быў ганараваны ў 1980 годзе Дзяржаўнай прэміяй СССР.

Пастаноўка ў Беларусі

Беларуская пастаноўка 2014 года

У 2014 годзе балет быў пастаўлены ў Мінску на сцэне Беларускага дзяржаўнага акадэмічнага музычнага тэатра. Балетмайстрам спектакля стала вядомая азербайджанская харэограф Медзіна Аліева, дырыжор-пастаноўшчык Эйюб Куліеў.

Зноскі

  1. 1 2 3 И. Л. Лебединский. Тысяча и один раз о «1001 ночи» / Под ред. В. П. Леонова и Назима М. ад-Дейрави. — Россия и арабский мир. — Санкт-Петербург: Ноах, 2007. — Т. 10.

Спасылкі

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.