Тырэнскае мора

Тырэ́нскае мо́ра (італ.: Mare Tirreno) — частка Міжземнага мора, змешчаная паміж Апенінскім паўвостравам і астравамі Сіцылія, Сардзінія, Корсіка. З іншымі часткамі Міжземнага мора злучаецца пралівамі Месінскім (з Іанічным), Туніскім, Баніфача (з заходняй часткай Міжземнага мора), Карсіканскім (з Лігурыйскім).

Плошча ~214 тыс. км². Глыбіня да 3830 м, сярэдняя — 1519 м. Тэмпература вады летам 22—24,5 °C, зімой — 13,5—14,5 °C. Салёнасць 37,25—38,25 ‰. Паверхневыя цячэнні ўтвараюць цыкланальны колазварот, іх хуткасць да 1 км/г.

Асноўныя порты і ВМБ: Неапаль, Палерма, Кальяры (усе — Італія), Бастыя (Францыя).

Назва мора паходзіць ад слова tyrrhenoi (tyrsenoi) — назвы этрускаў ў старажытных грэкаў.

Гл. таксама

Літаратура

  • ВЭС-83, С. 740.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.