Тымол
Агульныя
Хім. формула	C₁₀H₁₄O
Тэрмічныя ўласцівасці
Класіфікацыя
Рэг. нумар CAS	89-83-8
PubChem	6989
Рэг. нумар EINECS	201-944-8
SMILES	CC1=CC(=C(C=C1)C(C)C)O
ChemSpider	21105998

Тымол, 2-ізапрапіл-5-метылфенол, 3-гідраксі-4-ізапрапілталуол, CH₆CH₃(OH)(C₃H₇) — араматычнае злучэнне з хімічнымі ўласцівасцямі фенолаў.

Бясколерныя крышталі з характэрным пахам і пякучым смакам. Тэмпература плаўлення 50—51,5 °C, тэмпература кіпення 232,9 °C. Шчыльнасць 9257 кг/м³ (пры тэмпературы 20 °C). Добра раствараецца ў этаноле, дыэтылавым эфіры, воцатнай кіслаце, бензоле. Не раствараецца ў вадзе.

У прыродзе

У прыродзе ўтрымліваецца ў некаторых алеях, напрыклад, з насення і лісця чабару звычайнага (Thymus vulgaris).

Атрыманне

Тымол у прамысловасці атрымліваюць алкіліраваннем м-крэзолу прапіленам пры тэмпературы 360—365 °С, ціску 4,8—5 МПа у прысутнасці каталізатара (актываваны Аl(ОН)₃).

Выкарыстанне

Тымол выкарыстоўваецца ў вытворчасці ментолу, некаторых хімічных індыкатараў (тымолавага сіняга, тымолфталеіну). Антысептык. Таксама выкарыстоўваецца ў парфумерыі і ў якасці процігліставага сродку.

Літаратура

• Тымол // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 74. — 10 000 экз. — ISBN 985-11-0035-8. — ISBN 985-11-0251-2 (т. 15).
• Тимол // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• Артыкул на сайце ХиМиК.ру (руск.)
• На Вікісховішчы ёсць медыяфайлы па тэме Тымол