Тутавы шаўкапрад
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Інфраатрад:  Heteroneura Надсямейства:  Bombycoidea Сямейства:  Сапраўдныя шаўкапрады Род:  Bombyx Від:  Тутавы шаўкапрад
Міжнародная навуковая назва
Bombyx mori Linnaeus, 1758
Сістэматыка на Віківідах Выявы на Вікісховішчы ITIS   117540 NCBI   7091 EOL   391618

Ту́тавы шаўкапра́д (Bombyx mori) — матыль сямейства сапраўдных шаўкапрадаў (Bombycidae).

Апісанне

Крылы ў размаху 4—6 см, белаватыя. Цела масіўнае. Ротавы апарат недаразвіты, дарослыя матылі не кормяцца. Спароўваюцца адразу пасля выхаду з коканаў. Самка адкладвае 500—700 яек (грэн) і гіне. Інкубацыя працягваецца 10—12 сутак. Вусені за 25—28 сутак праходзяць 5 узростаў, кормяцца лісцем шаўкоўніцы і інш. Шоўкавыдзяляльная залоза складае да 26 % ад масы вусеня і выдзяляе шаўкавіну — тонкую парную ніць. Кокан складаецца з бесперапыннай шаўкавіннай ніці даўжынёю 1000—1500 м.

Развядзенне

Адамашнены ў Кітаі каля 3 тыс. гадоў да н. э. Разводзяць пераважна ў краінах Індакітая і Паўднёвай Еўропы. Выкарыстоўваецца для атрымання шаўкоўнічных коканаў — сыравіны для вырабу натуральнага шоўку. Штучным адборам створаны пароды тутавага шаўкапрада, якія адрозніваюцца памерамі, формай, колерам і структурай абалонкі коканаў, колькасцю пакаленняў за год і інш. У прамысловым шаўкаводстве выкарыстоўваюць гібрыды парод, якія больш жыццяздольныя, даюць высокія ўраджаі коканаў з лепшымі тэхналагічнымі якасцямі.

Зноскі

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 63. — 576 с. — 10 000 экз. — ISBN 985-11-0263-6 (Т. 16).